المساعد الشخصي الرقمي

مشاهدة النسخة كاملة : (قصة القحطاني مع نسيبه العجمي)


أبن سعيّد
26-11-2007, 12:13 AM
بسم الله الرحمن الرحيم
أية الاحبة الاعزاء ،، السلام عليكم ورحمة الله وبركاتة ،، واسعد الله اوقاتكم بكل خير.
نحن في هذا القصة نهدي لكم ، بعض من المقتطفات اليانعة ، والتي حصدتها ايمان رجال ، خلدوا الفعل الجميل ؛ للاجيال ، ليسطر بمداد الذهب على صفائح من نور ، لتزهو به منتديات قبيلتهم.
القصة: وهي قصة / عشق بن مفرع بن الجيطاء ( الدخن ؛ آل عاطف) مع نسيبة / ابن خرصان آل شامر العجمان ، حيث ان هذا العجمي زوج ابته ابن الجيطاء ، ومرت الايام والسنين ،والنسب في حفاوة وتقدير؛ وفي ذات يوم ؛ غاروا القوم على ابل العجمي في دياره واخذوها ، ولم يبقى له شئ، فتذكر نسيبة بن الجيطاء ، ونصاه ولما نوخ عنده علمه الرجال بعلمه وظروفة ، فقام ابن الجيطاء وسوى العشاء وزهم ربعه الضوره ، وقال لزوجته ؛ سوي لنا عقل ، ولما تعشوا قال لربعة هذا جد اعوالكم ، وناصيكم ومحتاج ، وهذي عقل ابلي ؛ وابغاكم اتعقلون معي والي بيعطينا فياخذ من العقل ويجيب لنا فيها ابل، قاموا الرجاجيل الي يجيب ناقة والي ايعقل معه ، ولما اصبحوا لينها ذود معقله لبن خرصان ، ومن ضمن الي جاب ناقة (الاسود بن الجيطاء)......... المهم قفى الشامري بالبل هو يتمثل بفعل العاطفي النادر ويقول:


ينافدا الي يوم جيته عطاني=جرد الرقاب الي عليها البواكير
وجعل يفدونه رديان العواني=قلال العطايا كبار المعاذير

وتقبلوا تحياتي،،،،،،،،،،،،،،،،،،،،،،،اخوكم /ابن سعيّد،،، ولنا لقاء مع مقتطفات جديدة.

شامانـ العاطفي
26-11-2007, 12:35 AM
ارررررررررررررحب يابن سعيد ,,

وتسلم على السالفة الي كل ال شامر خابرينها

وعشق بن مفرع شيخ وفارس وعقيد قومة الضورة

وما قصر مع نسيبة العجمي ,,

,,
وللمعلومية الأسود بن الجيطاء أسمه مانع بن الجيطاء ..

وسجلني متابع لمواضيعك الرايعة ,,

وتقبل تحيتي,,

الضويري
26-11-2007, 07:13 AM
ارحب ارحب يابن سعيّد

علمك غانم وانت رجال وافي لاعدمتك

وابن الجيطاء سالفته مع الشامري معروفه

ولاهيب غريبه على صبيان قحطان فعل الطيب

سؤالي لخوي شامان

هل الشيخ ا الاسود ابن الجيطاء اللي عقر فرس مطلق الدويش قبل

دخنه في غاره للضوره على مطير في القصيم لأن المصادر تذكر ابن الجيطاء فقط.

تقبلوا فائق احترامي

مرعي بن دواس الحبابي
26-11-2007, 09:40 AM
حي والله الي يقدر النسب

ونعم يال عاطف

بيض الله وجهك يابن سعيد

اخوك

مشاري بن نملان الحبابي
26-11-2007, 10:56 AM
بسم الله الرحمن الرحيم


وعليكم السلام ورحمة الله وبركاته

ونعم بــآل عاطف وجيه عبدالله ...


ولاهنت على الموضوع ...

فهد العلياني
26-11-2007, 11:46 AM
بسم الله الرحمن الرحيم


السلام عليكم ورحمة الله وبركاته


ارحب يابن سعيد

لاهنت علي السالفه والقصيدة


تسلم يمينك

أبن سعيّد
26-11-2007, 01:45 PM
شامانـ العاطفي
الضويري
مرعي بن دواس الحبابي
بن نملان
فهد العلياني

أرررررررررحبو تراحيب المطر.........
ووجيهكم بيض على المتابعة الملموسه لكل موضوع لي......
وانتم اهل الفضل..

وتقبلو تحياتي...

متعب الهاجري
26-11-2007, 02:26 PM
ونعم بصبيان اقحطان وعوايدهم الطيب

لاهنت يابن اسعيد قصه طيبه وموثقه

طلق الحجاج
27-11-2007, 02:45 AM
لاهنت يابن سعيد على ذكر السالفه اللي تنومس اقحطان


ورحم الله الشيخ عشق ابن الجيطا

أبا الذموم
27-11-2007, 05:56 AM
أررررحب يابن سعيّد
الله لا يهينك على ذي السالفة المميزه والرائعه يا رائع.
والله يرحم عشق بن مفرع بن الجيطاء المشهوربـ [ الاصقع ] أخو هلا ونعم ٍ به عقيد وفارس ولاهي بغريبة ٍ عليه ذي السالفه وهم هل الطيب والعطا والحميا .
من ضمن الابيات في القصيده اللي ذكرت بيت يقول فيه ابن خرصان العجمي:


ابو محمد سعد من جاه عاني = طوّاش لا كبرت عليه المخاسير وكان عدد الابل اللي اعطاها ابن الجيطاء لنسيبه العجمي ثلاثين ناقة ومنها ابله المعروفه بـ [ العذراء ] وسميت بذلك لجمالها واصالتها .

تقبل مني فائق الالحترام.

نواف المشعلي
27-11-2007, 05:06 PM
لاهنت ياابن سعَيد وماهي غريبه على وجيه سلطان ونعم يالعاطف
وابيض وجه ياابن سعَيد

أبن سعيّد
28-11-2007, 12:15 AM
متعب الهاجري
طلق الحجاج
أبا الذموم
نواف المشعلي

الف شكر للجميع على المرور والمشاركة ، ولاعليكم زود.
(اخوي ابالذموم ،اضافة جميلةوبيض الله وجهك،،،،،،،، نتمنى ان نراك معنا في جميع المشاركات)


وتقبلو تحياتي،،

جحدر
28-11-2007, 01:37 PM
بيض الله وجهك

أبن سعيّد
28-11-2007, 05:02 PM
جحدر


الف شكر على المشاركة

وتقبل تحياتي،،

سعيد بن مسعود آل مهدي
03-12-2007, 11:33 PM
أبن سعيّد


أشكرك على طرح هالسالفة التي تبرز فعول الرجال الاوفياء مع أقاربهم وعوانيهم

وهذه فعول الرجال لرجال ونعم يامعطي الركايب ونعم والله يرحمه ويبارك في نسله

تقبل تحياتي

أبن سعيّد
04-12-2007, 12:00 AM
سعيد بن مسعود آل مهدي

الف شكر على المرور ، والمشاركة.



تقبل تحياتي،،

ال مبارك
14-12-2007, 06:44 PM
بيض الله وجهك يابن سعيد على القصه الرائعة

أبن سعيّد
15-12-2007, 05:57 AM
ال مبارك

وجهك ابيض ، ولاهنت على المرور والمشاركة.


وتقبل مني خالص التحية.