المساعد الشخصي الرقمي

مشاهدة النسخة كاملة : بداية صمت ]]][[[ جديده ]]][[[


مخرب بن ضيطان
10-11-2007, 06:57 PM
اعتذر عن الاقطاع في الفتره الماضية وهذه قصيده للتواصل




انتي بداية صمت ونهاية البوح = نصك ضجيج ونص منك سكينة
لا تتعبين الروح داري على الروح = اللي معك يتعب عسى الله يعينه
ولا تجرحين القلب والقلب مجروح = جرحاً قديم وجيتي تجديدينه
كنك تبين السر لناس مفضوح = أنا أعرف اللي ناوية توصلينه
سوالفك هاذي تمشى على اللوح = ولا الذكي يحول بينك وبينه
ماني كتاب بين يديك مفتوح = وليا قريتي صفحه تقفلينه
حتى ولو قلتي مع الوقت مسموح = ماني بقايل افعلي ما تبينه
المسألة ما هي سواليف ومزوح = ولا حكاية واحد تعرفينه
المسألة وشلون تقضي على النوح = نوح الحمام اللي جفته المدينة
كن الأمل فدي عن الهم مذبوح = وكن المشاعر عقب فقده حزينه
تعبت اسامر نجمة مالها ضوح = وعجزت اعدل في شراع السفينة
ودي ولا ودي يجي يوم وتروح = ودي احطك في يديني رهينة

أبو عساف
10-11-2007, 07:55 PM
من طول الغيبات جاب الغنايم

أرحب والله يحييك تحيات المطر

صح لسانك وعلا شانك قصيده وافيه وأنت وافي

لاعاد تبطي علينا نفدا خشمك

تقبل مروري

اخوك / أبوعساف

سعد القحطاني
10-11-2007, 07:57 PM
ارررررررررحب يابو فلاح


الله يحييك يامطول الغيبه


لكن إطلالتك بهذه الشامخه تشفع لك

صح لسانك وبيض الله وجهك


لاعدمناك ،،،،،،،

.

عبدالله بن غفره
10-11-2007, 11:29 PM
صح لسانك يابو فلاح وبيض الله وجهك على التواصل والحضور


قصيدة رائعه وشامخه وتحمل معنى حقيقي لشعر الحقيقي


الف شكر لك وبيض الله وجهك

خالد الحصيّن
11-11-2007, 12:34 AM
تعبت اسامر نجمة مالهـا ضـوح
وعجزت اعدل في شراع السفينة


ياسلام
ياسلام
ياسلام


مرحبا مليون يابو فلاح .. شاعر حساس .. ومتألق كما عهدناك
صح السانك دبل وثري



اخووك

فارس ال فرس
11-11-2007, 02:20 PM
مبدع يالتني مطول الغيبه

هههههههههههههههه

كفو والله يامخرب

وحياك بين ربعك

رائد نملان الحبابي
11-11-2007, 02:23 PM
صح الله السانك


وبيض الله وجهك


وافيه من وافي


تقبل مروري معى صادق الود

سعيد بن مانع
12-11-2007, 01:53 AM
مخرب
شاعر وافي ونباك طيب من اول


صح لسانك يالجزل

سعد بن مناحي بن شفلوت
16-11-2007, 12:22 AM
ارحب يايوفلاح

وصح الله لساانك

وافي وقصيدك وافي

لاعدمتك