المساعد الشخصي الرقمي

مشاهدة النسخة كاملة : هذارة المجلس قليل حلاها


عاشق الوطن
06-10-2004, 01:59 PM
هذه القصيده من شعر المناسبات التي قالها مشاري بن ربيعان على قافية السين والها
مشاري بن سلطان بن ربيعان من شيوخ الروقه من عتيبه 00استمتعو بالقصيده
مانيب هلباج على النوم نعاس =همه طعامه لين كرشه ملاها
ادرج الدنيا بالافعال وقياس= نسعد عيون وعين نسحن دواها
لاضاق صدري جبت نجر ومحماس=ودلال بيض غالي مشتراها
قم سو فنجال على خمسة اجناس=احذر تجي حرقه وبالك نياها
حتى يجي فنجالها يجلي الاعماس=عقب الصلف والسهر ما اكبرغلاها
خصص مشاكيل على النالر جلاس= حبوس الرجال اللي بعيد مداها
بدوا به اللي للمعادين نطاس = مودع سمان الهجن يثلع حفاها
والثاني اللي يثني العصب بالرس= في ربعة يشبع بها من نصاها
والثالث الي يحتمي دون لفراس= لاروحت خيل بخيل حماها
وباقي الملا لو ماتقهويه لاباس= هذارة المجلس قليل حلاها
لانافع ربعه ولاحاش نوماس = ضباط مال ولايذري ذراها

خالد آل مطرف العاطفي
07-10-2004, 02:24 AM
سلمت ...والله ... على نقل .. مثل هذه
الرائعه ....جدآ ... والتي فيها من العلوم الطيبه .. الكثير


وهي ... قصيده ..لشيخ وشاعر كبير ...فعلآ .. ومن الرباعين . وهم معروفين
من شيوخ عتيبه ... ونعم الرجال والله .. حاضر ،، وماضي ..



وباقي الملا لو ماتقهويه لاباس
هذارة المجلس قليل حلاها
لانافع ربعه ولاحاش نوماس
ضباط مال ولايذري ذراها

مشكورررررر اخوي .............ابن الوطن ...


اخوك اللي معجب بذوقك /خالد

سيف بن سعد
04-05-2005, 02:42 PM
بيض الله وجهك على نقل مثل هذي القصيده.