المساعد الشخصي الرقمي

مشاهدة النسخة كاملة : الشاعر خالد ال روق القحطاني


العيار الثقيل
20-05-2005, 09:31 AM
ياوجودي وجد من شاف المذله=من بني عمه عقب ماقفت سنينه

مبتلـي وعيالـه رخـوم وشله=الردي يبلاه والطيب يهينه

ايتصبر وامره المبلي علـى الله=ويصفق بكفه شماله مع يمينه

او وجود الي خـلا منـه محلـه=فالسجن واصبح من ديونه رهينه

ايتسـلـف للمعامـيـل ودلــه=وللسمينـه ولاجـوه المستعينـه

ماتسلفهـا لـمـور مستخـلـه=ويوم طاح افلس ولاحد سد دينـه

او وجود الي معه فالنفس علـه=والبلا لاصارت اجـروح دفينـه

مايعالجها عـلاج ولـو حصله=الغبينـه ماتعالجـهـا الغبيـنـه

والهوى للنفـس علـه مستعله=ومن تبع اهل الردى تبـت يدينـه

اشهد ان هذا البلا دقـه و جلـه=طيب الاجواد يتبـع لـه لعينـه

غره بزينـه وتـل القلـب تلـه=وضيع اليمه من اوصافه وزينـه

والعقـل لاضـاع ماشـي يدلـه=وشوف عينه مايسره شوف عينه

وهذا طبع الي تبـع درب يذلـه=ايتحمل ليـن يلقـا مـن يعينـه

ايتصبر وامره المبلي علـى الله=ويصفق بكفه شماله مـع يمينـه

ويتوجد وجد من شـاف المذلـه=من بني عمه عقب ماقفت سنينه

المعمري
21-05-2005, 04:00 AM
أرحب أرحب

تسلم يمناك علي النقل الطيب