تحدي لجميع الأعضاء (لغز مسكت )

[رفيق ابو شنب]

أنشدك عن شي مع الناس مشهور
مشهور من قبل النبي والصحابة
أول حياته بنت ما تملك الشور
واليوم رجال عزيز جنابه

[رفيق ابو شنب]

اللغز الثاني
انشدك عن عود تقلب عيونه
إذا زهمته دايم في المطوعه
فالبرد عريان مايرحمونه
أذنه وحلقه وسط ساقه

[ماجد الخليفي]

السلام عليكم اخي رفيق بو شنب

خلني افكر وارجع لك

[ماجد الخليفي]

اللغز الثاني
انشدك عن عود تقلب عيونه
إذا زهمته دايم في المطوعه
فالبرد عريان مايرحمونه
أذنه وحلقه وسط ساقه




التلفون

[رفيق ابو شنب]

بيض الله وجهك يا ماجد الخليفي

[رفيق ابو شنب]

طيب الاول

[ماجد الخليفي]

أنشدك عن شي مع الناس مشهور
مشهور من قبل النبي والصحابة
أول حياته بنت ما تملك الشور
واليوم رجال عزيز جنابه




الراية او العلم

:050103nbh بصراحة مش ان اللي توصلت للحل :050103nbh

[عبدالله آل عباد]

عبقري يابو عصام

ودي أعطيك سمعه بس النضام عيا

[رفيق ابو شنب]

السلام عليكم ورحمة الله وبركاته ماجد آفا ماتعر جواب اللغز

[رفيق ابو شنب]

معليش ما تعرف اقصد

[سعيد الجهيمي]

اما حبيت امر واشوف الحل اخاف اجاوب
واخرب الموضوع ولا عاد احد يحاول الأجابه ؟؟؟؟؟؟؟؟؟؟؟؟؟؟
ههههههههههههههه


ابو عصام والله انك عبقري ما شاء الله عليك

وابو جابر انا بأكفيك وازيدك انت واياه وابو شنب

[منصور العبدالله]

مسائكم ورد وفل


بس ابو عصام حل اللغز الثاني وباقي الاول


صح يارفيق ابو شنب


انا والله ماعرفته


مشكور يا ماجد الخليفي على حلولكم وبعد النظام عيا نعطيك سمعه


ومشكور لكاتبنا الرائع والمتجدد دائما رفيق ابو شنب ويستاهل سمعه

[عبدالله آل عباد]

ونعم والله يالجهيمي


وذي من لك

[المشعوف]

السلام عليكم ورحمة الله وبركاته
رفيق أبو شنب كيف الحال؟ إن شاء الله بخير

أبسألك عن عذراء تقود حصان
تنـاتـلـه والـغــــوج تالـيـهـــا

أرجو من جميع الإخوان المحاولة لحل هذا اللغز

[عبدالله آل عباد]

ياشباب

ماكنكم فليتوها؟

ترو به مجلس للألغاز

يهبدون فيه المشرفين لحالهم ماعينو مواضيع

كتبو ألغازكم هناك

[سعيد الجهيمي]

على فمك الشحم يا ابو جابر

وما عليك زوووووووووووووووووود وتسلم

[منصور العبدالله]

ابو جابر

كلامك صحيح بس حنا هنا نلقف ماجانا ولانرد شيء

ابد حتى لو تعطيني المازدا حقت نأخذها

[راجع العميد]

أنشدك عن شي مع الناس مشهور
مشهور من قبل النبي والصحابة
أول حياته بنت ما تملك الشور
واليوم رجال عزيز جنابه



الله اعلم انه العمامه والعقال
وسلامتكم

[رفيق ابو شنب]

بسم الله الرحمن الرحيم
السلام عليكم ورحمة الله وبركاته
كيف حااااالكم إنشاء الله بخير
اللغز جوابة السحااااابة

[عبدالله آل عباد]

ابو جابر

كلامك صحيح بس حنا هنا نلقف ماجانا ولانرد شيء

ابد حتى لو تعطيني المازدا حقت نأخذها



البارح حذفتو علي موضوع

مدري الضاهر صار فيه تضارب مصالح



شف يا منصور من بعد ماسويتو مجلس المسابقات

ماعاد لي فيكم كلام

عز الله أنك طيبت خاطري

لكن وناخوك تر المكان الصحيح

لمجلس الالغاز هنا

عندنا في الاستراحه

وتر ماني بفاكنكم لين تنقلونه


شاور ألي وراك ورد علي

[منصور العبدالله]

هلا وغلا يابو جابر

وصحيح كلامك صحيح ومناسب

وابشر يابو جابر نقترح عليهم هذا الشيء ونرد لك خبر

وانشاء الله تشوفها قريب في مجلسنا

هلا وغلا بالغالي ابو جابر

[عبدالله آل عباد]

كفو

دورت كلمه أقوى منها مالقيت :)

[منصور العبدالله]

والله ماعليك زود يابو جابر


تعرف انت اميرنا ورغباتك أوامر