المساعد الشخصي الرقمي

مشاهدة النسخة كاملة : محاورة ابن شايق وحبيب العازمي


ابوملاك
21-05-2005, 03:50 PM
هذه محاوره اعتقد انها مرغوبه والناس تسأل عنها يقولون بن شايق مالعب مع حبيب العازمي

وهذي محاوره فيها بن شايق وحبيب وكان حاضر المحاوره امير من ال سعود وابن مكتوم

وهذي المحاوره بسببها صار الخلاف بين بن شايق وحبيب


حبيب
سلامي على ال سعود وضيوف ال سعود = سـلام بمسـك العـود نسمـة هبوبـه
وطنـا وطنـا منبـع العـز والـجـود =ودحر المعـادي كـان شبـت شبوبـه
بن شايق
انـا بالنيابـه قمـت والخيـر ماجـود=عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود = على السلـم سلـم وللمشاكـل عقوبـه


حبيـب
ترى العاقل اللي يعرف النقص والـزود = قبل مايعـرف الـدار يعرفـه دروبـه
بذلنا على وضح النقـاء كـل مجهـود= لكـن انـت لابـدك تلقـي صعـوبـه

بن شايق
ترى العاقل اللي ياخـذ الحـق بشهـود = ونفسك على الطرقه مهيـب مغصوبـه
ليا صـار فالميـدان حـاوي ومـردود = انا اصل العرب واصلي يعرف العروبه

حبيـب
ليا قلتهـا قلـت لـك مانيـب محـدود=ولكـن داب الغـار ينـفـخ ذروبــه
زمان مضى والناس طـارد ومطـرود =كثير العـرب ناخـذ شماغـه وثوبـه

بن شايق
توقـع تـرى فالعـب نـار وبــارود= وراع العيوب اصـد ماكشـف عيوبـه
وانا اقـول ليـلن قربـك جعلـه يعـود = وانـا عـارف قلبـك يحسـب ذنوبـه

حبيـب
رصاص المقمع صفـر مافيـه عبـرود = ولايشفـي الغازيـن لــو حاربـوبـه
وانا اقول صعبه طقـت العـود بالعـود = ولكـن حاسـب والعلـوم محسـوبـه

بن شايق
كثير العرب لو مـات ماهـوب مفقـود =وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه

حبيـب
ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه
زمان الهوايل يجمـع البيـض والسـود = واشوف الهوايل جات والوقـت دوبـه

بن شايق
ياويلك من اللي صار والبـاب مسـدود =ترى راعي الساحل يعـرف الرطوبـه
انا لي يميـن وديـن ووعـود وعهـود=لاقـوم اتعجبـك واحطـك عجـوبـه

وسلامتكم ،،،،،،،،،،،،،،،،،

ابن عاصم
21-05-2005, 07:06 PM
لاهنت يابوملاك

وصح لسان ابن شايق وحبيب

ابوملاك
21-05-2005, 09:02 PM
أرحب يا ابن عاصم ملااااايين

ومشكوووور اخوي على مرورك والله لايهينك .

تركي الفهري
22-05-2005, 04:21 PM
السلام عليكم ورحمة الله وبركاته


لاهنت يابوملاك

وتسلم يمناك

وصح لسااااان الشعار

ابوملاك
22-05-2005, 09:14 PM
وعليكم السلام ورحمة الله وبركاته

أرحب يا تركي ملاااايين ومشكووور على مرورك ولاهنت .

ابن شاهــــر
23-05-2005, 01:13 AM
نعم سنــــد للمنتدى بهذه الكلمات اللي تعني لنا ابناء قبيلة قحطان الشي الكثير
خاصة اللي ماسمحت له الفرصه يشاهد هذا اللقاء الكبير بسفراء القبايل ( سفير قحطان للنوايا الحسنه ) عبدالله بن شايق....وش رايكم باللقب...والله كفوا يابن شايق
انت احد اهم شعاااااار قحطان اللي نسند عليهم المهام الصعبه ...... واكيد انكم قدهااااااااا وقدود
الله يعللللللللي شانك يابو ملاك انت والشاعر المميز عبدالله بن شايق (راعي الجنب المتين ) ههههههههه اللي يدورون عليه الخصوم
احترامي لكل القبايل والمنتدى اكبر من انه يكون خصم لأحـــد ....... لكونه الصفحه البيضاء في محيط هذه الشبكه
,,,ودمــــتـــــــــــــــــم

ابوملاك
23-05-2005, 08:55 PM
أرحب يا ابن شاهر ملاااايين

ولا عليكم زود اخوي وكل منا سند للثاني وقوم تعاونوا ما ذلوا .

وابن شايق غني عن التعريف ويستاهل وهو سندنا مع شعار قحطان الاخرين ولا نهضم حقهم .

ومشكووور اخوي ابن شاهر على مرورك وعلى تعليقك .

والله يعلي شانك ولاهنت .

ابوملاك
25-05-2005, 07:53 PM
أرحب يا ابن شاهر ملاااايين

ولا عليكم زود اخوي وكل منا سند للثاني وقوم تعاونوا ما ذلوا .

وابن شايق غني عن التعريف ويستاهل وهو سندنا مع شعار قحطان الاخرين ولا نهضم حقهم .

ومشكووور اخوي ابن شاهر على مرورك وعلى تعليقك .

والله يعلي شانك ولاهنت .

عبدالله آل عباد
28-09-2006, 10:18 PM
لا هنت يا بو ملاك

خيال صبحاء
29-09-2006, 12:18 AM
مشكور ويعطيك العافيه

ابوفهيدالعاطفي
21-11-2006, 10:00 PM
لاهنت يابوملاك والله يعطيك الف عافيه

سالم الخنفري
22-11-2006, 06:30 PM
بصراحه المحاوره ملغمه و لا فهمتها ... اللي فهم سبب الخلاف من المحاوره يشرحه

يعطيكم العافيه

عبدالله المهداني
25-11-2006, 01:38 AM
لاهنت على النقل



تحياتي

مرعي بن دواس الحبابي
25-11-2006, 07:28 AM
حبيب اكتفى بالمحاوره الاولى؟

الله اعلم ماذا صار في هذي المحاوره

امام اسره ال سعود واسره ال مكتوم في زواج الامير السامر

تحيه لابن شايق

صقر ظلم
01-05-2007, 09:16 PM
أششششششششششششششششششششششششششششششششششششششششششششششششش ششكرك

بوناصر
01-05-2007, 09:24 PM
المحاوره ما يبغالها فهم وانا راح اسردها حسب معرفتي بطريقه مبسطه

بداية المحاوره يقول انت ياحبيب لبن شايق انك توك مبتدي وراح اتواجه صعوبه

قاله ابن شايق


نفسك على اللعب ماهي بمغصوبه

ولاصار فى الميدان حاوي ومردود

قلب السحر على الساحر
وابن شايق شكك فى اصل حبيب العازمي

مثل بيت الثبيتي لما يقول مرحبا ترحيبتن مثل الكهرباء والماس

ليامني شبكت سلوكها طاح العريباني

وحبيب دائما يستنفر اذا احد شكك في اصله


المهم حبيب يبي ابن شايق ينفعل ويدور له مخرج بعد البدايه الغير موفقه

قاله زمانن مضى والناس طارد ومطرود

كثير العرب ناخذ شماغه وثووبه

وابن شايق معطي عهد الى ابن جعيثن انه ما يخرب المحاوره

قاله ابن شايق انك انت حاس بالذنب من اللي حصل فى الوقت السابق

وقال ابن شايق توقع ترا فى اللعب نارن وبارود يقصد السامر ومحمد بن راشد

وراح ياحبيب وقال يا راع المنيحه ردها لاخر الذود تبا تحتلبها وجتك محلوبه يقصد ابن جعيثن


والمحاوره كانت قويه بين الطرفين وحبيب شاف ان ابن شايق ماهو من طيوره

وهذا اللي يخليه يتجنب ابن شايق

كان يبي ابو شنب يجاريه على انه شاعر مبتدي ولكن طاح فى راعي الشويهات

هذا موضوع المحاوره حسب فهمي والله اعلم

سلطان العبدي
22-06-2007, 10:45 PM
مبارك بن حمد القحطاني يمسي على الجميع بالخير

الهاشل
27-06-2007, 06:16 PM
سلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااام
من الهاشل لكل المشاركين .................................................. .................................................. ...............................
نبغى جديد ابن شايق

حمد بن مسفرالحبابي
10-07-2007, 04:38 PM
الصراااحه محاااوره رااااائعه



لاهنت طال عمرك


وبيض الله وجهك على الجهد

ناصر السنحاني
16-07-2007, 09:01 AM
لا هنت على النقل


وبيض الله وجهك ياكحيلان


وتقبل مروري

سـعود القحطاني
19-07-2007, 11:25 PM
مشكور ويعطيك العافيه

الصبحي
24-07-2007, 02:50 PM
صح لسان ابن شايق وحبيب