+ تـــعــلـــم طــبـــخ المــنــديــ بنــفــسكــ +

[ماجد القحطاني]

هلا والله

اخباااركم ,,,


عساكم بخـــيــــــــر \


بقدم لكم طبخه هي

مندي مندي

((( شـــــبـــــة مــنــديــ خخخخ )))


المهم يا سوينا مندي راح تستفيدون ,,,

( اني اعلمكم مندي + تشوفون عشاااانااا يا ويلاهـ بس )






اللي جوعان يطلع أحسن له <<< وش عنده الشيف رمزي خخخخخ


طيب يعني تبي تكمل



انت حر


بكيفك


ترا بطينك بيقرقر


يالله بسم الله ....




وشوفوا الفلم اللي صار ...






1- قطعنا البصل وحمسناه ...

http://www.qahtaan.com/works/up/get.php?hash=wb3mkzdhxq1198884489




2- قطعنا الطماط ...

http://www.qahtaan.com/works/up/get.php?hash=349cefjmux1198884489



3- حمسنا الطماط مع البصل وحطينا البهارات ,,,

http://www.qahtaan.com/works/up/get.php?hash=460dfkptuv1198884489



4- وهاذي صورة البهارات ,,,,

http://www.qahtaan.com/works/up/get.php?hash=123bcghjqv1198884489



5- حطينا اللومي والماجي والصلصة والملح وخليناها تقلب على النار شوي ...

http://www.qahtaan.com/works/up/get.php?hash=ozbd8jy1fe1198884489



6- جاني واحد من الشقردية وفــــرم الدجاج ..الله يستر لاتجيه فلونزا ونبلش به ,,


http://www.qahtaan.com/works/up/get.php?hash=z1sb7hgquf1198884993




7- تبلت الدجاج بملح فقط ( أطعم له ) وحطيت عليه لون زعفران احمر وأصفر ...

http://www.qahtaan.com/works/up/get.php?hash=24590cefnr1198884993



8- كبينا الرز على المرقة والفرن كان جاهز ومحتمي ... لاتفوتكم الثومة ( طالعين مصارية ) خخخخخخخخ

http://www.qahtaan.com/works/up/get.php?hash=39befgmovw1198884993



9- فيما يحوس القدر والدجاج بالفرن قمنا نجهز الزينة << امحق من زينة خخخخخخخ طبعا بصل وطماط وليمون

http://www.qahtaan.com/works/up/get.php?hash=1vg38esadz1198884993



10- الشباب كانوا في قمة الجوع فأطريت للأسف بعد ساعة لاخراجه ( يعني لو استمر ساعة ونص كان ياسلام سلم )

http://www.qahtaan.com/works/up/get.php?hash=12adejkost1198884993


11- وهاذي بنات المذن ,,, آآآآخ لو خليناها شوي زي ماقلت لكم كان تشوفها مشقرات صح ...

http://www.qahtaan.com/works/up/get.php?hash=zumdwfs4kc1198885358


12- وهذا الصحن على السماط ويازينه قبل الفلم والاكشن اللي صار ...

http://www.qahtaan.com/works/up/get.php?hash=1679ehjpsv1198885358







13- وهذا بعد المذبحة اللي صارت

http://www.qahtaan.com/works/up/get.php?hash=9aejknpqvx1198885358


... وعليهم بالعافية ...


======================

آسف على الإطالة ...


هاااااااااااا



يالله عاد اعزموووني ابي اختبررركم

يالله كل واحد يسويله ويقولي علشان اذوووقه




((( تقبلوا تحياتي )))

[عبدالله آل عباد]

خخخخخخخخخخهه

أجل منت بسهل يالشيف ماجد

والله ياخوك أنا عطاني الله من كل علم ماتعلمته <<< صبه رده


ألا الطبخ وشغل المطبخ ما أعرف له



ذكرتني بواحد من الشباب

يسمونه أبو حمرين

مستاجر هو وفقرقة معه أستراحة في الدرعيه

يطبخ بشكل ليلي تقريباً

ويطبخ طبخ

يبطون المطاعم يسوون مثله

وذكر مرة طلعت أنا وياه ومجموعة من الشباب لي مكان خلف الثمامه

ولا أنسى ذاك العشى ألا أن يتوفاني الله

مدري هو من الجوع ولا كل شي في البر يجي له طعم






ماجد

لك وافر الشكر

[ماجد القحطاني]

خخخخخخخخخ ..



الطبخ في البر لــهــ طــعـــــم خــــاصــ ,,,


أبوجـــــــــابـــر ::: لاهـــــــنــــــتــ على طــلــتــكــ



وما تكــمــل الاستراحة إلا بــوجــودكــ ,,,


يعطــيـــكــ العافية ,,,

[فارس قحطان]

الله يعطيك العافيه اخوي ماجد




بس ماشرحت لنا مضبوط حنا يالعليميه


يعني المقادير بالضبط :) لاترى محاكيك مطفوق في الطبخ اما ملاه ملح والا خلاه سامج ::(


وتراني نقلت الموضوع الى مجلس الرحلات



.

[خالد العاصمي]

أخي العزيز ماجد القحطاني

جعل والله فيه العافية

للمعلومية ناوي أشتري برميل مندي .... وش تنصحني فيه

أقصد البرميل هل له مواصفات معينة تفضل أن تكون موجودة ؟

وهل كبر البرميل أو صغره يؤثر على ميزة الطبخ وكمية الحطب ؟

ولاهنت


أخوك
أبوفهد

[مرتاح البال]

موضوع جميل ومفيد --- ونحتاج الى تفاصيل اكثر

حول عمله في البرميل ---ومقدار الكميات

يعطيك العافيه

تحياتي

[ماجد القحطاني]

بسم الله الرحمن الرحيمــ ,,


أرحــــــــــــبــــــــــــــوا ,,,


اللـــــــــهــ لايهـــينــــكـــــم على المرور ,,



بالـنــســبــة للطــريقــة ::

تـعـمل برميل محفور له في الارض و نرفع حافته عن مستوى الارض مقدار 20 سم حتى لا تسقط الاتربة داخل الاكل , نضع اعواد الحطب داخل البرميل كلما زاد الحطب كلما كان نضوج الاكل الذ واسرع , ننتظر حتى يصير الحطب جمر ومن ثم نضع قدر الرز على الجمر بعدما نضع الملح ومقدار 3 - 5 كاسات ماء , نضع اللحم على الشبك المخصص له , نغطي البرميل بغطاء محكم وبعد ذلك نضع خرقة او منشفة مبللة بالماء او خيشة كيس رز ونبداء بدففن البرميل بالتراب وننتظر قرابة الساعة بالنسبة للدجاج والساعة والنصف بالنسبة للخروف , وبالهناء والشفاء ,,,

http://www.qahtaan.com/works/up/get.php?hash=2egkpqrtux1198925287


===========================

& الــــبــرامــيــل &

فيه برميل اسمه (كيسي) وهو عبارة عن صفيحة حديد من 2ملم الى 6ملم على حسب طلبك ويتم طي هذه الصفيحة على شكل برميل يكون قطره تقريبا 70-80سم ويكون ارتفاعه حوالي متر او اكثر قليلا ويصمم لها غطاء وهذا هو برميل المندي المطلوب لك وللزمن.

يتم عمل هذا البرميل (الكيسي) في المخرطة

السعر حوالي 300 ريال.


وفيه نوع من براميل المندي او بالاصح (فرن المندي)
ممتاز وتجي منه مقاسات من فرن للدجاجة الى فرن لذبيحتين ,,,


المشكله اني ماحصلت الفرن ولا كان شريته

لكن الفرن اذا انت بجده قبل لايجيك سوق الخيمه على يمينك ادخل يمين

وابتل تلقى محلات لليل افغان متخصصين بهاالشغلات ,,

[إبن قمدان الوادعي]

ماشاء الله عليك اخوي ماجد
الطريقه الأوله جديده علي واستفدنا منها
ولكن الأخيره هذه هي الصحيحة في عمل المندي لخبرتي مع العزوبية سنين وحنا على الطبخ والنفخ

بصراحة جوعتني ولكن الحمدلله الغداء قرب من موعده بعد شوي
تحياتي لك على هذا الجهد الواضح وفقك الله .

[ماجد الخليفي]

أخي العزيز ماجد القحطاني

جعل فيه العافية و بصراحة جوعتني وشوقتني

Thank you

[حسين فارس الفحوس]

بيـــض الله وجهـــك ... :050103big :050103big :050103big :050103big :050103big أبدعـــت ...


والمقـــادير ... ماعلمتنا عليهـــا ...


تقـــبل مني فائــق التقديـــر والأحتـــرام ...

[ابن خضير]

بسم الله الرحمن الرحيم
السلام عليكم ورحمة الله وبركاته

جعل فيه العافيه


الله لا يهينك

[خالد العاصمي]

لاهنت ياماجد على التوضيح وبيض الله وجهك

لقيت برميل زي اللي تقول طوله حول المتر وقطره من 70 الى 80 سم

ومعه عدته .... مقعدة القدر وشبك اللحم وغطاه ب 150 ريال فقط لاغير

عند محل للأواني المنزلية راعيه يماني وخبرة .... أشوف انه مناسب ويمكن آخذه


لاكن عندي مسائلة لو تكرمت ....

ليه ندفن الغطاء بالرمل وهو مرتفع 20 سم ... صعبه

وهل أذا الغطاء محكم مايكفيه نغطيه بس بدون دفن وخيشه وما الى ذلك ؟

وهل أذا شريت البرميل بمشيئة الله ودفنته أعبيه رمل شوي من داخل علشان يحتفظ بالحرارة ... ماهوب أحسن ؟

وآسف جدا على الأطالة


أخوك
أبوفهد

[باسل محمد]

لاهنت على الموضوع الجميل والمفيد

[باسل محمد]

[url=http://www.qahtaan.com/works/up]http://www.qahtaan.com/works/up/get.php?hash=3deioptuwx1198949328[/url الصوره تعبر عن نفسها مايحتاج

[ماجد القحطاني]

السلام عليكم ورحمة الله وبركاته ..


أرررررررررررحبــوا الله لا يــهــينــكم على المرور ..


==================

يا أبــو فـهـد ...



آســـف على التأخــيـــر ..



شف يا أبوفهد بالنسبة للدفــن لازم تدفن وتحط أكبر قدر من الرمل علــشـــــان يحفظ الحرارة ..


و أنـــا أنصحك بالدفـــن ..


وسلامتــك ,,,


===============

باسل محمد ..


أرحب الله لا يهينك على المرور ..

[عبدالله السحيمي]

ارحب ياماااااجد



والله من الجووووع الي فيني<<<مسكين عزوووووبي:(



لاهنت يالغالي

اخوك/عبدالله السحيمي

[مشاري بن نملان الحبابي]

لاهنت

والله يعطيك العافية ...

جوعتنا ....

[ماجد القحطاني]

عبدالله السحيمي .


أرحــــــــب ...


اللــه لايــهــيــنــكــ على المرور ...



والعزوبية عالم ثاني لا يــعرفه إلا أصحابــهــا >> يــازيــنــهــا زيــناهـ <<

[ماجد القحطاني]

ابن نملان .



أرحــــــــب ..



اللــه يعــافــيكــ ,,,


ولاهــنــــــــــتـ على المرور ..

[هبشان]

يممممممممممممممممممممميمممممممممممممممم

هههههههمممممممممممممممم


جوعتنا اليوم العشا عندك

نداك ان تقول تم

ههههههه

لاهنت