ولكنها خذت قلبي بلا دستور ولا مله !!

[محمد أبن دوحان]

تواصلا معكم اليكم هذه الأبيات من الأرشيف وأتمنى أن ترتقي لذائقتكم الشعريه الراقيه :-


يا كيف أحزن وقلبي بيد من حبه برى حالي=بيدين العروب اللي شذاهـا يبـري العلـه
صحيح أنها هنوف وصفها هبال على هبالي=ولكنها خذت قلبي بـلا دستـور ولا ملـه
فداها قلبـي ولكـن أبيهـا دايـم قبالـي=ما هو معقول قلبي وهو قلبي ولا أوصلـه
رجيت القرب منها يا عساها تضوي آمالي=وعساها تنتشل همي من أضلاعي وتشتلـه
ويفدها الملا والكون ويفداها الغلا الغالـي=وتبشر بالحياه اللي مداها الحـب والفلـه
اهي شمس ودفى وأنا لها براد على ظلالي=اهي عيني وأنا جفن عليها غمـض بذلـه
اهي ود وهي رحمه وهي لي راس الأموالي=وأنا درع لها وسيف صقيل بيدهـا تسلـه
اهي شوق ملكني ساكن جالي ألـى جالـي=وأنا تايه في بحر الحب والعنوان ما أدلـه
تبهر دلتـي بالحـب والفنجـال فنجالـي=وأمد ألها الغلا لنها حياتـي والأمـل كلـه
أنا من كثر شوقي و الوله باسـج أحلالـي=وأغني بلأمل ما بين يا ليت وعسى وعلـه
وأشل الصـوت يـالالا يـالالا يالالالالـي=أنا ما بي من الدنيا كثيـر المـال ولا قلـه
اسـال الله رحمـن رحيـم ربـي الوالـي=اساله يرحم أحوالي ويغفر الذنـب والزلـه
ألهي يا ألهي يا ألهـي ضاقـت أحوالـي=وأنا مالي غنى عنك وقلبي من له ومن له
اسالك تشرح القلب وتزيـل الهـم لمالـي=وتسعدني بحب اللي هواهـا مالـك خلـه
أسج وساقني حب صدوق وحب الأوصالـي=أدور دافي الحب وعسهـا تضبـظ الشلـه
أنا باجي لها وأقطع دروبي في الخلا الخالي=وأبيع الكون كله في رضاها وارقب الطلـه
صحيح أنها هنوف وصفها هبال على هبالي=ولكنها خذت قلبي بـلا دستـور ولا ملـه
فداها قلبـي ولكـن أبيهـا دايـم قبالـي=ما هو معقول قلبي وهو قلبي ولا أوصلـه


وسلامتكمـــــــــــــــــــــــــــــــــــــــجمي ع