المساعد الشخصي الرقمي

مشاهدة النسخة كاملة : بعض قصائد الشاعر محمد بن جروان العلياني القحطاني


مهدي الحبابي
20-05-2005, 02:18 PM
هذي القصيده كامله مروية من سالم بن سعد بن سالم آل سفران آل صالح العلياني القحطاني

ويقول الشاعر محمد بن جروان العلياني القحطاني :


حنا كما القطب الشمالي بين=أكـــــبر دليل برخصة الطيار
الجدي مفهوم دليل الساري= هـــــو قبله القبطان والبحار
نجم شهير بين النجوم اللامعه=وحن لنا بين الشعوب أطوار
حنا بلدنا السابقة غرب القهر =منها الخوايس والحجر وذمار
ثم انحدرنا فوق لك شمـــره=يقصم عضـــود عنانها محشار
خيل عليها ركب كــل مجرب=كل ابلج قـــــــحطاني مغوار
وهجناُ تحس أحبالها من قفلها= وشجعان فوق محطمة لاكوار
ثم انتحوا من ديرة ملـــــوها= يبغـــون نــــجد واسع الاقفار
تحدروا تطحن رحاهم حبــها= بسيوف هنــــــــد تقصف العمار
كنهم مـزون مــردف ربابها= وسيل يجــــــور ويركب الجوار
ثم حولوا يم الدويش بديرته= جنـــوب صبــــــحاء يمـة الزبار
خيال مهاوية الجمل ذي عزوته= يوم أغتشاء روؤس الهضاب قتار
جيناه جهر لين اخذنا حلته = ثم جندلوا وطــــــــــبان بالمصدار
سقناه لين حنيضل جاء دونه= واللــــــي سمع فينا وراهم نــار
ثم التقينا بالزحول عتيبه= حرار قطـــــــــــع من فروخ حرار
معهم سنين والقنا يقرع القناء = شجعان لكـــــــــن وقتهم منهار
سقنا حليمه لين جاوا الحره= اللي على لطم الحفيف جسار
من نجد عديناهم ولاياتونه= إلا بعـــــد جاه وسوق مهار
ولا هم الهيلا مدابيس الوغاء= وأفــــعالهم غنت بها الاطيار
واليوم يعرف حدهم من حدنا= ومن بيننا مامــــــونه لاسفار
ياويل من بنحورنا من ضدنا= لما قـــــدح خشم الزناد شرار
جـــحادر وهواجر وعبيده= حصـــون حــــرب عاليت لاسوار
وضياغيم مثل الاسود الكسر= ياويل من هـــــــــم يطلبونه ثار
وحباب لــــرد البرا حربيه= سيفـــــــــــاُ صقيل ساطي بتار
هم درعنامن يمه الياميه= ضلعان شمخ راسيت لـــــــجدار
حنا قحاطين لنـا موقفنا=عند الخـــــــوي والجار والخطار
لاقول حن فوق القبائل كلهم =كلاُ بدوره والفـــــــــــــــلك دوار
كلاُ على حقه ودون العاني=والخلق فـــــيما يملكون أحرار

وله ايضاُ يوم كان بالسجن بالكويت ينخا قحطان :


يا راكب اللي يرهج الجو حسها= ويهز سطح الأرض قو اشتغالها
اسبق من البارود زوعة وفرة= مثل السهم لامر سرعة خيالها
طيارة من صنع جرمل مردت= تشدي نزير رعود مزن خيالها
تمشي وتلفي لي مقادم قبايلي= وخص قحطان باسمهم لاسوالها
يلزمك من بين الحصاتين تنزل= جنوبي الدنيا والاخرى شمالها
ارفع بصوتك وانخ فيه القبايل=تاتيك قوم تخلفك باجتهالها
لامن لفوا منكل في وجانب= مثل الاسود الزايره باحتمالها
نب العيال الطيبين بذكرهم= خص الشيوخ وعم باقي رجالها
انخ الجحادر واثنهم بالنخوه= ازهم قبايلنا وصح في جالها
تاتيك جبعان المحازم كنهم= سيل تحدر من فروع جبالها
تشبع بوردتهم سباع جايعه= تشبع وترجع بالعشاء لعيالها
وانخ الحباب حزامنا لاثارت العدا= ربع نهار الضيق تشاف افعالها
ان جا لدخان الذخاير شوبه= ترهم جلايبها وترهم جمالها
وازهم عبيده كلهم وشيوخهم= دروعنا اللي ملتجي بظلالها
هم ربعنا اللي يرهب الحف جمعهم=وان ثارت الهيجا مشوا بظلالها
وانخوا بني هاجر مقابيس البلا= ترهم يجون لمثل ذي وامثالها
لامن نخاهم واحد من ضده= ماتطاوع الشاير ولا عذالها
تعجبك وردتهم الى جا الازم= لامن زبر جمع العدو واقبالها
قل تكفون ياقحطان وش ذا السكته= اقطع رجال ماتشاف افعالها
عيالكم بالسجن تندب بالثرا= تنخا هل العادات واعزتالها
نعم يابن فيصل الى جا مجاله= ماذكر غيره واحد ارتكـالها
يستاهل البيضا ويستاهل الثنا=وذي جابة حــق علينا مقالها
ترا الجبال الشاهقة ياربعنا= من دون داخلها يعــــدي جالها
وبناتكم ما تنوخذ لابرتوا= وعيب قبال الخلق ضــــم عيالها
لا عاد ما للرجال يدرا هيبه= تسقط منازلها وينزل جــــــــــلالها
رحنا نبي العيشة وستر اعراضنا=وعيالنا نبغي نســــــد احوالها
واقلب على شمر وتلقى لابه= تــــرخص ذاراريها وترخص حالها
خيار القبايل طيبين السمعه= سباع الفرايس ما احـــــد يحتالها
تلفون ابن جبرين في ديرة له= عيد الركايب اللي تواما حــــبالها
هو مقدم الفضلان لاضبضب السما=لاضيعت خلج العشاير عيـــالها
فاليا سمحتوا من مورث ملبس= وقال الامور الكايدات انا لهـــا
فانخوا لنا الجربان لاجيت حيهم= اللــــــي يذكر بالقدايم افعالها
اللي ليا عدو شيوخ القبايل= لاوصلت الجربــــان ياقف جدالها
وانخوا لنا ابن اشريم وانخوا بن علي =هم مزبن اللي من بعيد عنالها
ياسعد منهم باللوازم حزامه=في ساعة لامن بـــــــطل عذالها
وانخوا لنا التمياط وانخ الطواله= وانخوا لنا الوجعان حامي ثقالها
وانخ اللغيصم كلهم وانخ ربعهم=قل تكفون يالعصلان هذا مــجالها
وانخ ابن حسان راع الحويقه= له قردتا يسطي بها حين شــــالها
انخ الطنايا كلهم بالجمله=تاتي لك الشيــــــــاب قبل اعيالها
مالي على الاجواد حق لازم= الا بشيمات الـــــــــــعرب وامثالها
نخيتهم جار الزمان وظامني= ولا غيرهم لي حيلة بــــــــاحتالها
انخ السويط مخضبة جرد النمش=شيوخ الظفير مزبنة مــــــن عنالها
خيالة القروى هل الباس القوي=اللي قضت في جارها من عيــالها
وانخوا ابن حلاف وانخ قبايلة=ستر العذارا حين ترمـــــي شيالها
خيال قطعان تزايد جفيلة=لازاد من حس السبـــــــايا جفالها
له عاده ينزل الى زرفل الدبش=ما احد من الظفران قبلــــة نالها
لاصاح في جمع الخضور ترايعوا=ردوا كمــــا سيل حدته ارمالها
دنيا كفا الله شرها غدارة=كم علقت من غافــــــل اغلالها
جوارة بوارة مكارة= مثل الذي خانت شرفهــا بخالها
خان وجفانا الوقت صار بضدنا=وما كتب للنفس الشقية ينـــــالها
حريمنا لاحل طاري ذكرنا=صاحت وغير الويل ترمــي دلالها
ماكن لنا في نجد يذكر عشيرة=عزاه يانــــــــفس دناها كمالها
نخيت انا الاجناب مما سطابي= نار توقد بالضــــمير اشتعالها
يا الله ياللي حكمة النصر بيده=هون قضيتنا وحل اشكالــــها

ابن عاصم
21-05-2005, 01:14 AM
أرحب شكراً لك اخي الكريم على هذا المشاركة

مهدي تميزززززززززك ملحوظ

والله يرحم شاعرنا محمد

مهدي الحبابي
21-05-2005, 12:12 PM
الله يبقيك اخوي ابن عاصام وما قصرت على المرور بعدين القدمتة نقطة في بحركم

تركي الفهري
22-05-2005, 12:24 AM
السلام عليكم ورحمة الله وبركاته

أرحب أرحب أرحب

يامهدي الحبابي .... وبيض الله وجهك على هذي القصااااايد لابن جروان

مهدي الحبابي
22-05-2005, 06:44 PM
تسلم تسلم اخوي تركي والله يرحم شاعرنا

غانم بن هادي
22-10-2005, 02:12 AM
بيض ألله وجهك ورحم ابن جروان0

وألقصيده أكثر من 100 بيت 0

مطلعها : يالله ياللي ما أله غيره = ياعالم ألأسرار ياغفار

ابليس ملعون
06-11-2005, 08:29 AM
بيض الله وجهك وماشاء الله عليك

القحطاني وبس
13-11-2005, 12:12 PM
بيض الله وجهك أخوووي

تقبل تحياتي ....................

الذيب الاشيب
08-07-2006, 04:40 PM
الله يعطيك العافيه

ابن جمان العلياني
05-01-2010, 12:05 PM
بيض ألله وجهك ورحم ابن جروان0

وألقصيده أكثر من 100 بيت 0

مطلعها : يالله ياللي ما أله غيره = ياعالم ألأسرار ياغفار


السلام عليكم ورحمة الله وبركاته
الله يعطيك العافيه ويبيض وجهك اخوي مهدي
أخوي غانم البيت هذا مهوب ع القاف الله يهديك
هذي قصيده ثانيه ولك تحياتي

عبدالله فراج العلياني
05-01-2010, 10:34 PM
اررررررررحب يمهدي الحبابي على ماقال بن جروان

حنا الجحادر ولحباب عضودنا***كم شيخ قومن يتمو جناه

الله لااااااااايهينك ويطول عمرك وبيض الله وجهك

على هذا الموضوع وهذا من طناخة راسك ونبو فراج

لاصار منت بترج العاز تمشيبه***بعض المواقف تبي مطنوخ صنياني

والله انك كفو وقدها وقدودها ياوجه عبدالله

لك مني اغلا واحلا واوفا تحيه مني خاصه ومن قبايل ال عليان عامه

تقبل تحيااااااااااتي

هادي فارس السنحاني
07-01-2010, 01:17 AM
وفقك الله