س: من قائل هذا البيت؟

[أبن سعيّد]

بسم الله الرحمن الرحيم

أسعد الله اوقاتكم بكل خير، ودمتم على المحبة والمعزة اخوان.

اية الاحبة؛ الشعر بحر لجي ، وساحلة ماتع ، وتجارة لن تبور بصاحبها.
ونحن في هذا الموضوع ، نفسح المجال لمن كسب في جعبته على مر الايام ،ابيات شعر لايعرف قائلها ، ليتسنى للجميع الفائدة والاستفادة.

وانا اول البادئين ، فبسم الله مجراها

س1: من قائل هذين البيتين؟


الياجفاك الوطن والي يرودونه =دار بدار وخلان بخلان
موت الفتى في سراب ينقطع دونه =اخيرمن مجلس له فيه حقراني

والجواب عند الاصحاب

[موسى بن محمد آل شاهر]

السلام عليكم ورحمة الله

القصيدة للأمير الشاعر/ عبدالله بن فايز بن علي بن هديب آل عشري التميمي( أخو ساره )

الليا جفاك الوطن واللي يرودونه .......... داراً بـدار وخلانـاً بخلانـي

موتك بجواً سرابـه يطردونـه .......... أخير من مقعداً لك فيه حقراني

ضحاكة السن والله ما يسرونـه ......... وقلوبهم سود ما يصفون خلاني

وله أيضاً :

ياذلولي مع رقاق الحـزم شلـي ......... وانحري بي دار منبوز الردايف

انحري بي دار من هرجه يسلي ......... مبري الوجعان من عقب النكايف

الضحى عديت أنا في مرقباً لي ......... هل دمعي يوم فارقت الولايـف

علٌ يسقي تمير من وبل يهلـي .......... مدهلاً لزين مجلـي الرهايـف

قارة سعيـد وخـزه دون خلـي .......... أبو ثمان بيض وعذابٍ نظايـف

كور سمحة والردايف مدهلاً لي .......... اتزبن بهـا لا صـرت خايـف

الرديف امن المخاسر ما يملـي .......... جالساً كنه علـى زل القطايـف

حالفٍ مـا بيعهـا بالفيـن تلـي .......... دام أنا وياك يا سمحـة(*) ولايـف



(*) سمحة اسم لذلول عبدالله بن فايز



وله هذه الهجينيه :

يامـل قلبـاً تهيـض يـوم ونيـت ....... وأنا أحسبنـه مريحـاً عـن نويـه

من يوم شفت العلم وخشوم حليـت ...... شفيت المبادى طـرا خلـي عليـه

الصاحب اللي معه في العمر سجيت ...... عليه قلبا الخطـأ ركـب رعديـه

ولا ذكرته وأنا في النـوم فزيـت ....... فـزة مريضـاً تهيـا لـه شكيـه

قدم الاحباب ومواجه هـل البيـت ........ وصلن هوى الروح لازمـا عليـه

وإذا قضيت اللـوازم ثـم سجيـت ........ حقاً على الهجـن قطـع المهمهيـه

دمتم في حفظ الله

[سعد القحطاني]

لاهنت يابن سعيّد على الطرح


وبيض الله وجهك يالرهالي على التوضيح والإفاده الوافيه


وانت وافي وعلومك غانمه دايم لاعدمناك

.

[أبن سعيّد]

الرهالي سعد القحطاني
ارحبوا تراحيب المطر ، وماقصرت يالرهالي ، على هذه الافادة.
وبيض الله وجيه الجميع.


وتقبلو تحياتي وشكري

[أبن سعيّد]

بسم الله الرحمن الرحيم

لقد طرحت هذا الموضوع ولم احد يتفاعل معه وممكن انا ، لم احسن توضيحه ،،،، فانا كانت فكرتي ان من يجيب على السؤال يطرح سؤال آخر. ... وقد طرحت السؤال 1 واجاب عليه (( الرهالي)) وافادنا فيه فائدة كبيرة.

س2 من قائل هذه البيتين؟


ازهم بصوتي وارفعة يم عبد الله= لحل حامي عقاب الهجن يوحيني
البارحة ساهر ليل الشتاء كله = لابه فراش ولالحافن بيدفيني



وتقبلو تحياتي،،،،