اقرب يا عبدالله المشعلي

[العيار الثقيل]

سلام مني على اهل الطايله قحطان سقم الحريب=حكام نجد العذيه يوم كل يحسب احسابها
يا المشعلي كان ناوي للمعاني عندنا لك نصيب=سوق القوافي على وزن الرساله وانته ادرابها

[عبدالله المشعلي]

أسمع .......


يا مـــرحبــــا ياعميـــل من له أيام يغيب ويجيب......واليا تبينت لـــه لا عــــاد راح بــهـــا ولا جابها

أنا على حسب مضمون الرسالة يا البعيد القريب......ناخذ ونعطي ولي هقوات تتعب من تهقوى بها

[تركي الفهري]

ياسلاااااااااااااااام ياسلااااااااااام

واصلوووو يالعيار الثقيل والمشعلي

[العيار الثقيل]

استلم

ماتتعب الناس وانته مثل جرح مالقوله طبيب ---- وانا علاج الجروح المزمنه واشخص اسبابها

عندي حمولن ثقيله يابــعير له سنام غــريب ---- الله يعينك على ثقل الحموله يوم جـــينا بها

[عبدالله المشعلي]

أسمع........

الظاهر انك مغامر والأشـــارة يفطن لها اللبيب *** يا المسلم اللي تصلي لك صلاة ما يصلى بها

ما ودي القا عليك دروب وأنت الشك منك قريب *** لـــكـــن خلها تــمــر تـقــول كنا ما درينا بها

[ابن عاصم]

ارحبوووووووووووووووو

واصلوووووووووووو وانا ماسك الصفوف

[العيار الثقيل]

اسمحلي على التاخير يا المشعلي كنت مسافر واستلم

مافيني شك وهروجي وافيه والراي عندي صليب 000 ولادروب المعــرفه من هــروجك تــــقفل ابــوابها

حديت راسك عــلى الضـــلعان لاكنك تحب الشعيب000 يا ذا الغشيم انتبه من فوق راسك يومي مشعابها

[عبدالله المشعلي]

اسمع..........

شاب القاف

[إبن الأروق]

احلى احلى احلى يابو عبدالله وش ذا اللعب وش ذا اللعب

أرى بزوغ نجم جديد في سماء شعراء القلطة لقبيلة قحطان

لا هنت لا هنت يالعيار الثقيل


كما أحيي الشاعر القدير الاخ الحبيب عبدالله المشعلى

لاهنت يالمشعلي لاهنت على لعبك الجميل

واشكركم على إمتاعنا

إقبلوا محبتي

[قحطان صلب جدي]

بسم الله الرحمن الرحيم

السلام عليكم ورحمة الله وبركاته



يعطيكم العافيه يا عيااااال الشايب على المحاوره الجميله والمميزه
وبالاخص للاخ العيار الثقيل ((ابو عبدالله)) وانشاله يا العيار الثقيل لي محاوره متميزه جدا معاك وبحور طويله ...............

معاك اخوك //// فيصل الخرشفي العاصمي