تسجيل الدخول

مشاهدة النسخة كاملة : ((حن بني هاجر)) من القائل وما تكملتها؟؟

عيد الركاب
13-12-2007, 10:37 PM
السلام عليكم

مسيتوا بالخير يا جماعة

أتمنى ممن يعرف قائل هالأبيات وتكملتها أن لا يبخل علينا بالمعلومه


حن بني هاجر رفيعين المباني = كم عدو ٍ فوق كبده واسمينه
من قحاطين ٍ طحاطيح ٍ رزاني = ما بعد خانوا صليح ٍ مصلحينه
شامانـ العاطفي
15-12-2007, 11:14 PM
هلا بك يا خوي عيد الركاب ,,

والأبيات للشاعر المرحوم علي بن هادي الهاجري القحطاني ,,

والبيت الأول فية كتب خطأ والصحيح :

حن بني هاجر رفيعين المباني .......... كم حريبن في فؤادة موجعينة,,

واليك القصيدة كاملة :

--------------------------------------------------------------------------------

راكب اللي لا همزتة ما يداني ******** يطمر المطناج من قو المكينة

يرتكز عجة مع الأرض الطماني ******** وأن تبين كنة برقن قيل وينة

لا أجرهد القاع سلهم بطفحاني******** كنة شيهانن تشوف الخرب عينة

من بدت لة حاجتن جا مطرشاني ********** ويتذكر في اللوازم من يعينة

نافد اللي يوم جيتة ما جفاني ******** أنبسطت و زان و جهي عقب شينة

نصة اللي من قبل قاصي و داني *** بندرن يا جعلها تبطي سنينة

بو سعودن بندرن ذرب المعاني ********* للخوي و الضيف ما حاشت يمينة

بو سعودن بندرن نور المكاني ************ الردي ما بينة و بينة بطينة

لو مظوفن يسردن فية الصواني ********* و الحليب يصب و شحومن سمينة

مجلسة كن فية نور الزعفراني ************ أو بزن وسط سوقن ناشرينة

مجلسة معروف للقاصي و داني *********** ما على بابة حروسن ما نعينة

الأجنبي لا جاة شرحن معشراني ************ ما ينطحة الغضب عادة بحينة

لين لة با اليمين و با اللساني *********** و با الجناب الزين جعل الله يعينة

نحمد الله يوم حنا لة عواني ************** عانزن من قبلنا و معنزينة

الحصان بن الحصان يجي حصاني ************* في اللزز تظهر كحيلانن يمينة

هم حرارن تعتلي روس البياني **************** و حن جبالن ما قواعدها بطينة

حن بني هاجر رفيعين المباني ************** كم حريبن في فوادة موجعينة

حقنا ناخذة هبدن و رمحاني **************** و المعزب ما ذكرنا خايننة

من قحاطينن زازايحن رزاني ************** ما بعد خانوا صليحن مصلحينة

كنهم جبالن تحرك بزحفاني **************** من تركز في لقاهم معدمينة

وفي هذا البيت :

نصة اللي من قبل قاصي و داني *** بندرن يا جعلها تبطي سنينة

يقصد ببندر بندر بن سعود بن عبدالعزيز ,,


وتقبل تحيتي ,,
متعب الهاجري
16-12-2007, 02:42 AM
عيد الركاب

مرحبا فيك


ولاهنت يالعاطفي على ايراد القصيده وهي للشاعر المرحوم علي بن هادي الشراهين الهاجري


و الامير بندر بن سعود بن عبدالعزيز ال سعود خواله المظافره من بني هاجر




متعب
خالد آل سعد
16-12-2007, 04:07 AM
ونعم في
الهواااااجر
خزنةالظفر
مشاري بن نملان الحبابي
16-12-2007, 12:53 PM
والله ونعم ببني هاجر (((خــلان الأشـــدة)))

لاهنت يا شامان على إيراد القصيدة
عيد الركاب
17-12-2007, 06:03 AM
تسلم يا شامان
ولا هانوا باقين العيال
محمد ابو عدوة
18-12-2009, 08:57 AM
مرحبا بالجميع وللتصحيح فقط هو الأمير بندر بن محمد بن عبد الرحمن بن فيصل آل سعود وعمه الملك /عبدالعزيز بن عبدالرحمن طيب الله ثراه .ولد بالرياض عام 1338هـ في قصر والده بعتيقة ، ووالدته الأميرة وضحى بنت ظافر المفقاعي من قبيلة بني هاجر العريقة .

.وللتصحيح البيتين الاخيرين :
من قحاطين زحازيحن رزاني *********** مابعد خانوا صليحن مصلحينه
كنهم جبالن تحرك بزحفاني************* من تركد في لقاهم معدمينه
بندر الضيغمي العبيدي
18-12-2009, 07:39 PM
والله والنعم في بني هاجر وفي الجميع وبني هاجر غنيين عن التعريف قبيله من أهم وأقوى قبائل قحطان
ابن دغيّم
18-12-2009, 11:03 PM
والنعم والله في بني هاجر خزنة الظفر ولاهنت يا شامان على ايراد القصة

ولاهان باقي الشباب على التوضيح نفداهم ودمتم لمحبكم
ابن دغيم
شامانـ العاطفي
19-12-2009, 12:13 AM
مرحبا بالجميع وللتصحيح فقط هو الأمير بندر بن محمد بن عبد الرحمن بن فيصل آل سعود وعمه الملك /عبدالعزيز بن عبدالرحمن طيب الله ثراه .ولد بالرياض عام 1338هـ في قصر والده بعتيقة ، ووالدته الأميرة وضحى بنت ظافر المفقاعي من قبيلة بني هاجر العريقة .

.وللتصحيح البيتين الاخيرين :
من قحاطين زحازيحن رزاني *********** مابعد خانوا صليحن مصلحينه
كنهم جبالن تحرك بزحفاني************* من تركد في لقاهم معدمينه


ارحب يا محمد عز الله اللي صدقت هو بندر بن محمد وجده الفارس ظافر بن غايب المفقاعي .
فلاح آل راكان
19-12-2009, 01:29 AM
شامان العاطفي والله انك وافي ومطلق

ولاهنت على نقل القصيده لنا يا القرم

ـــــــــــــــ

ابو عدوه بيضالله وجهك