المساعد الشخصي الرقمي

مشاهدة النسخة كاملة : { وزارة الصحة ضعيفٍ جهـدهـا }


مهدي بن مسفر الحبابي
10-01-2008, 06:00 PM
أخواني اسرة هذا الصرح أقدم لكم هذه الابيات والتي تعبر عن موضوعها

حيث يرقد أبن شقيقي والذي يبلغ من العمر14 سنه في العنايه الفائقه أثر الصابته

بكسور فالجمجمة أدت إلى فقدانه الوعي وتم مخاطبة جميع المستشفيات الكبرى بالرياض

وتم اعتذار البعض منها وبقية المستشفيات لم يرد منها أي رد ووزارة الصحة تقف موقف المتفرج

حيث مضى أكثر من 12يوم ولم يتم نقله وحالته حسب التقارير تستوجب نقله لمستشفى متخصص

فأتت هذه الابيات في عجل ارجو ان تقبلونها كما هي وارجو منكم الدعاء له بالشفاء


يــا الله يــا فــكــاك مــن كــل الابـــلاش = يــا خــالــق خــلــقــك ومـحــصـي عــددهــــا
يـا كـافــل أرزاق الــحـيـايــا والادبــــاش = يــا أروف مـن الأم الــحـنـون بــولـــدهــــا
طـلـبـتـك تـلـزمـنـي بـلا قـيــد ونـقــاش = وأوامـــرك تــصــدر عــلي وأعـــتــمـــدهـــا
عـبـدك وأبـن عـبدك معـاليقـه أعـطـاش = قــامــت تــرازم لـيـن شـــفـــنـا زبـــدهـــــا
والـفـرحــة اللـي ذابـلـه داخـل الـجــاش = مـــمـاتـهـا فـي مــهـــدهـــا اشـــر وأدهـــــا
والـفـكر مـن كـثـر الـهـواجيـس مـنداش = والـعــيـن عــافــت نـومـهــا مـن نــكـدهـــا
سـبـة صـغـيـرٍ فـاقـد الـوعـي بـنـعــاش = مـصـاب والــقـدرة مـا نـعــرف وعـــدهــــا
أبـوه حـائـر بـيـن مـسـرى ومــغـبــاش = وعـيـنــه تــبيـن أدمــوعـهـا لـو جـحــدهــا
خـلف الـقـزاز ولـفـت أعـيونـه بـشـاش = والــذاكـــرة مـن مـا جــرالـه فــقــــدهـــــا
عــمـلـت مــا يـلـزم ولـكـن مــا جـــاااش= وزارة الــصــحــة ضـــعــيـــفٍ جـهـــدهـــا
وصوب الحرس والجامعي صار مطراش= ونــرقـــب وعـوووودٍ قـد يـطـوْل أمـدهــــا
ما فـيـه كـرسي عـذرهـم عــذر مـنـقـاش = عـــذرٍ قــبــيــح ونــنـتـظــر وش بـعـدهــــا
أثـنـى عـشـر يــومٍ نــطـالـب ولا أنـاش = أمـــر الــوزارة لـيــش مـــحـدٍ نـشــدهــــا
وصْـل خـطـابـي لـبو مـتعـب يا حـناش = يـا عــزوتـي وصـل عــلـومـي سـنـــدهــــا
وزارة الـصـحـة تـرى وضـعـهــا مـاش= الـوضــع يـبـغـى وقـفـتـك يـا ســعـــدهـــــا
تـكـفـى يا ابو مـتعـب أنا صـدق منـداش = وزارة الــصــحــة ضـــعــيـــفٍ جـهـــدهـــا

احمد بن شفلوت
10-01-2008, 06:11 PM
السلام عليكم




اسأل الله الكريم رب العرش العظيم ان يعطي مريضكم وجميع مرضى المسلمين العافية





وصح لسانك

عبدالله ابن شايع الزهيري
10-01-2008, 07:08 PM
أسئل الله له الشفاء العاجل


والله يعينكم ويسهل أمركم



أما الصحه والمستشفيات بكل إختصار وصدقني معظم الأسره شاغره ولايوجد عليها مرضى لكن الضيق في صدور المستشفيات والقائمين عليها يعني لازم واسطه على شان ينقلونه بأسرع وقت أما غير ذلك فلا لن الأسره أصلاً في نظرهم للواسطه فقط إلا من رحم ربي ..



صح لسانك
الله يرعاك

بحر
10-01-2008, 08:09 PM
اسأل الله العلي العظيم ان يعافيه ويشفيه

وصح لسانك يابو مسفر والله المستعان

وابو احمد كفو وعنزتها على جبل

لاهنت وتقبل تحيات بحر

عبدالله بن غفره
10-01-2008, 08:49 PM
اسأل الله العلي القدير ان يلبس ابن اخيك ثوب الصحه والعافيه


وصح الله لسانك يابو نواف على القصيدة التي تحاكي الواقع

وتتكلم باسمنا جميعاً


شاعر جزل واعتدنا منك جزل الألفاظ والمعاني

سعد القحطاني
12-01-2008, 07:27 AM
اسأل الله العظيم ان يشفي ابنكم

ويلبسه ثوب العافيه .. ولا يريكم مكروه

ورحمة الله والفرج قريب

وصح لسانك ترليون

.

أبــومبارك الـعـابسي
12-01-2008, 08:19 AM
اسأل الله الكريم رب العرش العظيم ان يعطي مريضكم وجميع مرضى المسلمين العافية

ناصر بن محمد
13-01-2008, 05:59 PM
الله يشفي ولد اخوك من مآ فيه والله اني اقولهآ وانآ صآدق



وصح الله لسآنك واتمنى من الله ان يقبل دعوآنآ ويقبل طلبتك



تقبل فآئق الود والتقدير


نآصر بن محمد آل مهدي

شامانـ العاطفي
13-01-2008, 07:25 PM
اسأل الله الكريم رب العرش العظيم ان يعطي مريضكم وجميع مرضى المسلمين العافية

وصح لسانك يالذيب اية عليك ابهم ...

ما ينفع معهم الا التشهير بهم ...

ابن خضير
14-01-2008, 09:34 AM
بسم الله الرحمن الرحيم
السلام عليكم ورحمة الله وبركاته

اسأل الله ان يشفيه

اما الصحه ما حولك احـــــــــــــــد


وصح السااااااااااااااااااااااااااانك

عوض بن شفلوت المناديه
14-01-2008, 04:30 PM
نسأل الله العلي العظيم ... ان يلبسه ثوب الصحة والعافية


ويرده لكم سالم .



اخوي مهدي



صح لسانك



دعاءنا لك بالتوفيق ولابن اخوك بالصحة




تحياتي

سعد محمد آل خاطر
15-01-2008, 12:52 AM
نسأل الله الكريم رب العرش العظيم أن يشفيه وأن يرفع ما حل به ,, وجميع ما ذكرت شعرا أو نثرا صحيح
في هذه الوزارة التي تحتاج لإنعاش ,,

مهدي بن مسفر الحبابي
25-01-2008, 12:00 AM
أخوي أحمد بن شفلوت

سلمت ولا هنت وصح بدنـك

عساك ما تشوف شر ولا من تحب

لك فائق احترامي وتقديري