ناصر السلولي
05-12-2007, 02:39 PM
السلام عليكم ورحمه الله وبركاته
هذي احدى روائع الشاعر العلم / محمد بن ناصر ب عبّاد السلولي
السنين الشقر
السنين القشر تخلف هقاوي مـن هقـا=والدهر مركز تجارب وميـدانٍ فسيـح
وش بقا ما علمتنا التجـارب وش بقـا=كل يوم درس بأسلوب ولسانٍ فصيـح
ياهل المعروف كل شقـا باللـي لقـا=والحظيظ اللي من الهم قلبه مستريـح
الشقـاوي فـي زمانـه يهيـا للشقـا=واشهد أنه ما يجي من المليح إلا المليح
بين لحظات المفارق ولحظـات اللقـا=تتضح لك صورة الود بالمعنى الصحيح
زبدة الخافي تبين ليـا خـض السقـا=والصدور اللي بها شر يفضحها الكحيح
وصحبة ماهي بتبنا علـى عـز ونقـا=اخرتها لـو تطـول مبانيهـا تطيـح
لو تشوف اصحابها قدم الأنظار أصدقا=مثل ما قال المثل ما يصح ألا الصحيح
كل صحبة تم ميثاق أهلها فـي التقـا=الحذر منها ترى وضعها ماهو مريـح
والموفق مـن تخيـر صديقـه والتقـا=صاحبٍ قلبه سليـم ومنهاجـه سميـح
لعنبو من يتخذ مـن الردييـن ارفقـا=والله أن يبطي وهو من صداقتهم جريح
من بغى حاجةٍ على منبر افؤادك رقـا=قص لك قصة اسماعيل والكبش الذبيح
لين ياخذ من دموعـك لغاياتـه وقـا=ثم قفا بعدها عنـك وأركابـه طفيـح
وش لقا من رافق أهل الخيانه وش لقا=واحداً يمشي على ساق والثاني طريح
الخيانـه شـر مبـدأ يحاربـه التقـا=لا على ملة محمد ولا ديـن المسيـح
هذي احدى روائع الشاعر العلم / محمد بن ناصر ب عبّاد السلولي
السنين الشقر
السنين القشر تخلف هقاوي مـن هقـا=والدهر مركز تجارب وميـدانٍ فسيـح
وش بقا ما علمتنا التجـارب وش بقـا=كل يوم درس بأسلوب ولسانٍ فصيـح
ياهل المعروف كل شقـا باللـي لقـا=والحظيظ اللي من الهم قلبه مستريـح
الشقـاوي فـي زمانـه يهيـا للشقـا=واشهد أنه ما يجي من المليح إلا المليح
بين لحظات المفارق ولحظـات اللقـا=تتضح لك صورة الود بالمعنى الصحيح
زبدة الخافي تبين ليـا خـض السقـا=والصدور اللي بها شر يفضحها الكحيح
وصحبة ماهي بتبنا علـى عـز ونقـا=اخرتها لـو تطـول مبانيهـا تطيـح
لو تشوف اصحابها قدم الأنظار أصدقا=مثل ما قال المثل ما يصح ألا الصحيح
كل صحبة تم ميثاق أهلها فـي التقـا=الحذر منها ترى وضعها ماهو مريـح
والموفق مـن تخيـر صديقـه والتقـا=صاحبٍ قلبه سليـم ومنهاجـه سميـح
لعنبو من يتخذ مـن الردييـن ارفقـا=والله أن يبطي وهو من صداقتهم جريح
من بغى حاجةٍ على منبر افؤادك رقـا=قص لك قصة اسماعيل والكبش الذبيح
لين ياخذ من دموعـك لغاياتـه وقـا=ثم قفا بعدها عنـك وأركابـه طفيـح
وش لقا من رافق أهل الخيانه وش لقا=واحداً يمشي على ساق والثاني طريح
الخيانـه شـر مبـدأ يحاربـه التقـا=لا على ملة محمد ولا ديـن المسيـح