فيصل التميمي
23-12-2007, 12:27 AM
قامت تشاغلني كثير التفاكير
وقامت تجي وتروح بي كثر الافكار
وقامت بي الاقدام حث على السير
قامت ولا ادري وين في القدم سار
ما كنت اظن اللي جرى حق بيصير
وما كنت اصدق لين صار الذي صار
وما كنت اظن الوقت لي دايم يسير
وما كنت اصفق ضيق يمناي بيسار
وين انت ياللي وارد جمة البير
وين انت يوم الوقت في صاحبك بار
وين انت يانبتٍ سقيته بتقطير
وين انت يانادر على كل الاقطار
قصرت رجلي عن كثير المشاوير
وقصرت رجلك ما تعنيت مشوار
وقصري سمعي بك عن ناصح مشير
وقصرت سمعك لي وصدقت الاشوار
لا شك دامك برت ماشره على الغير
ولا شك تنبت ارضنا عقب الامطار
ولا شك محدٍ غيره الوالي مجير
ولا شك محدٍ يامن الوقت لا جار
يومٍ من الايام تصبح به مغير
ويومٍ من الايام تصبح به مغار
ويومٍ من الايام تمسي على خير
ويومٍ من الايام منت بمع الخار
دنيا وهذي حالها دوم تغيير
دنيا ولا صفيت مع صاحب الغار
دنيا عسانا نرتحل دون تقصير
دنيا ولو زانت ترى اعمارنا قصار
ابعد دروبي عن مصاحب هل الكير
وابعد دروبي عن مفارق هل الكار
وابعد عن اللي جاب عز بدنانير
وابعد عن اللي باع عزه بدينار
وصلاة ربي عد ريشٍ على طير
وصلاة ربي عد ما طايرٍ طار
على اللذي جانا نذيرٍ وتبشير
المصطفى طه وصحبه والاخيار
وسلامتكم
وقامت تجي وتروح بي كثر الافكار
وقامت بي الاقدام حث على السير
قامت ولا ادري وين في القدم سار
ما كنت اظن اللي جرى حق بيصير
وما كنت اصدق لين صار الذي صار
وما كنت اظن الوقت لي دايم يسير
وما كنت اصفق ضيق يمناي بيسار
وين انت ياللي وارد جمة البير
وين انت يوم الوقت في صاحبك بار
وين انت يانبتٍ سقيته بتقطير
وين انت يانادر على كل الاقطار
قصرت رجلي عن كثير المشاوير
وقصرت رجلك ما تعنيت مشوار
وقصري سمعي بك عن ناصح مشير
وقصرت سمعك لي وصدقت الاشوار
لا شك دامك برت ماشره على الغير
ولا شك تنبت ارضنا عقب الامطار
ولا شك محدٍ غيره الوالي مجير
ولا شك محدٍ يامن الوقت لا جار
يومٍ من الايام تصبح به مغير
ويومٍ من الايام تصبح به مغار
ويومٍ من الايام تمسي على خير
ويومٍ من الايام منت بمع الخار
دنيا وهذي حالها دوم تغيير
دنيا ولا صفيت مع صاحب الغار
دنيا عسانا نرتحل دون تقصير
دنيا ولو زانت ترى اعمارنا قصار
ابعد دروبي عن مصاحب هل الكير
وابعد دروبي عن مفارق هل الكار
وابعد عن اللي جاب عز بدنانير
وابعد عن اللي باع عزه بدينار
وصلاة ربي عد ريشٍ على طير
وصلاة ربي عد ما طايرٍ طار
على اللذي جانا نذيرٍ وتبشير
المصطفى طه وصحبه والاخيار
وسلامتكم