تل قلب الفياض من بنت تتله

[الفياض]

لــغـز للفــياض مـايـقـــــدر يــحـلــه =غـير واحــــد إن حـضر او نرفـعــه

تــل قلـبه تــــــل من بنت ٍ تــــتــلــه=باين ٍ منها الرضى وهي مسرعــه

ترتبط بأم الرمـوش اللي مظـلـــــه=حروفهــا دون امها بــس اربــعــه

واغتــنو عنها بـــــامور مستقلـــه=حيث زاد الوضع واصبح به سعـه

[هبشان]

بسم الله الرحمن الرحيم
السلام عليكم ورحمة الله وبركاته


اعتقد الناقه على ما اتصور


لاهنت

[ابن سجعان]

وش رايك بالمورس

[الفياض]

هلا بكم يا اخوان



واسعدني كثيرا مروركم


ومالكم لوا فديتكم

[معيض بن دشن]

صح لسانك يالفياض وبيض الله وجهك ونا برمع لي رمعه مع الربع واقول وش رايك في ( أم صتمه )

[عبدالرحمن المقباس]

بسم الله الرحمن الرحيم
السلام عليكم ورحمة الله وبركاته
وش رايك با ام سالم الطير المعروف ولكم تحياتي

[الفياض]

شباب اشكركم على تواصلكم .. وما لكم لوا جميعا

[ابن سجعان]

وش رايك بالكحلة

[الفياض]

ما لك لوا .. لكنها اقرب رمعة

يعني انت بديت تتوجه توجه صحيح

وعرفت تتمكن من عيون اللغز

شكلي بجهز لغز جديد اشك ان هذا خلال حان قطافة هههههههههههههه


تحياتي للجميع

ابن سجعان .. ان وصلت لامها باقي هي

وكيف تلة قلب الفياض

وكيف يبان منها الرضى

وكيف ما عاد تستخدم الحين للتعبير عن الشعور

وصار الوضع بلوتوث وترقيم ههههههههههههههه


اقولك ان اللغز يعتبر حله لك لكن نبي نشوف من اللي يجي

ويكتبه بالصيغة النهائية

وانتظروني بلغز جديد

[ابن سجعان]

وش رايك بغمزة العين

[الفياض]

صح لسانك .. ومتوقع انك بتجيبها


علشان كذا نزلت لغز جديد .. تسلم يالغلا..

[عوضه القحطاني]

الاخ/الفياض
يعطيك العافيه
ماهي ام القرى

{{ المهادي}}