الفياض ولغز جديد

[الفياض]

فكر معي ياسامع اللغز باللغز=وان جبت رمعه ودها صوب فياض
اثنين خوتهم على الطيب والعز=مادام واحدهم عن الشرط ماجاض
جمعهم التعليم لو كان موجز=وشروطهم نصبر ولا نبدي لحاض
وابدى ملاحيظه عقب صره اهتز =وتفرقوا لكنهم باقي حضاض

[معيض بن دشن]

لاهنت وصح الله لسانك وابيض وجه على اللغز الجميل . وعندي رمعه مستعجله واقول فيها وش رايك في كتاب التوحيد والفقه في كتاب واحد . تحياتي لك يالغالي ،،،،

[الفياض]

اخي العزيز صح بدنك


واشكرك على الاطراء الجميل


والرمعة ما لك لوا

[عبدالرحمن المقباس]

بسم الله الرحمن الرحيم
السلام عليكم ورحمة الله وبركاته
اخوي الفياض وش رايك باليد والقلم
لكم تحياتي

[الفياض]

اخي عبدالرحمن اسعدني مرورك

وما لك لوا فديتك

[سعد بن سعيد بن فالح]

لاهنت على اللغز ياالفياض
وعندي رمعه لعل وعسا
العام الدراسي والطالب

[عبدالرحمن المقباس]

بسم الله الرحمن الرحيم
السلام عليكم ورحمة الله وبركاته
اخوي الفياض الغازك ما شاء الله عليها عميقه 0
لكني اقول ان حل لغزك هذا الديد والصغير مادام انه صغير فهو خويه واذا كبر تركته 0
والله اعلم
ولكم تحياتي

[الفياض]

مالكم لوا يااخوان . . والله يعطيكم العافية على التواصل

[الفياض]

الحين بدا العد التنازلي ..

اول تقريب للغز ..

تراني سويته وانا جالس في انتظار خطيب الجمعة يدخل . . بعدما قضيت من قراءة سورة الكهف

صار باين الحين بالحيل

[عبدالرحمن المقباس]

بسم الله الرحمن الرحيم
السلام عليكم ورحمة الله وبركاته
يالفياض انت تقصد الكلب يوم رافق اهل الكهف وش رايك
لك شكري

[الفياض]

عبدالرحمن يالله حيه .. لا ياخوك ما اقصد الكلب اعزك الله

[سعد بن سعيد بن فالح]

ارحب يالفياض
انت قربت ونا بقرب حسب فهمي
هل تقصد الكتاب والسنه
تحياتي

[الفياض]

موسى عليه السلام والخضر .. اللي قصتهم في سورة الكهف


فكر معي ياسامع اللغز باللغز
هنا تنبيه للجميع بالاستماع والمتابعه والتفكير ..


وان جبت رمعه ودها صوب فياض
هنا اقول اي محاولة للحل وجها لي علشان نتفاهم انا وانت على الحل

اثنين خوتهم على الطيب والعز
اثنين اقصد فيها مذكرين تخاوو وسبب خوتهم طيب ومعزة ..


مادام واحدهم عن الشرط ماجاض
هنا لمحت انه بينهم شرط لاستمرار الخوه

جمعهم التعليم لو كان موجز
هنا وضحت ان سبب الاجتماع والخوه كان التعليم .. هذي ما يبيلها تفكر
امور واضحة .. وجالس امشي معكم على حسب الترتيب في الايات الشريفة
ان تعلمني مما اوتيت علما وقلت موجز لانه قاله مما اوتيت ما قاله كل اللي اوتيت



وشروطهم نصبر ولا نبدي لحاض
وبينت الشرط وحددته وانه كان عدم ابداء الملاحضات
حيث اشترط الخضر على موسى عدم السؤال


وابدى ملاحيظه عقب صره اهتز
ياناس فيه اوضح من كذا قلت ان فيه واحد منهم ابدى ملاحضات بعد ان نفد صبره
يوم موسى عليه السلام سأل الخضر عن اسباب الاعمال التي كان يقوم بها
من خرق السفية واقامة الجدار وقتل النفس


وتفرقوا لكنهم باقي حضاض

بعد ما قاله هذا فراق بيني وبينك وتفرق وهم باقي حضاض هذا نبي عليه السلام وهذا رجل صالح ويقال انه نبي
هذي السالفة ..

[الفياض]

ارحب يالفياض
انت قربت ونا بقرب حسب فهمي
هل تقصد الكتاب والسنه
تحياتي

يسعد قلبك يا سعد .. ومالك لوا .. عموما انا نزلت حل اللغز لانه اخذ حقه من التفكير

[الكايف]

أنا أقول أنه :

القلم والدفتر

[معيض بن دشن]

لاهنت يالفياض وصح لسانك والحل واضح بالتفاصيل ابدعت يالغالي ،،،