معركة بين آل سعد وعتيبه

[خالد آل سعد]

السلام عليكم ورحمة الله وبركاته
.......................

أغار محمد بن هندي ومناحي الهيظل من شيوخ عتيبه
على آل سعد من قحطان وأخذوا البل لكن صبيان الملاحيق
لحقوا بالقوم وصارت عندها معركه بين الطرفين
واستطاعوا رد البل وكسروا القوم الغازين
وفيها صوب الامير مناحي الهيظل
والذي صوبه هو حمود ابن راجح ابن لبده
راعي السيف الفسقان
حيث طرحه صويب
وهرب محمد ابن هندي من امام الشيخ والفارس قنيفذ
ابن لبده
وهو يصيح في ربعه لمنعه من الفارس الذي
يطرد وراه ولم يكن يريد قتله حيث كان يرميه بالحبل لكي يستأسره
وفيها يقول
قنيفذ ابن لبدة:

انا بالله ثم عادات ربعي ***عادات ربعي تحتمي الذيدان
منيف على صفراه ظف شليلهم ***ضف الغنم لاضفها السرحان
يركض لعينا اللي تجر حنينها***يوم اخلفوها واخطت الحيران
وحموداللي بين الله ذكره ***من باب مكه ليا ورا نجران
يطعن لعين اللي عثت في شوقها***لطق الحشا مالهلهت بزران
يضرب بحد السيف والرمح يورده***وعلى مناحي كسّر الفسقان
ياشوف عيني يوم لحق محمد***ثم قال تالي الخيل يا بقماني

[العبدي الحبابي]

والله ونعم بال سعد وبشيوخهم


لاهنت

[أبا الذموم]

أرررررررحب ياخالد تراحيب المطر
بيض الله وجهك على ذي السالفه اللي تشوش يالقرم .
ونعم ٍ بك وبآل سعد وبعتيبه .
وافي ومن وافين ولافيك حيله .
تقبل تحياتي الخاصه.
واشكرك جزيل الشكر

[خالد آل سعد]

ما عليك زود يا وجه عبدالله

ولا انت

[خالد آل سعد]

أرررررحب
يابالذموم
ولله ان مروووورك يشرفني

[صالح السنحاني]

كفو

ونعم بربعنا آل سعد


تشكرااااااتي

[راعي المصنه]

كفووووو والله بربعنا ال سعد
ولا هنت يا خالد ال سعد

[خالد آل سعد]

أررررحبوا ولا هنتوا

ولا هان كل من علق


تحيااااتي للجميع

[مقبل السحيمي]

جزاك الله خير ياخالد

ونعم وكفو بربعنا آل سعد

رجال شجعان ووافين

[الحرررر السعدي]

أخوي خالد بيض الله وجهك يا محزمي لاهنت
ولك من مدح آل سعد لاهنتوا و بيض الله وجيهكم وماعليكم زود

[ابومعن]

جزاك الله خير ياخالد

ونعم وكفو بربعنا آل سعد

رجال شجعان ووافين

[إبن سعد]

مشكور ياخالد ...
ونعم بك وبالجميع..
ماضينا تراثنا واللي ماله ماضي ماله حاضر.رحم الله شيبانا وأجدادنا وكل مسلم.عاشوا في بيئة عنيدة وسطروا تاريخ مجيد .
تقبل تحياتي

[خالد آل سعد]

مقبل السحيمي,الحر السعدي
ابو معن , ابن سعد


بيض الله وجيهكم جميعا

ولا هنتوا على المشاااركه