خالد بن حامد الحبابي
19-11-2007, 08:24 PM
زان القصيد وبادرتني فرايده=وأصبحت في حرب التماثيل قايده
أكسب من أقسام الغنايم جزالها=وأكب منها كل عجفن وبايده
دخلت في حربه ولاني بخايف=يومن فكري عنده جيوش رايده
جيوش تاخذ كل فكره بديعة=كانت على غيري من الناس كايده
واليا كسبت المعركه زان هاجسي=صار يتجول في مداين قصايده
وأرسلت عقلي في بساتين خاطره=عشان يقطف لي من أزهار نايده
أعد بازهاره وزاكي عطورها=باقه تصير لوافي العرف فايده
باقه تعطر كل مجلس تطبه=تصبح بصدره للمطاليق مايده
واللي حداني صوب بدع القوافي=وقت بلاني وأسقمتني مكايده
وقت بسم الغرب والكفر مرتوي=أهله عن الايمان والحق حايده
مرعاه ينبت بالعشوب السقيمه=المر والعلقم من أفضل حصايده
ابل المراجل من مراعيه غرزت=وابل الرذايل فيه بالدر زايده
كثروا بظله منكرين العوايد=لا خير في رجل يغير عوايده
ما دام عاداته على الطيب والوفا=وشهو اللي في سلم الأجانيب رايده
مسجل مسلم ولا كنه مسلم=نهجه على نهج المعادين شايده
يا الله ياللي تنكر الزيف والخطا=يا نجدة المضيوم و أعظم سنايده
يا واحد تعلم بخافي ذنوبي=اللي يسجلها الملك في جرايده
عبد ضعيف ولا عرف كيف يمشي=في دنيته وابليس محكم مصايده
ينصاك من وقته ولاضي سمومه=ودموع عينه سابقات نشايده
هذي ظروفه لخصت في بيوته=عساك تنظر له وتفرج شدايده
أكسب من أقسام الغنايم جزالها=وأكب منها كل عجفن وبايده
دخلت في حربه ولاني بخايف=يومن فكري عنده جيوش رايده
جيوش تاخذ كل فكره بديعة=كانت على غيري من الناس كايده
واليا كسبت المعركه زان هاجسي=صار يتجول في مداين قصايده
وأرسلت عقلي في بساتين خاطره=عشان يقطف لي من أزهار نايده
أعد بازهاره وزاكي عطورها=باقه تصير لوافي العرف فايده
باقه تعطر كل مجلس تطبه=تصبح بصدره للمطاليق مايده
واللي حداني صوب بدع القوافي=وقت بلاني وأسقمتني مكايده
وقت بسم الغرب والكفر مرتوي=أهله عن الايمان والحق حايده
مرعاه ينبت بالعشوب السقيمه=المر والعلقم من أفضل حصايده
ابل المراجل من مراعيه غرزت=وابل الرذايل فيه بالدر زايده
كثروا بظله منكرين العوايد=لا خير في رجل يغير عوايده
ما دام عاداته على الطيب والوفا=وشهو اللي في سلم الأجانيب رايده
مسجل مسلم ولا كنه مسلم=نهجه على نهج المعادين شايده
يا الله ياللي تنكر الزيف والخطا=يا نجدة المضيوم و أعظم سنايده
يا واحد تعلم بخافي ذنوبي=اللي يسجلها الملك في جرايده
عبد ضعيف ولا عرف كيف يمشي=في دنيته وابليس محكم مصايده
ينصاك من وقته ولاضي سمومه=ودموع عينه سابقات نشايده
هذي ظروفه لخصت في بيوته=عساك تنظر له وتفرج شدايده