مع الغروب وتوها الشمس غايبه

[محمد بن دشن الفهري]

اخواني السلام عليكم ورحمة الله وبركاته :
هذه القسيده من القصايد التي قيلت في رثاء والدي رحمة الله عليه أرجو أن تنال اعجابكم ،،،،


عزاه ياعين عن النوم تايبه =وعزاه ياقلب مفارق حبايبه
احاول اكتم زفرت الحزن بالغنا =ونا عيوني بازرق الدمع رايبه
لو ماوطى كبدي وطى صمت الصفاء = تصبح وهي من صالي الهم ذايبه
ون ضاق صدري من هموم تلايمت = رحت انحر الفج الخلا مع ترايبه
واكثر بلاى إليا تعليت لي رجم = وهبت على جاشي ذعاذع هبايبه
ونا احسب فيه إنشراحي وسلوتي = وثره عذاب القلب واثره عقايبه
وابديت به قاف(ن) على قدر خبرتي = ماهو طرب لاكن تضايق حشاي به
قاف(ن) هلالي من ضميري بديت به = وتركت هزلاته ونقيت اطايبه
قامت مواريده على الجاش تدحم =ورد الضمي والقيض زادت لاهايبه
وجيت المكان وليت ماكان جيت له =جدت جروح في الحشاء من سبايبه
ديرت بني عمي هل المنع والذرا = قفيت عنه ومنه النفس طايبه
شفت المكان اللي قليل به الونس = من عقب عزه ما بقى الا خرايبه
واسمع صفير الباب لاهبه الهوا = باب (ن) قديم نــاحلات خشايبه
واسمع ونين من ورا الباب هزني = ولقيت لي عود(ن) نواصيه شايبه
وقام ونشدني العود عن ربعي اللذي =كثيرهم مثلي شكى فقد شايبه
ينشدني الماضي ونا قمت اجاوبه = وصدره على جيله تزايد نحايبه
وابوي راح ولا بقى غير ذكره = رحــل عن الدنيا وقفت ركايبه
ودع مسا الجمعه بسبعه محرم = مع الغروب وتوها الشمس غايبه
فرقاه نار(ن) حرق القلب حرها =لو اشرب الماء مايطفى لهايبه
قدلي ثلاث أسنين واجروحي اوغلت =وابطيت أداويها ولاهي بطايبه
ون مروا الشيبان باطيب مواقفه = اسمع وقلبي مخلب الهم صايبه
ماعنده إلا كلمت الصدق والنقا = وإليا دخل فامر(ن) يخلص نشايبه
ماعاش بالنمات والكذب والردا = وترا رفيقه ماشكى من طلايبه
ون جوه ضيفان يثني وقارهم =قلط لهم كبش كبار عصايبه
يشهد على فعله كلام آل ناله = يوم الزمـان الشين شبت شبايبه
صداقه(ن) بنيت على العز والشرف= ماشابها من غدر الانذال شايبه
من يوم كان الوقت فقر ومعوزه = عشى اخويا جنبه من أطيب جلايبه
ماخاف من فقر(ن) يرده على ردا = يرجي عـوض رب(ن) جزال وهايبه
(ويشهد على قولي جراب الجميحي = ياحي والله نمر هذي ظرايبه
ويشهد على قولي قصيد ابن ملهيه =يوم (ن) جلى همه وفرج كرايبه
ياويش لولا الله ثم دشن ابن راشد = كان القعم حلت علينا مصايبه
وياويش لولا كلمة قالها لي = كان امدحه مدح(ن) كثير شعايبه )
كلمه قصدها مزحة(ن) يوم قالها = وعن الردا يكرم ولاهو بجايبه
ونا ترا ماني بحافظ قصيدته = ويمكن حفظها شاعر(ن) من قرايبه
خواله احباب(ن) ليا حل ذكرهم = فازو بقول ونعم في كل نايبه
حرابهم بيموت مانسي وقعهم = تخلي مراحينه وتكثر صوايبه
أولاد ابن مجمح كعام المعادي = تارد حياض الموت ماهي بهايبه
وابوي عز الضيف والجار والخوي = وليت ياذا الدهر ماكثر عجايبه
ورقيت أنا في مرقب كان يدهله = وما جابه السرحان فالرجم جايبه
وابوي والله إن الحقه مانسيته= حتى تركز فوق قبري نصايبه
وبعد ثلاث اشهور مريت قبره = ودمعي على خدي تزايد سكايبه
عسى السحاب اللي تزبر غيومه= مزن(ن) من المغرب ترادم سحايبه
نوه مثل وصف الجبال الشوامخ = ترزم مقاديمه ويرخي ذوايبه
ينشي على قبر(ن) نزل فيه غالي= يسقي ثرا قبره ويسقى نصايبه
والموت حق وكلنا ذايقينه = من حان موته ما تفيده طبايبه
يالله عسى الفردوس الاعلى منازله= ارجي كريم (ن) مايخيب رجاى به
تكفون ياربعي هل الجود والظفر = ياكبر هقواتي ولاهي بخايبه
لم الشمل خير لنا من تفرقه =واللي بليا ربع تكثر حرايبه
هم(ن) قصاني لين بينت ما خفى = خلا بعيد السد تقرب حضايبه
عــزاه ياعين(ن) عـن النــوم تايبه= وعــزاه ياقلب(ن) إمفـــارق حبايبه

[مشخص الفهري]

اخواني السلام عليكم ورحمة الله وبركاته :
هذه القسيده من القصايد التي قيلت في رثاء والدي رحمة الله عليه أرجو أن تنال اعجابكم ،،،،


عزاه ياعين عن النوم تايبه =وعزاه ياقلب مفارق حبايبه
احاول اكتم زفرت الحزن بالغنا =ونا عيوني بازرق الدمع رايبه
لو ماوطى كبدي وطى صمت الصفاء = تصبح وهي من صالي الهم ذايبه
ون ضاق صدري من هموم تلايمت = رحت انحر الفج الخلا مع ترايبه
واكثر بلاى إليا تعليت لي رجم = وهبت على جاشي ذعاذع هبايبه
ونا احسب فيه إنشراحي وسلوتي = وثره عذاب القلب واثره عقايبه
وابديت به قاف(ن) على قدر خبرتي = ماهو طرب لاكن تضايق حشاي به
قاف(ن) هلالي من ضميري بديت به = وتركت هزلاته ونقيت اطايبه
قامت مواريده على الجاش تدحم =ورد الضمي والقيض زادت لاهايبه
وجيت المكان وليت ماكان جيت له =جدت جروح في الحشاء من سبايبه
ديرت بني عمي هل المنع والذرا = قفيت عنه ومنه النفس طايبه
شفت المكان اللي قليل به الونس = من عقب عزه ما بقى الا خرايبه
واسمع صفير الباب لاهبه الهوا = باب (ن) قديم نــاحلات خشايبه
واسمع ونين من ورا الباب هزني = ولقيت لي عود(ن) نواصيه شايبه
وقام ونشدني العود عن ربعي اللذي =كثيرهم مثلي شكى فقد شايبه
ينشدني الماضي ونا قمت اجاوبه = وصدره على جيله تزايد نحايبه
وابوي راح ولا بقى غير ذكره = رحــل عن الدنيا وقفت ركايبه
ودع مسا الجمعه بسبعه محرم = مع الغروب وتوها الشمس غايبه
فرقاه نار(ن) حرق القلب حرها =لو اشرب الماء مايطفى لهايبه
قدلي ثلاث أسنين واجروحي اوغلت =وابطيت أداويها ولاهي بطايبه
ون مروا الشيبان باطيب مواقفه = اسمع وقلبي مخلب الهم صايبه
ماعنده إلا كلمت الصدق والنقا = وإليا دخل فامر(ن) يخلص نشايبه
ماعاش بالنمات والكذب والردا = وترا رفيقه ماشكى من طلايبه
ون جوه ضيفان يثني وقارهم =قلط لهم كبش كبار عصايبه
يشهد على فعله كلام آل ناله = يوم الزمـان الشين شبت شبايبه
صداقه(ن) بنيت على العز والشرف= ماشابها من غدر الانذال شايبه
من يوم كان الوقت فقر ومعوزه = عشى اخويا جنبه من أطيب جلايبه
ماخاف من فقر(ن) يرده على ردا = يرجي عـوض رب(ن) جزال وهايبه
(ويشهد على قولي جراب الجميحي = ياحي والله نمر هذي ظرايبه
ويشهد على قولي قصيد ابن ملهيه =يوم (ن) جلى همه وفرج كرايبه
ياويش لولا الله ثم دشن ابن راشد = كان القعم حلت علينا مصايبه
وياويش لولا كلمة قالها لي = كان امدحه مدح(ن) كثير شعايبه )
كلمه قصدها مزحة(ن) يوم قالها = وعن الردا يكرم ولاهو بجايبه
ونا ترا ماني بحافظ قصيدته = ويمكن حفظها شاعر(ن) من قرايبه
خواله احباب(ن) ليا حل ذكرهم = فازو بقول ونعم في كل نايبه
حرابهم بيموت مانسي وقعهم = تخلي مراحينه وتكثر صوايبه
أولاد ابن مجمح كعام المعادي = تارد حياض الموت ماهي بهايبه
وابوي عز الضيف والجار والخوي = وليت ياذا الدهر ماكثر عجايبه
ورقيت أنا في مرقب كان يدهله = وما جابه السرحان فالرجم جايبه
وابوي والله إن الحقه مانسيته= حتى تركز فوق قبري نصايبه
وبعد ثلاث اشهور مريت قبره = ودمعي على خدي تزايد سكايبه
عسى السحاب اللي تزبر غيومه= مزن(ن) من المغرب ترادم سحايبه
نوه مثل وصف الجبال الشوامخ = ترزم مقاديمه ويرخي ذوايبه
ينشي على قبر(ن) نزل فيه غالي= يسقي ثرا قبره ويسقى نصايبه
والموت حق وكلنا ذايقينه = من حان موته ما تفيده طبايبه
يالله عسى الفردوس الاعلى منازله= ارجي كريم (ن) مايخيب رجاى به
تكفون ياربعي هل الجود والظفر = ياكبر هقواتي ولاهي بخايبه
لم الشمل خير لنا من تفرقه =واللي بليا ربع تكثر حرايبه
هم(ن) قصاني لين بينت ما خفى = خلا بعيد السد تقرب حضايبه
عــزاه ياعين(ن) عـن النــوم تايبه= وعــزاه ياقلب(ن) إمفـــارق حبايبه

أرحب تراحيب المطر يبو دشن

وصح الله لسانك وبيض الله وجهك

على هالقصيده الوافيه

ورحم الله والدك رحمة واسعه

طيب صيت وطيب ذكر

تحياتي

[ابن سجعان]

صح لسانك ورحم الله والدك

[مهدي بن مسفر الحبابي]

أخوي محمد بن دشن الفهري

صح لسانك واعتلا شانك

رايعه ووافيه ومعبره

ورحم الله والدك رحمة واسعه وأسكنه فسيح الجنان أمين

لك فائق احترامي وتقديري

[زيد الشثري]

صح لسانك وعلاشانك والله لايهينك وبيض الله وجهك

[بحر]

الله المستعان

وكل نفس ذائقة الموت

صح لسانك يابودشن والحقيقه ودي اني ماقرأتها من غير مصفوط

لان المرحوم له مكانه خاصه جداً جداً عند الوالد وعندي وبينا من العلوم الطيبه اللي ماتخفى

وعلومه غانمه عند القاصي والداني الله يبيحه ويحلله

مرجلته وافيه ودينه وافي عسى الله يحرمه على النار

والله يبارك في من خلف ولايفتنهم من بعده

ويكفي قولة راعى المثايل يوم الحاجه

ياويش لولا الله ثم دشن بن راشد **** كان القعم حلت علينا مصايبه

لاهنت وتقبل من اخوك كل التحايا

[محمد بن دشن الفهري]

اخواني الكرام
1ـ مشخص الفهري
2 ـ ابن سجعان
3 ـ مهدي بن مسفر الحبابي
4 ـ زيد الشثري
5 ـ سيف بن طفله آل سلمان

السلام عليكم ورحمة الله وبركاته
لايسعني إلا أن اشكركم جميعا وكل من شارك هنا وهذا من رقي اذواككم ونسأل الله العلي العضيم أن يرحم اموات المسلمين .
اكرر شكري وتقديري لكم على مروركم وهذا شرف لي لحضوركم ومشاركاتكم ودعائكم لوالدي رحمه الله .
تقبلوا كل الود والتقدير ،،،،،

[عبدالله السحيمي]

بسم الله الرحمن الرحيم
السلام عليكم ورحمة الله وبركاته


ارحب يا ابن دشن

صح لسانك على القصيده الرثائيه

والله يرحم ابوك ويغفرله

لايستغرب منك الجزاله

ننتظر الجديد

اخوك/عبدالله السحيمي

[حسين العبدي]

محمد


اسأل الله العلي العظيم ان يرحم والدك ويسكنه فسيح جناته


وبالنسبه للقصيده فلاتستغرب منك حيث انك من خيرة شعراء الساحه.

تقبل تحياتي.

[محمد بن دشن الفهري]

الله المستعان

وكل نفس ذائقة الموت

صح لسانك يابودشن والحقيقه ودي اني ماقرأتها من غير مصفوط

لان المرحوم له مكانه خاصه جداً جداً عند الوالد وعندي وبينا من العلوم الطيبه اللي ماتخفى

وعلومه غانمه عند القاصي والداني الله يبيحه ويحلله

مرجلته وافيه ودينه وافي عسى الله يحرمه على النار

والله يبارك في من خلف ولايفتنهم من بعده

ويكفي قولة راعى المثايل يوم الحاجه

ياويش لولا الله ثم دشن بن راشد **** كان القعم حلت علينا مصايبه

لاهنت وتقبل من اخوك كل التحايا

اخوي ( سيف ابن طفله ) جعلك انشاء الله ماتفقد غالي وشايبنا وشيبانكم بينهم العلوم الغانمه وهذا والله من طيب شيبانكم اللي رحل عودنا وهو مايسكت عنهم دايم يطريهم بالعلوم اللي تنومس من سمعها . اكرر شكري لك ،،،

[محمد بن دشن الفهري]

اخوي عبد الله السحيمي
والاخ الفاظل ( حسين العبدي )
اشكركم جميعا على مروركم وعلى اطرائكم وهذا من طيبكم . وجعلكم انشاء الله ماتفقدون غالي .
تقبلوا موفور احترامي وتقديري ،،،،،

[سعد القحطاني]

وعليكم السلام ورحمة الله وبركاته

الأخ الغالي محمد بن دشن الفهري

اسأل الله ان يغفر لوالدك واموات المسلمين

شاعيب صيته بين ومعروف بالعلوم اللي ترفع الراس الله يغفر له ويسكنه الجنه

وصح لسانك على ذالمرثيه العضمى

التي لاتستغرب من الشعراء الكفو شرواك

ولك سلامي واحترامي ،،،

.

[ابن خضير]

بسم الله الرحمن الرحيم
السلام عليكم ورحمة الله وبركاته


صح لسانك ورحم الله والدك

والله يحفظك

[عبدالله بن غفره]

ورحم الله والدك رحمة واسعه وأسكنه فسيح الجنان أمين


وصح الله لسانك يابو دشن


وبدون اي مجامله فأنت من الشعراء الذين نستمتع بالقراءة لهم
لما تحمل النصوص من صدق الأحساس وقوة الألفاظ


الف شكر لك وبيض الله وجهك

[أبو صقر]

يشهد علـى فعلـه كـلام آل نالـه يوم الزمان الشين شبـت شبايبـه
صداقه(ن) بنيت على العز والشرف ماشابها من غـدر الانـذال شايبـه
من يوم كان الوقت فقـر ومعـوزه عشى اخويا جنبه من أطيب جلايبه
ماخاف من فقر(ن) يرده علـى ردا يرجي عوض رب(ن) جزال وهايبه
(ويشهد على قولي جراب الجميحي ياحـي والله نمـر هـذي ظرايبـه
ويشهد على قولي قصيد ابن ملهيـه يوم (ن) جلى همه وفـرج كرايبـه
ياويش لولا الله ثم دشن ابن راشـد كان القعـم حلـت علينـا مصايبـه
وياويـش لـولا كلمـة قالهـا لـي كان امدحه مدح(ن) كثير شعايبـه )

أخي العزيز والغالي / محمد بن دشن

حقيقة ماودي أني سمعتها من غير شر أحزنتنا كثيرا وذكرتنا أحزان قد مضت



قصيدة جزله ومن لسان شاعر جزل

وفي رجل وافي وعلومة وافيه رحمة الله علية هذا ليس أبوك وحدك هذا هو أبونا جميعا فقده ليس عليك وحدك بل فقده علينا مثلك وليس فقده علي وعليك بل فقده على ربعه وقبيلتة وكل من عرفه ويشهد الله العظيم على قولي شهادة لا أريد بها رياء ولا سمعه فأنت يابو سعد تعلم بهذا الشي

رجل يظرب به المثل رجل له مكانته عند ربعه وأصدقائه وقبيلته وعند قبايل عبيده وقحطان وكل القبايل

مكرم الضيف ومكرم الضعيف وكاسب قولت (( نــــــــــــــعم )) بين الرجال أن تكلم لم ينقد في كلامه ويوخذ على كلامه في كل شور وكل راي وكل صلح يدخل فيه ينهيه بمعرفته وفطنته ومكانته بين الرجال ..

فلا والله العظيم قلت هذا الكلام من فراغ بل يشهد على كلامي كل من عرف هذا الرجل وكل من سمع به وكل من نصاه في اي شي من أمور الدنيا ولاكن توفي رحمة الله ولا بقي له في هذه الدنيا الا العلم الطيب والسمعه الطيبه والذكر الحسن والطيب ..

فاالبركة إن شاء الله في الاولاد فهم والحمد لله جميعا صالحين ورجال أوفياء ومن الرجال المحسوبين على الجميع وملتزمين بصلة أصدقاء والدهم العزيز على الجميع فبارك الله فيهم جميعا

وكما قال الشاعر
ياويش لولا الله ثم دشن بن راشد **** كان القعم حلت علينا مصايبه

أصبح اليوم بيت يتحدث به الناس


حقيقة شهادتي فيه مجروحه لاكن

(( أنزلوا الناس منازلهم))حقيقة مهما تكلمنا ومهما كتبنا ومهما قدمنا للمرحوم أبو عايض لم نوفيه حقه رحمه الله رحمة واسعه وأسكنه فسيح جناته أنه على كل شي قدير فما بقي له منا جميعا الا الدعاء له بالرحمه والمغفرة ولجميع موتى المسلمين والحمد لله على كل حال


أكرر شكري وتقديري لك أخي العزيز

وتقبل تحيات أخوك

محمد بن على آل ناله الزهيري

[خولان بن عامر]

ابو سعد


رحم الله والدك رحمة واسعة وجميع اموات المسلمين واسال الله ان يرحمنا اذا صرنا الى ماصاروا اليه


لقد احزنتي معك بهذه العصماء التي هي قصيدة شاعر يجد الحبك والسبك في شتى المجالات وهذا التعبير في الحزن

لايجده الا شاعر متمكن وانت من فطاحلة الشعر الذي لايصعب عليهم ذلك


صح لسانك وعلا شانك وتقبل تحيتي واتقديري واعجابي

[محمد بن دشن الفهري]

الاخوه الاعزاء
سعد القحطاني لا عدمتك وبيض الله وجهك على المرور اللذي زادني شرف
ابن اخضير مرحبا بك وبمرورك يالغلي
عبد الله ابن غفره مرورك على هذه المتواضعه زادها جمال لاعدمتك
ابو صقر الله يحييك يابو علي وترا اللي في الخاطر ابلغ من اللي في اللسان
خـــــــــــــــــــــــــــــــــــــــــــــــــ ــــــــــــــــــــولان علامه فارقه في الشعر لا تقلد مرورك مكسب يابو نايف
دمتم جميع بالف خير والله لايعدمني تواجدكم وحضوركم

[فيصل التميمي]

بيض الله وجهك

ورحم الله والدك واسكنه الفردوس الاعلى

قصيده ماتستغرب منك


وبيض الله وجهك

[محمد بن دشن الفهري]

اخوي فيصل التميمي
اشكرك على المرور العذب وتشرفت بمرورك ولاعدمتك