والكي خله تالي الطب بعديـن

[عوضه القحطاني]

{{{ بسم الله الرحمن الرحيم}}}

لاجاك من اطراف ربعك سماجه= اصبر وقابل كلمة الشين بالزين
ترى القشر بين الرفاقه عواجه= يا شينها لاجت بيـن القريبيـن
اطلق احجاجك لو يعقد حجاجه= والكي خله تالي الطب بعديـن
من لايميز مد خله من خراجـه = قا لوا عنه مداحت الوجه مسكين
واليوم الاقشر لاتعرض عجاجه= العقل زينة فكر وشوف بالعين
والمجلس اللي فيه يكثر لجاجه= خله وتلقى مجلس ٍ به سلاطين
وليا لقيت اللي كثير ارتجاجه= خله يولي للمعرفـه موازيـن
واحذر تخاوي كل خبل ٍ حلاجه= تلقى بداله لو من اللي بعيديـن
خل الردي مالك بشرواه حاجه= خله لمن مثله سواتـه ردييـن
الحر حر و الدجاجـه دجاجـه= واهل السعادة عايشين ٍ سعيدين
هم ٍ بقلبي من يشخص علاجه= يحتار فيه الطب طب المداويـن
والحق نور ٍ مايطفى سراجـه= ويقال قول الحق مايرضي اثنين
ياناقض المبرم قـوْ اندماجـه= انهيت انا مبداي مبداك من وين

الشاعر/عوضه سعد القحطاني
{{ المهادي}}

[سعد القحطاني]

الخ عوضه

لاهنت على نقل هذه القصيده الجزله

وصح لسان قائلها

هذا الشاعر عملاق وياليت تزودنا بما لديك من قصائده بقدر المستطاع

ودمت بخير ،،

.

[ابن خضير]

بسم الله الرحمن الرحيم
السلام عليكم ورحمة الله وبركاته


صح لسااااااااااااااااااااااااااااااااااااانك


ولك تحيتي

[عوضه القحطاني]

الاخ/سعد القحطاني
صح بدنك
يا بن عمي وابشر
بلي يرضيك

اخوك/المهادي

[العبدي]

صح لسان الشّاعر

وبيّض الله وجهك



تحيّاتي

[ذيب ال سلمان]

صح لسانك
جزله من راس جزل
بيض الله وجهكـ ع النقل

اخوووكـ/ذيــبـ

[عوضه القحطاني]

العبدي
صح بدنك
وشكرا على
مرورك
المهادي

[عبدالله الوهابي]

صح لسان الشاعر على هذه القصيدة الجزلة
ويعطيك العافية أخي الكريم على النقل المتقن