مغزى [ الاروسه ] مغزى الخنافر على المقطه وعجز الحمده عن رد أبلهم .

[راعي المصنه]

بسم الله الرحمن الرحيم

اسم المغزى :
الاروسه

اطراف المغزى
الخنافر قحطان = المقطه عتيبه

قادة القبيلتين :
الشيخ الفارس حسن ابن ناصر ابن سفران
الشيخ الفارس محمد ابن هندي ابن حميد

كان هناك العديد من المغازي والمناوشات والمعارك بين الخنافر والمقطه وعندما جاء وقت الربيع عقد الامير محمد ابن هندي مع الامير حسن ابن سفران اتفاق مفاده ان لا يعتدي احدهم على الاخر وان لايكون هناك أي منا وشات بين الطرفين وان اخذت ابل الخنافر من المقطه فعلى ابن حميد ان يردها للخنافر وكذلك لو اخذت ابل المقطه من الخنافر فعلى ابن سفران ان يردها للمقطه
وفي احد الايام قام احد حوافين عتيبه بأخذ الناقة [ حوامه ] ذلول ابن حصوان ال قريان الخنافر وكانت الابل معقله وحاول الهرب بها ولم يكن يعلم انها معقله احدى يديها فرآه ابن طمران ال قريان احد فرسان الخنافر ولحق به وتصارعا وقتله ابن طمران ولما علم ابن حميد بمقتل العتيبي ارسل مرسولا لابن سفران يقول له
(((((ان البرى بيننا مردود )))))
أي العهد الذي بيننا قد انتهى فغضب ابن سفران من ذلك وقال للمرسول ان يقول له
(((( والله انه جنيّه مقطوعة منه العنيّه ما دامت عيني حيّه وانا اخو جذنه ))))
وأخذ حوافين عتيبه يكثرون من الحوافه عند الخنافر وهم على [قيران ] بنجد واغتاظ الامير حسن ابن سفران من ذلك وأخذ يجهز قبيلته ويحفزهم على غزو المقطه حيث يذكر الفارس سعيد ابن بديره ال بشيه ال قريان الخنافر
ان الامير حسن كان جالسا على منارته والخنافر مجتمعين حوله بخيلهم وسلاحهم وهو يحدي ويقول :


لا دارنا الحرب على المثلوم= درنا العياد المكرمات
نضرب بشلفا حدها مسموم = تدني من الحي الممات
وليا صفا الما كدّره سلوم =يجعل على كبد العدا عرقات
اتجه بعد ذلك الخنافر من قيران باتجاه خيم وقصدو المقطه في مرابعهم التي يرتعون بها بالقرب من مورد يسمى الاروسه واخذوا ابل المقطه من المفلى ومروا بثلاث عدود احدها الاروسه والصخه واخذوا ما عليها من الذيدان وقفوا بها يسوقونها كالجبال من كثرتها وكان منة ضمنها ذود تسمى ذود الطريسه ويحدي عندها احدفرسان المقطه قبل مغزى الخنافر عليهم ويقول :


نرعاك ياذود الطريســــــــــه = قدام ذيـــــدان البنات
وبعدما قفى الخنافر بالابل لحق بهم الامير محمد ابن هندي وفرسان جماعته وهو من يعرفهم حق المعرفه حيث يوصي جماعته دائما عندما يغزي بهم ويقول : اذا سمعتوا من يعتزي ويقول
( خيال البلها واانا ابن دراج )
فانجو بأنفسكم واتركوا الابل وحاول ابن هندي استرجاع الابل ولكن دون جدوى فقد كان فرسان الخنافر كأنهم سنون المشط دون الابل ورأى كثرة فرسان الخنافر وكثرة خيلهم وسلاحهم ورأى عدم التكافؤ في العدد والعده اقسم على جماعته ان لا يقدموا على مقاتلتهم وتقدم قليلا من الامير حسن ابن سفران
وقال له: تستاهلها يابن سفران
ورد عليه الامير حسن قائلا :
غصب بلا منه يابن هندي
وافترق الطرفان وقد استاء بعض فرسان المقطه من ذلك وكانوا يفضلون المغامره
والقتال لولا حكمة الامير ابن هندي ومنعهم من ذلك وأخذ بعضهم يحدي ويقول :

قلعتك ياذود الطريســــــــه = الخيـــــل دونك مرزيات
الهرج عود دون قيــــــــسه = ماهي العلــــوم الاولات
أي ان الهرج الذي كانوا يقولون ويحدون به قبل المغزى لم يوافق ماحصل بعد مغزى الخنافر عليهم وانما حصل عكس ذلك وقد ضحى ابن حميد بأبل قبيلته دون انفسهم وهذا ليس جبنا منه فالجميع يعلم من هو الامير محمد ابن هندي ابن حميد الذي يعد من اشجع العرب وانما استدعى الموقف منه ذلك لعدم تكافؤ الطرفين ولعله اسر في نفسه ارجاعها في وقت اخر غير هذا اليوم فالايام دول يوم لك ويوم عليك

[سعيد الجهيمي]

والله ونعم فيك وفي خيالة البلها صبيان ابن دراج

لا هنت على العلم اللي ينومس كل قحطاني يا دروع قحطان

بيض الله وجهك وتقبل المرور

أخوك سعيد الجهيمي البشري

[مرعي بن دواس الحبابي]

والله كفو يالخنافر

قول وفعل الله يرحمهم جميع

لاهنت يارعي المصنه

اخوك

[أبا الذموم]

أرررحب يا راعي المصنه
بيض الله وجهك ونعم بكم يالخنافر عموماً وشيوخهم آل سفران خصوصاً أهل حرب وخيل وقنا وطراد
سأورد لك قصة وسالفة حصلت في وادي الركا حول الحصاة في نجد شاهداً على أن شيوخ عتيبة كانوا يحسبون لقبيلة قحطان ألف حساب ويعتبرون أنهم الخطر الكبير والهم الدايم لهم :
والسالفه هذي حصلت بين الدواسر وعتيبه في شرق وادي الركا وفي مكان يسمى [ طريف ] كانت قبيلة عتيبه مربعه شرق وادي الركا وكان أقرب مالهم من القبايل قبيلتي آل عاطف والخنافر من قحطان وكان معهم قبيلة المخاريم الدواسر في نفس المكان بقيادة الشيخ الفارس ظافر بن سمره الهلقمي[ مشخر الفرسان ] شيخ قبيلة المخاريم الدواسر وسمي مشخر الفرسان من شجاعته تقوم الخيل لها شخير من شجاعته وإقدامه
وكانت قبيلة عتيبه بقيادة الشيخ الفارس محمد بن هندي بن حميد في هذه الاثناء اتفق الشيخ ابن حميد والشيخ الهلقمي على هدنه وصلح على إن كان أحد من العتبان خذا أبل المخاريم يردها الشيخ محمد بن هندي بن حميد للشيخ ظافر الهلقمي وإن كان أحد من المخاريم خذا أبل الحمده يردها الشيخ الهلقمي للشيخ ابن حميد واتفقوا على ذالك المهم في يوم من الايام قام واحد ٍ من قبيلة المساعره الدواسر ربع ابن قويد اسمه جاسر بن مريط وخذا ناقةٍ طيبه للشيخ محمد بن هندي بن حميد وقام ابن حميد وارسل مراسيل ومناديب للشيخ ظافر الهلقمي ويوم جاء المناديب للهلقمي قالوا له يرجع الناقة قالهم [والله اللي خذا الناقة ماهوب من ربعي هو من المساعره وأنا شيخ المخاريم لكن بروح معكم له ]
ويوم وصلوا للمسعري جاسر بن مريط قالوا له مناديب ابن حميد نبي الناقة في هذه الاثناء قام الهلقمي واشر لجاسر بن مريط بالرفض من غير ما احد يحس من مناديب ابن حميد المهم رجعوا المناديب لابن حميد وعلموه وقال [الهلقمي نقض الصلح من منكم يافرسان بيشرب فنجال الهلقمي] قام واحد من الفرسان اسمه الدحملي وشرب فنجاله وجهز الفرسان لمحاربة المخاريم المهم تواجه الشيخ ظافر الهلقمي مع الفارس الدحملي وقام الهلقمي وذبح الدحملي وعقر ذاك اليوم تسع ٍ من الخيل خيل الحمده على يد الشيخ ظافر الهلقمي
ويوم جاء العلم للشيخ محمد بن هندي الخبر قال :
[ الهلقمي حليف ٍ لنا ولا منه خطر الخطر والله من قحطان هم الموت والشر الخطر من ذوي سعيدان آل عاطف و ذوي سفران الخنافر ]

ايرادي لهذه السالفة هو كلام واعتراف الشيخ محمد بن هندي بن حميد بقوة قبيلة قحطان لأن هم القوة العظمى والخطر الدائم لقبيلة عتيبه .

على العموم تقبل مني اجمل وارق التحايا.

[الضويري]

لاهنت ياراعي المصنّه على موضوعك الطيب

تقبل تحياتي

[متعب الهاجري]

عز الله ونعم يالخنافر ماعليهم كلام ولاخلاف

من غير قصور في العتبان


لاهنت ياراعي المصنه

[حسن الخنفري]

لاهنت ياراعي المنصة وتسلم يمينك على هاالسالفة

[راع المصاغير]

والله ياقحطان أول مرة نسمع بهالحكايات والقصص العجيبة ... ثم ابن هندي وجماعته فرسان وشيوخ أخذوها بضرب السّيف .. وبالأفعال اللي تنومس كل عتيبي .. وهم اللي يشهد لهم القاصي والداني أنهم الرجال اللي يأخذون إبل القوم ويستحلون ديارهم غصب بلا من .. وليس العكس صحيح .. إلا بعد ماطلع علينا النت وأصبح الواحد متخفي عن الأنظار وجالساً أو منسدحاً خلف شاشة كمبيوتره ويؤلف أمجاد جديدة لقبيلته ... فهذا ماتصدر إلا من جابان أولاً لايستطيع المواجهة والحديث بها لأن الرجال حينئذٍ سيكعمونه بالصحيح وبالواقع الذي راح مع وقته ...

بصراحة قحطان ونعم مافيها كلام .. يقدرون الرجال ولهم بطولات وأمجاد لاأحد ينكرها وإن أنكرتها أنا أو غيري فسيظهرها غيرنا ..
وقحطان أهل علومٍ طيبة ويستاهلونها .. ولكن المصيبة في الجهلة من قحطان .. اللي ماعندهم إلا السب في القبائل وتزييف التاريخ وهضم حقوق الرجال .. فهؤلاء لايسرون أحد ولايمكن لقحطان أو لغيرها أن تفتخر بهم لأنهم (جبناء) ..
وبالمناسبة فإن لقصة والحكاية اللي ذكرة فمالها أي دليل لامن عقل ولامن منطق ... فالأفضل تجنب الأحاديث المفبركة .. وترك الخوض فيها ... أو تحدثوا فيها واملؤوا صفحات المنتدى منها وأمثالها فهي لن تضر عتيبة .. البتة .. ولن تزيد أمجادكم شيئاً لأنها (خرافات انترنت ) ...

ولو أردنا أن نسرد المعارك التي دارت بيننا نحن (عتيبة) وبينكم يا(قحطان) على الوجه الصحيح وعلى الحقائق التي رصعتها لنا كتب تاريخ نجد ..من واقع فعل الرجال بحدب السيوف لكفت عتيبة فقط منها ( إخراج قبيلة قحطان من نجد) بالسيف والرمح .. ليست بالكتابات من وراء شاشات الكمبيوتر ..
وأخيراً .. احذفوا مشاركتي لأنها بالفعل بتزعلكم شوي .. ولكن هذا الواقع والواقع مايزعل أحد ...

(يانجد والله مانزلناك بسلوم ... ولانتي بورث جدودنا فالقدايم )

يانجد أخذنا فيك حق ومقسوم ... وصفا جنابك عقب نطل العمايم)

[الضويري]

كيف تم اخراج قحطان من نجد وهم لهم القسم الاعظم فيه الان

!!!!!!!!!!!!!!!!!!!!!!!!!!!!!!!!

يبدو انك سفيه لاتعرف ان عتيبه المعروفه تدفع الجزيه لقحطان

واذا عندك مصادر تثبت اخراج قحطان فأين هي ياراعي

لم نرى في المصادر الا الجزيه يسوقونها جدانك من يوم خلقوا لشيخ قحطان

ويوم جوا شيخوكم يستجدون شيوخنا من اجل اراضي يستقرون عليها واولهم الهيضل

قمت تدعي انكم اخذتوها بالقوه لكن اذا اكرمت اللئيم تمردا والمصادر موجوده ياراعي

واذا مهوب عاجبك كلام راعي المصنّه فترى مصدره راوي عتيبه الاول وشيخهم مناحي الهيضل

اللي ذكر للسديري ان المقطه يقمطون من ال دراج الخنافر ياراعي

ولسنا بحاجه نحذف مشاركتك ياراعي لأنك جدانك كانوا رعاه عندنا وعند غيرنا!!!!!!!

على الاقل حط مزاينك في قلب نجد في حدبا قذله جنب الرياض اذا كنت تدعي اخراجكم لقحطان

مهوب في قلعه وادرين .

مابقى الا الرعيان

[مرعي بن دواس الحبابي]

هذي ابيات للشاعر من عتيبه

يالله مـن نـو يثـور قتـامـه= يسقي من العارض إلى نقرة الشام
نبعد عن اللي ما تحلـل عظامـه =عيـت تبيـده الليالـي والايــام
زريبه والضيـط راحـوا طعامـه =وحنا يقزينا المنازل مـن العـام
لا شب ضوه فـي راس العدامـه=قمنا نربط غالـي القـش بحـزام





هذي الابيات موجه للشيخ ابن هادي من الشيخ ابن حميد
ملـفـاك شـيـخ بالقـسـا يـذبــح الـكــوم =شـيــخ وشـيـخـان الـقـبـايـل تــدلــه
تلقـى محـمـد زبــن مــن جــاه مظـيـوم= زبــن الذلـيـل الـلــي مـخـيـف مـحـلـه
شــــــــيــــــــخ على الشيخان له حق ورسوم=تخاف من غيضه وتمشي رضا له




الشيخ ابن هادي وجه هذي الابيات للامام فيصل بن تركي

لو كـنـت عــود لــي افـعـول عـنـايـف= وربعي اتطاوعني على الهون والكود
حــــــــنـــــــــا على ضدك جبال نوايف=وحنا لك اطوع من عنيبر ومسعود
لــي لابــة تـــروي حـــدود الـرهـايـف =لا جــا نـهـار فـيــه حـــاوي ومـــردود
مانشتـحـن مــن حــرب كـــل الـطـوايـف=والــى بــدا لازمــك حـنـا لـــك جـنــود
شــد العتيـبـي مــن ورا كـشــب خـايــف=ولا يـحـدر كـــود يـبــرى لـــه الـقــود
وشــد المطـيـري مــن خـشـوم الـردايــف =وان سـنـدوا وردوا حنيـظـل وابـــا الـــدود
لـــي لابــــة مـاجـمـعـوا بـالـحـلايـف= من نسل قحطان وتعزا على هود



ابيات لابن هادي موجهه لامام فيصل بن تركي


الحـف يبغضنـي على لطم خده=ولوني عليه هوين صرت غالي
عندك يصرف بي مـن الحكـي قـده =وفعولنـا فيهـم جـداد وسمـالـي
صـلال دور لــه ورا المستـجـده=والشيخ الآخر فـي مـرب التوالـي
ووطبان اللي قـد كـل الرمـل خـده=خلـوه ربعـه فـي مـداس العيالـي
لـي لابـة لا قـلـت للخـيـل رده=ترايعـوا للهوش مـثـل الجمـالـي


والسلام عليكم

[مشاري بن نملان الحبابي]

لاهنت يا راعي المصنه على المواضيع المميزة...

والخنافر وافين وافين .... وعلومهم غانمة ...

تقبل مروري ....

[أبا الذموم]

والله ياقحطان أول مرة نسمع بهالحكايات والقصص العجيبة ... ثم ابن هندي وجماعته فرسان وشيوخ أخذوها بضرب السّيف .. وبالأفعال اللي تنومس كل عتيبي .. وهم اللي يشهد لهم القاصي والداني أنهم الرجال اللي يأخذون إبل القوم ويستحلون ديارهم غصب بلا من .. وليس العكس صحيح .. إلا بعد ماطلع علينا النت وأصبح الواحد متخفي عن الأنظار وجالساً أو منسدحاً خلف شاشة كمبيوتره ويؤلف أمجاد جديدة لقبيلته ... فهذا ماتصدر إلا من جابان أولاً لايستطيع المواجهة والحديث بها لأن الرجال حينئذٍ سيكعمونه بالصحيح وبالواقع الذي راح مع وقته ...

بصراحة قحطان ونعم مافيها كلام .. يقدرون الرجال ولهم بطولات وأمجاد لاأحد ينكرها وإن أنكرتها أنا أو غيري فسيظهرها غيرنا ..
وقحطان أهل علومٍ طيبة ويستاهلونها .. ولكن المصيبة في الجهلة من قحطان .. اللي ماعندهم إلا السب في القبائل وتزييف التاريخ وهضم حقوق الرجال .. فهؤلاء لايسرون أحد ولايمكن لقحطان أو لغيرها أن تفتخر بهم لأنهم (جبناء) ..
وبالمناسبة فإن لقصة والحكاية اللي ذكرة فمالها أي دليل لامن عقل ولامن منطق ... فالأفضل تجنب الأحاديث المفبركة .. وترك الخوض فيها ... أو تحدثوا فيها واملؤوا صفحات المنتدى منها وأمثالها فهي لن تضر عتيبة .. البتة .. ولن تزيد أمجادكم شيئاً لأنها (خرافات انترنت ) ...

ولو أردنا أن نسرد المعارك التي دارت بيننا نحن (عتيبة) وبينكم يا(قحطان) على الوجه الصحيح وعلى الحقائق التي رصعتها لنا كتب تاريخ نجد ..من واقع فعل الرجال بحدب السيوف لكفت عتيبة فقط منها ( إخراج قبيلة قحطان من نجد) بالسيف والرمح .. ليست بالكتابات من وراء شاشات الكمبيوتر ..
وأخيراً .. احذفوا مشاركتي لأنها بالفعل بتزعلكم شوي .. ولكن هذا الواقع والواقع مايزعل أحد ...

(يانجد والله مانزلناك بسلوم ... ولانتي بورث جدودنا فالقدايم )

يانجد أخذنا فيك حق ومقسوم ... وصفا جنابك عقب نطل العمايم)

الاخ العتيبي
يبدو إنك الاخ المعروف بتزييف الحقائق [ الفهاد ] واسلوبك نفس اسلوبه التكذيبي المشهور.

أهدي لك هذا البيت الشعري لأحد شعراء وفرسان عتيبه يقول:
نجد ٍ عليه من الطنا عز وحجاب = عليه من سبع الجحادر مهابه

ويقول الشيخ سلطان الشريف في الشيخ محمدبن هادي :


جانا جواب معرب الجد معروج= ومعسر ٍ لكن حنا فهمناه
جواب من ياخذ على نجد مخروج = ياخذ على من حل في نجد الشاه

يقول الشيخ راكان بن حثلين في الشيخ محمد بن هادي:


اهديت لك يانور السلف والجهامه = وابيك ذخر في مقابيل الايام

يقول الشيخ محمد بن هادي :

نجد ٍ خذيته بالسلف والتفافيق = وخيل ٍ تعاقب مثل طابور رومي

يقول الشيخ عبيد العلي الرشيد مخاطباً الوالي التركي بعد أن طلب منه الفرس [ كروش ]:

يابيه أنا لكروش ما اهدي ولا ابيع = قبلك طلبها فيصل ٍ وابن هادي
" فيصل " هو الامام فيصل بن تركي آل سعود.
" ابن هادي " هو الشيخ محمد بن هادي فهو جعل من الشيخ محمد بن هادي من منزلة زعماء العرب في وقته .

يقول الشيخ محمد بن هادي مخاطباً الشيخ تركي بن حميد :

إن كان رمحك بأول الخيل ملحوم = فأنا برمحي حامي نجد كله

هذا انا رديت بالرد اللي عليه شاهد شعري وبالقصيد .

[إبن مشلهب]

كفووووووووووووووو يالاد ابن دراج



انتوا اهل الاوله




ولا على الباقين قصووووووور

[راع المصاغير]

الله يهديكم .. كلـــــــــــــــــكم على الدبك .... مادام هذي أولتكم (سب وشتم وكلام مدري وشلون تقبله ألسنتكم ياقحطان ..)

أكرر وأقول بأنه دارت بيننا وبينكم ياقحطان حروب كثيرة .. ولسنا بمقام سرد تفاصيلها .. لأنها في النهاية ... (طعمها حامض في أفواهكم ..) ..

اللي حبيت أذكره .. أننا وبالسيوف الصوارم وبالرماح الحداد ... أخرجناكم من دياركم من نجد العذية جهاراً نهاراً .. وما تركناكم إلا بعدما التجأتم بجبال الحصاة .. وانتسبتم لحيودها فأصبحت من ذلك الوقت ... إلى قيام الساعة وهي تنسب إليكم فيقال لها (حصاة قحطان .. ) وكلامي هذا لايختلف عليه رجلان اثنان من رجال قحطان العقلاء .. بل يثبتونه ويؤكدونه ...
والآن وحتى إذا اجتمعت بنا المجالس حنا ويّاكم ودار الحديث في المعارك والحروب .. أخذتم تقولون لنا ..(الله يقلعكم ياعتيبة .. جيتونا من الحجاز وجلّيتونا من نجد وأخذتوها .. وما تركتونا إلا في هذه الجبال الموحشة .. بس معروفكم ياعتيبة علينا كبير جداً خليتونا "مير" نشرب من الماء الحلو ... وعاد يوم يقولها رجلكم اللي واثق من نفسه وهو بالفعل وليده يبتسم ويضحك .. لأنه يعرف جيداً ماحدث .. )

المراقب الله يهديك تكلم وأنت قدمسؤوليتك لاتقوم تخبط كالجهلة (سواء من قحطان أو عتيبة) .. وبعدين وش دخل المزاين ؟؟!..
والله الحقد ... والبغض .. (أعوذ بالله من حالك) ..

ويالمذموم .. ترا لو بنجيب مصادر وإثباتات .. مارجعناها للمقطوعات الشعرية اللي جايبها .. سدحنالك في هذا المنتدى أمهات كتب التاريخ .. بجميع إثباتاتها .. ووقائعها وقصائدها ..

وحنا مانجحد فعول قحطان ولانذمهم (حاشا لله) مثلكم يوم قمتم تذمّون وتسبونّي وتسبون قبيلتي على طول .. مباشرة .. ماحسبتوا إحترام محلكم .. وضيوفكم .. فكل جا من عنده .. الله يهديكم ..

أنا لم أذكر شي خارق للعادة .. بل ذكرت مجداً من أمجاد قبيلتي عتيبة .. نفتخر فيه .. ويشهد به القاصي والداني ..
وهو (إخراج قحطان من ديارهم في نجد .. واحتلال نجد والسيطرة عليها من قبل .. عتيبة .. شيوخاً وأفراداً .. ) هذا بس اللي ذكرته .. وأنتم تجحدونه .. عيب والله أكبر عيب ... صحيح أنه قتل منا شيوخ وفرسان .. قتلوهم قحطان .. ونحن ردينا الصاع صاعين .. وجلّيناهم من نجد العذية غصب بلا من ... ودارت حروب كثيرة بيننا ولكن لايصح إلا الصحيح وفي الأخير النصر حليف (عتيبة الهيلا) ... لاتقولون (لا) ثم .. تزعلون ضيفكم ويقوم من مجلسكم .. زعلان .. ويشمر بشته من فوق سيقانه .. من الزعل .. ويصير شي ثاني .. (مثل ماصار مع تركي بن حميد وابن هادي الله يرحمهم ويغفر لهم .. يوم جاه ابن حميد وما لبى طلبه ابن هادي فرجع ابن حميد لقومه وجوخته من فوق سيقانه من الغضب بعدما كانت على طوله .. وصار اللي صار .. الله يعفو عنهم ويغفرلهم .. وجميع موتى المسلمين ....

للمعلومية / أن قحطان بني مظيم كانوا مستحلين نجد وفارضين عليها سيطرتهم ونفوذهم العظيم بعدما أجلوا عنها قبيلة مطير ... وأخذوها ... ولكن بعد مجيء عتيبة لنجد تغيرت الأحوال في نجد فأصبحت قحطان خارج نطاق نجد .. وهذا لم يأتي من الكتابة على صفحات النت .. بل أتى بفعل أولاد عتيبة اللي يستاهلون كلمة (والنعم) ..

[الضويري]

صدق انك راعي

تهددنا بالمصادر طيب وينهي

ياخي انت ماتفهم

عندك مصادر جبها

لاتوجع روسنا

يمكن طلعتونا من نجد في احلامكم علشان كذا ماعندك

الا الضعوي

لكن معذور

من حر الجزيه قمت تتخيل انكم طلعتونا من نجد

وبعدين لجيتونا بسالفه الجوخه اللي ارتفعت فوق ساق شيخكم

لايكون الشيخ كان ضفدع لابس بشت

من يوم حطيتوا فلان من الناس الخضيري الصانع المعروف عتيبي

وجلستوه في الصفوف الاولى علشان دراهمه دريت ان الطيور على اشكالها تقع

[متعب الهاجري]

الاخ راعي ..

قالو لك الربع

عندك مصادر جبها

ماعندك اكرمنا بسكوتك واترك عنك الخثاريد الي مالها سنع


احترامنا لقبيلة عتيبة ولكافه القبائل


وقحطان يالعتيبي ماتغلط على ضيوفها ولا من شيمها السب والشتم وانت وغيرك يعرف هذا زين

[مرعي بن دواس الحبابي]

ثلاثين عام انسوقكم مثل سوق العير
تقدم لنا الجزيه ونعطيك شر وخير
لاكن الله يعز البقوم ورجال مطير
اقول الصحيح وكلمة الحق ترضيني

ياطيب البقوم مفرقين المواليف *** غزوبك وجدّك طايح فالعبيلة

[راع المصاغير]

الضويعي / وش تبي فالمصادر يوم تنشد عنها ... تبي تنكد على نفسك وعلى قبيلتك أكثر .. من اللي أنتم فيه الآن من الإحباط .. وترا كلمة (مراقب ) كبيرة شوووووي عليك ... والدليل أسلوبك واندفاعك بقوة .. في السب والشتم والتطاول على شيوخ القبيلة ..الذين يشار إليهم بالبنان .. لو دعيت لهم بالرحمة والمغفرة لكان أفضل .. فأنا أوردت قصّة احتلالنا لنجد من قبيلتك قحطان ... ولم أورد شيئاً من المصادر والإثباتات فأخذت في السّب والشّتم والمعايرة اللي هي من شيم (الضرّات) بعضهن لبعض ... فبالله عليك وشلون تبيني أجيب لك مصادر وإثباتات وهذا أسلوبك .. وتهجمك .. فبالأحرى وبالتأكيد ستكذّب كل المصادر .. وستسب قائليها .. لأن مادامك تطاولت على شيخ من شيوخ عتيبة (تركي بن حميد) الله يرحمه .. اللي كلّن يدعي له بالرحمة ويشهد له بالتدين والصدق والأمانه .. فبالتأكيد أنه سينال مؤلّفي كتب تاريخ نجد عامة من حضرتك ومن هم على سير جهالتك الشي الكثير من اللعان والسب والشتم فلا داعي افتح باب في هذه الأمور مع واحد زيّك .. فالله يخلف على رجال قحطان دامك .. قائد زمام أمورهم في هذا المنتدى ...

يقول الشاعر شالح بن هدلان الله يرحمه ويغفر له /
يانجد عقب محمد"ن" كيف بتقول مرحوم ياشيخ السلف والجهامة
عساه بالجنات عرض"ن" معا طول في جنة الفردوس يبني خيامه ....

الله يغفر لهم ويرحمهم ... هم والله أهل الأمانة وأهل الصدق وأهل الدين .. وعمرهم مااختلقوا لأنفسهم أمجاد بعض .. أو زيّفوا لهم أفعال بالكلام وبالكتابة كما نراه عند المتأخرين المتخلّفين ...

فأخيراً / يامراقب قحطان هوّن على نفسك ... وتذكّر مرابيع جدّانك في نجد .. وديارهم .. وموارد مياههم .. التي عانّا اللحين بانينين المخيم فيها من شكر الله .. وتاركين البل تأخذ راحتها .. تجوب نجد العذية في أي مكان شاءت ...
وترا الحزن الكثير يؤرث فالنفس .. أمراض هذا العصر ... الله يكفينا ...

هذه حصاة قحطان بجانبك .. يلزم كل قحطاني أن يحج لها سنويّاً ...

[راع المصاغير]

متعب الهاجري / يحـــــــــــــــــــــليلك ... تبي مصادر ... يعني مكذّب .. أكبر مصدر هو حصاتكم (حصاة قحطان) ..

أتمنى أن تسأل شيبانك ويعلّمونك بما صار في نجد العذية ... ..


/ ملاحظة هامّة/ ياقحطان لاتجون كل واحد يتهجم من عنده على أشياء مفروغ منها .. فيكفينا الرجال والشّيوخ فقط الذين صنعوا أمجادكم ياقحطان (ابن هادي وابن هدلان ) الله يغفر لهم ويرحمهم ..والحديث معهم يشرّف وكذلك الحديث مع أحفادهم شرف كبير ... ولو قالوا في هذا الوقت المتأخر كقولكم .. لما ردّيت عليهم بمثل ما أرده على جهالكم .. لإحترامي وتقديري لهم وللإيمان بمكانتهم في قبيلة قحطان عامّة ..

[الضويري]

والله ياراعي الشيخ تركي ابن حميد ماعين خير

من وراكم خليتوه في الخلا وانحشتو عنه وتركتوه

لحاله مع اعواله ومن الجوع راح يغزي على فرس

متسلفها من سبيعي كان مزبنه على المطران وذبحوه

المطران ولا احد جا ينشد عنه

والحين جاينا تتهمنا بالتطاول عليه

ان اول شيء استحى على وجهك تهمل شيخك لحاله

يامخليه شيوخهم

اما قصيده ابن هدلان

يانجد عقب محمد كيف بتقول

فهي مرثيه في حاكم نجد محمد بن هادي رحمه الله

والشيبان يوم نشدناهم يقولون رعيان ناخذ عليهم الجزيه

وتشبيه حصاه قحطان ببيت الله الحرام يدل على ضعف الوازع الديني

عندك نسأل الله لنا ولك الهدايه

اللهم لا تؤخذنا بما فعل السفهاء

[أبا الذموم]

بما أنك يالعتيبي تهرف بما لا تعرف فخذ مني الشيوخ والعقداء من قبيلتك عتيبه واللي ذبحهم فرسان قحطان في نجد العذيّه وهم على النحو التالي:
1) الشيخ الفارس هذال بن فهيد [شيخ الشيابين ] واللي ذبحه الفارس عبدالله بن مفلح آل كليفيخ الخنافر.
2) الشيخ الفارس مصلح بن فهيد من شيوخ الشيابين واللي ذبحه الشيخ الفارس ملهي بن مسفر بن هادي بن سعيدان آل عاطف .
3) الشيخ الفارس سلطان بن هذال بن فهيد الشيباني واللي ذبحه الشيخ الفارس ملهي بن مسفر بن هادي بن سعيدان آل عاطف.
4) الشيخ الفارس عبيد بن تركي بن حميد واللي ذبحه الفارس مبارك بن غنيم آل كليفيخ الخنافر.
5)العقيد الفارس شليويح العطاوي واللي ذبحه الشيخ الفارس سالم بن زيد بن شفلوت الفهر.
6) الشيخ الفارس ناصر بن عقيل من شيوخ الدعاجين واللي ذبحه الفارس حزام بن غنيم المسارده.
7) ثلاثة الجذعان أبناء الشيخ الفارس محمد بن هندي بن حميد واللي ذبحهم آل الجرو .
8) الشيخ الفارس عفاس بن محيّا شيخ الحناتيش الروقة واللي ذبحه الشيخ الفارس فيصل بن حشر آل عاصم .
9)العقيد الفارس هندي الجلد من شيوخ و فرسان الدغالبة واللي ذبحه الفارس حزام ابن الجيطاء الضوره آل عاطف .
10) الشيخ الفارس سعود بن نافل الدهينة من شيوخ النفعه واللي ذبحه الفارس محمد بن عتره بن سجعان آل فطيح المشاعله .
11)الشيخ الفارس علوش بن صنهات بن حميد واللي ذبحوه آل عاصم.

وغيرهم من شيوخ وعقداء وفرسان عتيبه اللي ذبحوهم قحطان.

وهذه قصيده لواحد ٍ من آل عاطف عسى أن تحوز على إعجابك :

لكل شاعر دوّن الشعر تدوين = والمدح في قبيلته يعتنيبه
مثل العتيبي يوم غنّى بقافين = يمدح بها عتيبه وينحب نحيبه
على القبايل حطهم فوق عالين = وسط الجزيرة فعلهم يدعيبه
وقبيلة عتيبه الهيلا معروفين = ولالهم فعلٍ شهيرٍ يجيبه
موسطين في القبايل عزيزين = لامن خذا في الطيب كلٍ نصيبه
وأشهر قبيلة تعطي الصاع صاعين = قحطان هي ساس العرب والعريبه
في نجد كم صالوا وجالوا من سنين = أمن السنين الأولة والقريبه
قحطان لاركبوا على الخيل غازين = عدوهم يشكي جروحه عطيبه
خيّالهم ينطح من القوم تسعين = يهزم كتيبه ويتنطح كتيبه
وهذال أبوسلطان شيخ الشيابين = في المعركة حطوا لقبره نصيبه
وعبيد وشليويح جا يومهم شين = منهم تعشى الطير الأبرق وذيبه
وابن عقيل من شيوخ الدعاجين = غزا قحطان وللمنايا ضويبه
وثلاثة الجذعان وسط الميادين = سهمٍ رماهم ما يزمّ الضريبه
والأربعين اللي شمال الحصاتين = على جثثهم من الهبايب سحيبه
ما نذبح إلأ من خيارالشجيعين = مواقفٍ ماهي علينا صعيبه
حنّا عيال مضيم سقم المعادين = وحنّا عيال العود يا معتزيبه
وأكبر دليل اللي حموا نجد ستين = ستين عامٍ للسبور ورقيبه
وكل القبايل لابن هادي مطيعين = ياخذ عليهم كل عامٍ ضريبه
كم قدموا له من خيول وبعارين= ياما خذاها بالرضا والغصيبه
ناسٍ ورى كشبخ ضاعوا مستذلين = وناس ورى حنيظل عليهم غليبه
فعلٍ شهد به شيخ يام ابن حثلين = وشهد له بركات و أرسل نديبه
من سبنا ضعيف عقل المعادين = وإلا غشيمٍ تاه من يقتديبه
كم في القبايل من رجال ٍ مديحين = كل ٍ على فعله ينادى بطيبه

تحياتي للجميع.

[راعي المصنه]

بسم الله الرحمن الرحيم
السلام عليكم ورحمة الله
الاخوه الاعضاء الاعزاء
لقد رايت اليوم مشاركة (راعي المصاغير) الذي كتب ما كتب وكأنه
غريق في البحر او هائم على وجهه في الصحراء لا يعي ما يقول
وبناء على ما ذكر استطعت ان اصنفه :
1-مما لا شك فيه انه لا يزال صغيرا سواء على المستوى العمري او العقلي
2-يتضح من ردوده انه يعاني من ما يسمى (الحقد الاجتماعي) وهذا
نتيجة شعوره بالنقص والدونيه
3-انطبق عليه المثل الهزلي الذي يقول
(ارقى واحول واحول وارقى )
فهو كالببغاء التي تلقن بالكلام ويقوم بترديده
ولو لاحظنا ردوده فهو لم يأتي بجديد بل يكرر ما قاله

******************************
وكما لاحظنا جميعا ان ردود راعي المصاغير ما هي الا
مجموعه من المتناقضات ونلتمس له العذر في ذلك
فعمره وعقله وحقده لا يسمحان له ان يقدم او يرد بأفضل مما رد
اما بالنسبه لقبيلتنا قحطان فقد شهد لها شيوخكم
وفرسانكم وشهد لها ابطال الجزيره من شيوخ وفرسان
وقد حكمت نجد ودفعت جميع القبائل لابن هادي الجزيه
وعتيبه احد هذه القبائل والجميع يشهد بذلك
وقد اشبعوك الزملاء الاعضاء بالاثباتات والقصائد مما يكفل
التصديق بها وانت تدور وتحوم حول قضية اخراج عتيبه لقحطان من نجد التي
اخترعتموها من نسج الخيال وصدقتموها ولا أعلم ماهي نجد التي تقولون
فهل تقصدون نجدا آخر لا نعلمه ولا احد يعلمه فلكم ذلك واحلموا كيفما شئتم
كما قال اخي الضويري
ولا اعلم لماذا تتهرب من ذكر مصادرك ؟
فتقول :
(((((وش تبي فالمصادر يوم تنشد عنها ... تبي تنكد على نفسك وعلى قبيلتك أكثر .. من اللي أنتم فيه الآن من الإحباط ))))
ومرة اخرى تقول :
((((فبالله عليك وشلون تبيني أجيب لك مصادر وإثباتات وهذا أسلوبك
.. وتهجمك .. فبالأحرى وبالتأكيد ستكذّب كل المصادر .. وستسب قائليها )))))
وهنا تقول :
((((متعب الهاجري / يحـــــــــــــــــــــليلك ... تبي مصادر ...
يعني مكذّب .. أكبر مصدر هو حصاتكم (حصاة قحطان) ..
أتمنى أن تسأل شيبانك ويعلّمونك بما صار في نجد العذية ... .. )))))
هل هذه اعذارك في عدم ذكرك للمصادر فهنيئا لك بأعذارك
واعتقد ان مصدرك الوحيد الذي ذكرته هو :
(((((والآن وحتى إذا اجتمعت بنا المجالس حنا ويّاكم ودار الحديث في المعارك والحروب
.. أخذتم تقولون لنا ..(الله يقلعكم ياعتيبة .. جيتونا من الحجاز وجلّيتونا من نجد وأخذتوها .. وما
تركتونا إلا في هذه الجبال الموحشة .. بس معروفكم ياعتيبة علينا كبير جداً خليتونا "مير" نشرب
من الماء الحلو ... وعاد يوم يقولها رجلكم اللي واثق من نفسه وهو بالفعل وليده يبتسم
ويضحك .. لأنه يعرف جيداً ماحدث .. )))))
ماشالله عليك وعلى مصادرك هذي يسمونها سوالف عرب على ضوهم
****************************************
اما بالنسبه لمغزى الاروسه فهذا لا يختلف عليه اثنان مع انك انكرت
السالفه في البدايه وبعد ذلك تركتها جانبا وأخذت تتهجم على قحطان
بشكل عام وكأنك لم تشارك الا لتتهجم على قحطان وليس لنفي القصه
انا امامك الان وبأمكانك مناقشتي في ما يخص السالفه او سبب انكارك لها
فنحن لا نستجدي تاريخنا وربعك هم من شهدوا بذلك كما أوردت في سالفة
ابن هندي حين قال ((((اذا سمعتوا من يعتزي ويقول
( خيال البلها واانا ابن دراج )
فانجو بأنفسكم واتركوا الابل))))
فقحطان بشكل عام ادخلوا الرعب في قلوب القبائل الاخرى وليس عتيبه فقط
واعدائهم من شهدوا بذلك وتاربخهم يكتب بمداد من ذهب فهم قحطان الغلابه
التي تغلب ولا
وارفع احترامي وتقديري للاخوان المشرفين على سعة صدورهم وتحملهم
مشاركات وتهجم راعي المصاغير

[راع المصاغير]

الضويري / أنت ماتنبسط ويطيب اللي في خاطرك إلى أن تكذب وتسب وتؤلّف من رأسك ... وعلى مزاجك لأنك تعودت على هذا الشي ... الرجال عيب أنه يهضم حقوق الرجال اللي غيره ... والطيب والشجاعة ليست محصورة على أحد الله يهديك .. فبالله عليك وش اللي تستفيده .. لن تضر أي أحد منا نحن عتيبة بكلامك الملفق اللي مايقوله إلا ناقص ..

فالحقيقة اللي تقولها الرجال أن الحروب والغزوات بيننا وبينكم كثيرة جداً والحرب مافيها برد وسلام (بيصير فيها قاتل ومقتول .. وغالب ومغلوب ) والنتيجة النهائية بتصير نجد بكاملها تحت سيطرة عتيبة الهيلا في ذلك الوقت أما أنت وقبيلتك .. قحطان .. فالمكان الذي رأته عتيبة مناسباً لكم هو جنوب نجد .. مع الوباره .. (بس الوباره في عالي الجبال الشواهيق .. وقحطان في أسفل الجبال .. )

في النهاية ترا ماهو عيب وأنا خوك الاعتراف ...

يانجد والله مانزلناك بسلوم ... ولانتي بورث جدودنا فالقدايم )

يانجد أخذنا فيك حق ومقسوم ... وصفا جنابك عقب نطل العمايم

[راع المصاغير]

بما أنك يالعتيبي تهرف بما لا تعرف فخذ مني الشيوخ والعقداء من قبيلتك عتيبه واللي ذبحهم فرسان قحطان في نجد العذيّه وهم على النحو التالي:
1) الشيخ الفارس هذال بن فهيد [شيخ الشيابين ] واللي ذبحه الفارس عبدالله بن مفلح آل كليفيخ الخنافر.
2) الشيخ الفارس مصلح بن فهيد من شيوخ الشيابين واللي ذبحه الشيخ الفارس ملهي بن مسفر بن هادي بن سعيدان آل عاطف .
3) الشيخ الفارس سلطان بن هذال بن فهيد الشيباني واللي ذبحه الشيخ الفارس ملهي بن مسفر بن هادي بن سعيدان آل عاطف.
4) الشيخ الفارس عبيد بن تركي بن حميد واللي ذبحه الفارس مبارك بن غنيم آل كليفيخ الخنافر.
5)العقيد الفارس شليويح العطاوي واللي ذبحه الشيخ الفارس سالم بن زيد بن شفلوت الفهر.
6) الشيخ الفارس ناصر بن عقيل من شيوخ الدعاجين واللي ذبحه الفارس حزام بن غنيم المسارده.
7) ثلاثة الجذعان أبناء الشيخ الفارس محمد بن هندي بن حميد واللي ذبحهم آل الجرو .
8) الشيخ الفارس عفاس بن محيّا شيخ الحناتيش الروقة واللي ذبحه الشيخ الفارس فيصل بن حشر آل عاصم .
9)العقيد الفارس هندي الجلد من شيوخ و فرسان الدغالبة واللي ذبحه الفارس حزام ابن الجيطاء الضوره آل عاطف .
10) الشيخ الفارس سعود بن نافل الدهينة من شيوخ النفعه واللي ذبحه الفارس محمد بن عتره بن سجعان آل فطيح المشاعله .
11) الشيخ الفارس تركي بن ربيعان واللي ذبحوه الخنافر .
12)الشيخ الفارس علوش بن صنهات بن حميد واللي ذبحوه آل عاصم.

وغيرهم من شيوخ وعقداء وفرسان عتيبه اللي ذبحوهم قحطان.

وهذه قصيده لواحد ٍ من آل عاطف عسى أن تحوز على إعجابك :

لكل شاعر دوّن الشعر تدوين = والمدح في قبيلته يعتنيبه
مثل العتيبي يوم غنّى بقافين = يمدح بها عتيبه وينحب نحيبه
على القبايل حطهم فوق عالين = وسط الجزيرة فعلهم يدعيبه
وقبيلة عتيبه الهيلا معروفين = ولالهم فعلٍ شهيرٍ يجيبه
موسطين في القبايل عزيزين = لامن خذا في الطيب كلٍ نصيبه
وأشهر قبيلة تعطي الصاع صاعين = قحطان هي ساس العرب والعريبه
في نجد كم صالوا وجالوا من سنين = أمن السنين الأولة والقريبه
قحطان لاركبوا على الخيل غازين = عدوهم يشكي جروحه عطيبه
خيّالهم ينطح من القوم تسعين = يهزم كتيبه ويتنطح كتيبه
وهذال أبوسلطان شيخ الشيابين = في المعركة حطوا لقبره نصيبه
وعبيد وشليويح جا يومهم شين = منهم تعشى الطير الأبرق وذيبه
وابن عقيل من شيوخ الدعاجين = غزا قحطان وللمنايا ضويبه
وثلاثة الجذعان وسط الميادين = سهمٍ رماهم ما يزمّ الضريبه
والأربعين اللي شمال الحصاتين = على جثثهم من الهبايب سحيبه
ما نذبح إلأ من خيارالشجيعين = مواقفٍ ماهي علينا صعيبه
حنّا عيال مضيم سقم المعادين = وحنّا عيال العود يا معتزيبه
وأكبر دليل اللي حموا نجد ستين = ستين عامٍ للسبور ورقيبه
وكل القبايل لابن هادي مطيعين = ياخذ عليهم كل عامٍ ضريبه
كم قدموا له من خيول وبعارين= ياما خذاها بالرضا والغصيبه
ناسٍ ورى كشبخ ضاعوا مستذلين = وناس ورى حنيظل عليهم غليبه
فعلٍ شهد به شيخ يام ابن حثلين = وشهد له بركات و أرسل نديبه
من سبنا ضعيف عقل المعادين = وإلا غشيمٍ تاه من يقتديبه
كم في القبايل من رجال ٍ مديحين = كل ٍ على فعله ينادى بطيبه

تحياتي للجميع.


طيب بعض اللي ذكرت اعترف بهم ويعترف بالحقيقة كل رجل .. وإن كان اللي ذكرتهم فيه خلافات كبيرة جداً .. حول مصداقية ماذكرت ... وعدّها من اخرافات النت بعيداَ كل البعد عن ساحات المعارك ياشاطر ...
فصراحة اتعبت نفسك أكثر من اللازم في تجميع الأسماء .. ونسيت الطّامة (نجد العذية)مانشدت عمرك يالذموم وين راحت من أخذها منكم بحد السيف ماهو بالكلام وتزوير التاريخ ..وحدّر قحطان بكاملها للجنوب .. فأصبحوا جنوبية بعدما كانوا نجدية!!!
وبالمناسبة لذكر القتلى فلو \قتّلتم عتيبة كلّها .. (وهذا تعيب) إلا أن البعد والجلا عن نجد ياقحطان غبينة عليكم ... وأخيرا ما أريد قوله هو أن المعركة.. لا يخرج منها الطرفين بسلام .. بل فيه قاتل ومقتول .. (فاجعلها بعين الاعتبار)

بس الشي الوحيد اللي استغربه منكم ياقحطان هو عدم الاعتراف .. رغم اعتراف الخصم ليه .. لماذا ؟؟ طبعاً النتيجة مرّة ..

ديارٍ مأخوذة .. وشيوخٍ قتلى .. وعلومٍ ماتشرفكم الاعتراف بها ولكنّه واقع السيوف من أيدي الأبطال من عتيبة في ذلك الوقت ..

ولو أبي نذكركم بالقصائد .. لأصبحت المتسبب في إصابة جميع قحطان بالضغط والسكر في دقائق معدودة (فما ناقص ذنوب.. الله يعفي )..

بس خذ هذه الأبيات لعلّها تداوي الضغط /


حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

لنا سلوم غاليات المثامين=سلومنا محدن حملها سوانا

في سلم لوماء الوجه عام وشهرين=وابخيلنا مامون داخل حمانا

ثلاثماية يوم تزداد ستين =تنحا المنايا عنه هيبة لحانا

ومن حده الموت الحمر والديايين=تخير الحصن الحصين ونصانا

وبالحين نملى فارغات الموازين=جيب الصحون ومكرمات الصيانا

للضيف والجيران والمستحقين=إليا من وهاب العطايا عطانا

ابيوتنا للضيف مثل البساتين=يفرح به الملهوف ليلة ضوانا

نجود بالماجود بالعسر واللين=وضحك الحجاج وما حلا من نبانا

حنا على حفظ المواجيب حرّصين=مانعطي الطرقي قراطيع مانا

والجار له واجب وحنا وفيين=ندعيه للكرمه ولو ما دعانا

جيرانا دايم حشام وعزيزيين=وندرا شرفهم عن كلام اسفهانا

حنا بوجه الجار دايم جديدين=يزيد مع زايده اثنينه وفانا

وان جاء نهار المعمعه واللغا الشين=نبيع غال الروح دون اقصرانا

وان راح يشدق قفاه بسكاكين =نحمي مجاله عقب عنه انتحانا

وخوينا لو هو من اللي معادين=يأمن بنا في كل درب مشانا

ليا عودة عشر اكثر الناس ثنتين=وصاروا بغرات الخوي عقربانا

ولصرنا مع الخوي بدرب متخاوين=نرعى الحقوق ولانخون خويانا

وحنا منازلنا ورا حضن ويمين=هاذيك ديرتنا فيها نشانا

وجينا نبا المرباع عند القحاطين=يوم الزمان بحد سيفه حدانا

وقالوا لنا ما تاسع الدار شيخين=ونجد العذيه تحت فيت عصانا

وتشاوروا طلقين الآريا الحكيمين=احدٍ ومر بالحرب واحدٍ نهانا

واحتار من يختار بين الأمرّين=اما الدهر ولا سيوف اقبلانا

وتقرر المحدار بالخط والقين=نمراً فأولها يرفرف لوانا

وندري ما قدامنا مزرعة تين=لكن على روس الافاعي وطانا

زحنا قبايل نجد عن نجد قسمين=وجينا بمثنات البلاد وبنانا

ابيوتنا كالقور بين الحديثين=وعلى السنام من البلاد استوانا

وأعداينا ما هم عنا براضين =لكن هابونا جميع احددانا

لشبت الهيجا بصوت المثارين=صديق عينك مايجي في نحانا

وليا ركبنا فوق مثل الشياهين=تكره صناديد القبايل لقانا

عاداتنا نخلي سروج المسنين=وأول موردت السهوم اومرانا

ليا اقبلوا من الخيل قدم المغيرين=وليا اقبلوا صاروا حماه لقفانا

حمّاية الساقات فالمقلين =باموالهم يرفون فقر فقرانا

وليا جاء الامر بين القبيلة حليين=حلوا مشاكلنا وحازوا رضانا

وان جاء الامر دولي زحول وميامين=عند الدول فالمعضلات اسفرانا

[الضويري]

انت تعرف نجد ولا تسمع عنها

حدد حدود نجد اللي في مخيلتك

يعني مثلا

هل الرياض في مفهومكم جنوبيه مثلا

لأن ديرتنا اصبحت تتبع بلديه عتيقه

حنا نبي نعرف نجدكم هذي وينها

يمكن تقصد نجد اللي في احلام الاقزام السبعه

والوحش كوهان اللي بشته قام يطير فيه مهوب بعد يرتفع

فوق ساقه وبس

انت خبل مأثرة عليك سالفه الجزيه وصرت تتخيل ان فيه بطل

فجأه حس بالأهانه وجاب معه فرسان مالهم اخر وقلع قحطان

للجنوب وخلاهم ذليلين

اقول هون على نفسك وخلك انسان مؤمن بقضاء الله وقدره وهذي الدنيا

مهوب انتم لحالكم اللي تدفعون الجزيه مثلك كثير

حنا ماجيناك نذكرك بالجزيه

انت من معاناتك من سالفه الجزيه مامسكت عمرك جيتنا على رجليك

الله يعافيك

[عبدالوهاب آل راضي]

بسم الله الرحمن الرحيم
السلام عليكم ورحمة الله وبركاته


يالربع وسعو صدوركم

لا تعطون الورعان وجه



اقول يا راعي المصاغير


الظاهر انك مضيع

ادخل قوقل واكتب تفحيط

وهذا الموقع اللي تبيه

اما هنا ما يجون الا الرجاااااااااااااااااااااااااااااااااااااااااااااا اااااااااال

[مرعي بن دواس الحبابي]

اهداء خاص من عتيبي الى راعي المصاغير


الشاعر حميد الذيابي
ياضاوي الموضوع جا فيه تكبير=والا لساني بين ضرسي ونابي
يالله ياللي بالهواء ترفع الطير=ياعالمٍ وش نيتي فى اطلابي
انك تعز متعبين المباهير=واجعل لهم من فضلك اجر وثوابي
ياشيخ ياستر البني الغنادير=ياشيخ سلفاناً تروي الحرابي
جحادرٍ عنها القبايل مدابير=يحسب لها في كل دعوى حسابي
شيخٍ يجيه الهدو مثل الطوابير=وتدفع له الجزيه على كل بابي
وتجيه شيخان الجموع المشاهير=تستنجده فى الضيق والاكترابي
وبعد معزي حرر الناس تحرير=حطك من أعلى البرلمان النيابي
ان كان بك عذروب هدو المغاتير=جرد الرقاب الفاخرات النوابي
وعطاك للمورات للفعل تبرير=سطوه ولاانت بمكتسبها اكتسابي
خليل بن ناصر مقدى المظاهير=معنز لك في علو الهضابي
واقبل سلامي عد رمل المعاصير=مقرون بالعذر الصريح الإيجابي

@@@@@@@@@@@@@@


اهداء ثاني

هذة قصيده فيحان بن نابر العبدلي الشيباني قالها مخاطباً الشيخ ابن ربيعان




الاد روق مرجحـت كـل ميـزان = عدوهـم مايبـرح الليـل كـلـه
ترثة عتيبه روس مزحم وثبتـان = عاداتهم دحـر الامـور المضلـه
ابك اسال العريف عن ضلع شيبان = ضلع مهيل عايشن تحـت ضلـه
حنا شيابين الوغى نسل قحطـان = هو جدنا الى منتزح عـن محلـه
سعدية بين العـرب شانـا شـان = العز مـن بيـن القبائـل نشلـه
تاريخنا مابين حيـثٍ ومـا كـان = وسلومنـا عنـد القبايـل مدلـه

[فهيد النهاري]

كفؤؤؤؤؤؤؤؤؤؤؤؤؤؤ بصبيان بن دراج ولاهي غريبه عليهم

س1/ أين اقامت قبيلة قحطان مزائنهم هذا العام ؟

في نجد ولا في المريخ ؟ :)

واذا تتكلم عن نجد وش اخذت منها الحين ؟؟؟ :)


وعلى فكره لو تجمع كل ديار عتيبة في نجد ماتسوى حي من الهياثم :)




وخل عنك الهرج الفاضي ... واذا انت صادق ان نجد كلها لكم وراكم حاطين المزاين على بعد 300 كيلو من مقر كباريتكم في الرياض


كان حطيوتها على بعد 80 كيلو ولا 100 كيلو :)

الله يخلي عوال الشايب محاصره مدينة مقر الحكومه جنوب وغرب ...

والله يرحم ابن قرملة اللي عطاكم الغطغط على بعد 60 كيلو ايام الاخوان .. من طيب نفس ولمحلكم :)


وشكلك ماتعرف نجد زين وعلى فكره ... ترا في نجد المطران والحروب والسهول ووالسبعان الصلب وووووووووالعتبان :)


الا على طاري العتبان يالعتيبي ... أنت تعرف من جدك الاول ؟؟؟ :)


امير شملكم ابن حميد عتيبي اصل وفصل ؟؟

وقوتكم الطاغية الشيابين عتبان اصل وفصل ؟؟

اقول صدق ابن هادي الله يبيحه ويحلله على كل دم عتيبي اسكبه في اراضي نجد العذيه يوم قال

لي لابةً ماجمعت بالحلايف ... من صلب قحطان وتعزى على هود

[راعي المصنه]

السلام عليكم
الاخ سعيد الجهيمي
ارررررررررحب
وما عليكم زود
ويشرفني مشاركتك

[أبن جفشان]

يالربع الله لايهينك على ذي الردود
وهذي قصيدة عتيبي ذبحه ابن حميد من سببها قالها في ابن هادي
يالله من يوم يثور قثامـــــــــــــه @@@@ يسقى من العارض ليا نقرة الشام
نبعد عن اللي ماتحلل عظامـــــه @@@@ عيت تبيدة الليالي والايــــــــــام
ليا طلعت ضوة من عالي العدامه @@@@ قمنا بربط غالي القش بحـــــــزام
زريبه والضيط راحوا طعامـــــــه @@@@ من غير ربع تعشاهم من العـام

وترى العتيبي يوم يتكلم ترة يتكلم من هم ولاهب يسولف من سعه
له ستين سنه وهو يدفع الجزيه وكل شيوخهم عند قحطان ولا هان ابالذموم ذكر منهم القليل
ويزود همه لان اللى حاكمه ومتشيخ عليه ( بقمــــــــــــــــي)
وزود على ذلك والشهراني اللي متشيخ في العصمه( ابالعـــــــــلا)
وهم لو انهم من ساس واحد وجدهم واحد كان مارضوا ببقمــــي، وشهراني) يتشيخوون فيهم
لعنبوا ساس الردى والرخامه
وهذ بعد قصيدة قالها ابن حميد عند ماراح لسعد بن قطنان امير سبيع يطلب منه الفزعه علي ابن هادي وسعد بن قطنان خاله ابن هادي ,ورفض ابن قنان الفزعه
يقول تركي:
نزلت يم القهب باوسط نفـــــــودة @@@ واصيح للغلبا بعالي المشاريــــف
وانشد سعد من خالهم ويش فودة @@@ اللي يصرف لهم من الحكى تصريف
(الله يرحمك يابن هادي)
يقول ابن هادي في قصيدة المشهورة:
انت متوسط مابين عتبان وبقوم @@@ الله اعلم في دق سلكك وجله
وبعد الاتفاق على الصلح بين ابن هادي وابن حميد وبعد ماادي ابن حميد الاربع القحص وهو في مخيلته ان ابن هادي بيرد اللي خذاة من عتيبه مادراى ان ابن هادي هو اللي ياخذ ولا هوب اللي يعطي شوفوا الفرق بين ابن هادي وابن حميد يغزي ويغم الغنايم وبعدها يجي يطلب الصلح ويردها
وبيت ابن هادي رحمه الله واموت المسلمين:
راح العتيبي وراى كشب خايف @@@ ولا يعود لين يبرى له القود
واقول الله يرحم ابن سعود اللي خلاك تامن وتستوطن وترتاح من دفع الجزيه ومن المحدار والمسناد

[مبارك بن حاضر]

والله و نعم في صبيان بن دراج

و مشكور ياراعي المصنه :)

[عطيب الضرايب]

شكرا ياراعي المصنه


يالربع انا حبيت اوضح بعض اكاذيب جهال عتيبه

بقولهم ان من ديارهم ، الدوادمي والشعراء وشقراء وهذا المدن لي بني زيد وهم من قحطان ،

انتبهو منهم لايمشون حركاتهم علينا ،


اكرر شكري لي صاحب الموضوع،،

[مرعي بن دواس الحبابي]

الاخ ابن جفشان


لاهنت بالنسبه للاربع القحص ..


يقول ابن شايق لعواض الثبيتي

القحص الاربع عندنا ولا انت ماحصلت شاه
............................الله يردك للجبال السود يافلاحها

[راعي المصنه]

السلام عليكم
الاخ: مرعي بن دواس الحبابي
أرررررحب
وماعليكم زود ياكحيلان

[راعي المصنه]

السلام عليكم
ارررررررررررحب ياابالذموم
وبيض الله وجهك على ما قدمت
وتقدم في خدمة تاريخ قحطاااان
تقبل تقديري وامتناني

[خيال الزرقاء]

السلام عليكم

يا اخوان هـــــــــــذا الراعي العتيبي الرد عليه هو ((( سفهه وتطنيشه )))

ليش؟؟؟ لان الجاهل المريض الحاقد سفهه هو الــــــعقل بعينه وعلمه

وعلى طاري نـــــجـــــــد ................ اقول

الحمدلله اننا ســـــعوديين نعرف حدود نجد لو كنا خارج المملكه كان بيمشون كذبهم علينا

لعنبو الشيطان نجد ديارنا

من اول وتالي وحنا سلاطينها والدليل الربع ما قصروا قالوا مافيه الكفايه

لكن المصيبه جهلك يا عتيبي !!!!!!!!!!!!!!!!

الشاعر فيحان بن نابر العبدلي الشيباني
الاد روق مرجحـت كـل ميـزان عدوهـم مايبـرح الليـل كـلـه
ترثة عتيبه روس مزحم وثبتـان عاداتهم دحـر الامـور المضلـه
تاريخنا مابين حيـثٍ ومـا كـان وسلومنـا عنـد القبايـل مدلـه
حنا شيابين الوغى نسل قحطـان هو جدنا الى منتزح عـن محلـه
سعدية بين العـرب شانـا شـان العز مـن بيـن القبائـل نشلـه
تاريخنا مابين حيـثٍ ومـا كـان وسلومنـا عنـد القبايـل مدلـه

[خالد آل سعد]

لاااااااااااااااا هنت


لاااااااااااااااااا هنت لا هنت


ولله كفو بربعنا الخنافر

فخر لقحطاااان

ولا يهونون عتيبه


تحياتي ..

[مقبل السحيمي]

على فمك الشحم ياراعي المصنة.......والسالفة صحيحة 100% بيض الله وجهك يالقرم

وأقول للضويري قواك الله وجعل من جابك في جنات النعيم ياوجه دهيم وماقصرت عزالله في ردك

وبالنسبة لراع المصاغير العتيبي أقول السوالف الصحيحة تراها عندكم أنتم أهل الصدق وانتم الشجعان وانتم

الرجال وانتم الأبطال وانتم اللي ماتقهرون ولايهزمكم إلا رب العالمين........أيييييييييه

الظاهر هذا اللي ودك به يالمهايطي اترك منك القربعة والبربسة والخريط الفاضي.........مانشره عليك ياوراع

انته من عتابة لطامة العايل اللي ماعمرها انهزمت (( ياأرض انهدي ماعليك قدي )).

العجب بالنفس والكبر والزود والكبرياء والغرور وجنون العظمة ترى مالها علاج إلا سيف ابن هادي وابن هدلان

عيب عليك تكذب الرجال وتنشر الفتنة .....وأقول الظاهر انك وأمثالك متعود على الطردة يوم تقول احذفوا ردي لأنه

ماراح يعجبكم وشكلك حاس بالطردة......................لكن ترى فيه منتدى اسمه منتدى عتيبة الهيلا رح سجل فيه

وسولف ليل ونهار وخذ راحتك وبتلقى من يصفق لك ويشجعك....؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يشفيك.

[ابومعن]

عز الله ونعم يالخنافر ماعليهم كلام ولاخلاف

من غير قصور في العتبان


لاهنت ياراعي المصنه

[راعي المصنه]

السلام عليكم
الاخ: الضويري
اررررررحب ومن قال ماهان
ومشاركتك تشرفني وبيض الله وجهك على مداخلاتك الرائعه والجميله التي تعكس لنا
شخصكم الكريم وما تملكه من معلومات تلجم بها من اراد التلاعب بالتاريخ

[محمد العرجي]

السلام عليكم ورحمة الله اخواني منسوبي الشبكه كل عام وانتم بخير بنسبه لكلام العتيبي فهو معذور حسب فهمه فهو يعيش الوهم العتيبي وعقدة الجزيه التي كانت تدفعه لقبيلة قحطان صغاره ورحلت الهرب من جحيم قحطان الي حرة كشب والاستأذن من حاكم نجد الأمير ابن هادي فهذا الراعي الجاهل لايعرف انا الحرمليه التي كان فيه المناخ الشهير بين قحطان وعتيبه انتهت بهزيمة عتيبه عن بكرة ابيه انها تقع في قلب نجد وان الرين والجله والفويلق وجو وصبحا والحصاه ونساح والهياثم وتبراك وغيرها ليست في قلب نجد بل تابعه لمحافظة نجران سؤال لهذا الراعي اليست هذه التي ذكرت في نجد وسكانها من قبيلة قحطان الست انتم الذين والله الفضل والمنه تأتون من الحفيره الي الفويلق هجرة ال جرو عبيده من اجل طلب الماء لأن مناطقكم ليس فيها ماء بسبب وجوده في الدرع العربي انت لا تعرف انا الدوادمي والشعراء وشقراء اهله من بني زيد وهم قحطان لماذا هذا الحقد اتقرن قبيله عريقه من جد واحد ذات تاريخ بقبيله من اخلاط من القبائل اميركم من البقوم والاخر من شهران ابا لعلا الم تسمع محاورة ابن ثايب شاعر والتي زعل فيه الز لامي حين ما ذكر انا ابا لعلا من شهران المحاوره موجوده على قناة الساحه الرجاء انا تحكم عقلك فعتيبه غنيه عن امثالك فنحن اليوم اخوان وعفا الله عم سلف تحياتي للجميع





انا من العرجان ساسي وراسي




عبايد عند الجزيره خبرها

[الضويري]

مطرود من نجد !!!!!!!!!!!!!

المطرود والله انت واشكالك ............. مطرود طردة اللي مانيب قايله من الغطغط الى عشيره

دون الطايف بجرة قلم وجايني هنا يامغسول الوجة تهايط لأن اللي سمحلك زعل عليك .............. غيرك مثبت ركونة

وموثق حدودة من جد لجد وانشد ابن سعود عن الجافورة يابطجة ولا جد جدك وطوط في نجد بدون جزية

سل نفسك بأشعار المجهولين من جماعتك لتبني لنفسك امجاد في احلامك واذا كان عندك مصادر وش اللي يمنعك

ياراعي الوديعة ماتجيبها لكن المفلس مفلس وكل يوم طالع لنا شيخ يقولون انة طرد ابن هادي والله من الخوف

قاموا يتخيلون والله ان ابن ربيعان كفوا لكن التاريخ يقول ان بطولاتة كانت ضد برقا من عتيبه ومكاتبيبة مع

المصارية اكبر دليل يابطل.

[راعي المصنه]

عز الله ونعم يالخنافر ماعليهم كلام ولاخلاف

من غير قصور في العتبان


لاهنت ياراعي المصنه

ارررررررررررررب يامتعب الهاجري
وما عليكم زود يا وجه قحطان

[ناصر بن ناشر الهاجري]

السلام عليكم

ياراع المصاغير اتركهم عنك وخلهم يكتبون على كيفهم

ابالذموم / الى الان ماتركت الكذب والتزيف ابو طبيع مايخلي طبعه

والله ثم والله ثم والله انك تعرف الحقايق والكلام الصحيح وتعرف انك مطرود من نجد وماخوذ ثوبك من ظهرك والقبايل
تهرج بالكلام هذا ومعروف

وفعلا لابن هادي شيخ القحاطين###من بطن نجد ليا حصاة اغديبه
والي يبا ينكر فعول الســلاطيـن###مصيبتن ياكـبرهـا من مـصيبـه

وقصيده مهدي بن فتنان
الجــيش فـات وردت الخـيـل من لاش@@ودرب الستيره ضيعوه القحاطيـن
من شـاف هـدة مسـلـط مااحـد هاش@@يصوطهم صوط الفهد للســراحيـن
وجـو الـدفـينـه قـاطنه كـل هــواش@@ومـزرجـات فــوق قـب شيـاهـيـن
يومان ابن هادي غزاهم باهل جاش@@واهل الجنوب وكل ن كان بالرين
جـاهـم صباح وطـمعـه كـل الاوباش@@والله نـصرهـم والـقدر فيه راضـين
هـم هــزمنا مـع صحـاري ورشـراش@@وصـكت علـينا خـيل قوم شريرين
وصاحو لنا بالمنع من عـقب الابـلاش@@ثم ا منـعـونـا وهـم ربـع مـثـارين

هذا كون معتق عندما اعتقهم مسلط ابن ربيعان
ــــــــــــــــــ

زمان مضى يوم العرب طارد ومطرود## كثير العرب ناخذ شماغه وثوبه

ماذا فعلو المقطه بابن هادي على البديعه طروده وترك الحله الورعان والحريم والبل على البديعه وهرب وفرسانه
الاد الكريزي مكرمين الخطاطير## كـم شـيـخ قـوم جـاء ولـدوه عنا
منه القليب الي حيوده نـواعـيـر## من مللك ابن هادي صار ملكه النا

والسديري يقول المقطه يخافون من الخنافر والله ونعم بالخنافر هم اطيب قحطان وهم الشجعان والى قتل شيوخ
الخنافره تراهم المقطه عينت ابن ختله والفديع وذيب وابن غنيم واخوه وذعار بن شالح عندما اصابوه ومنعوه

لاكن ماقول الي حسبي الله عليك يابالذموم 0 الي سنه وانا اتجنب المواضيع هاذي التي تثير الفتن

انا ادري انك تونس على قلبك حروق##من طردتك من فيافي نجد ماتروح هواها

والمعذره من الرجال العقال والموضوع هذا مادخلته الى عندما ذكر ابالذموم سمي وتلحقني بالكذب وانا صاد عنه

************************************************** ************************************************** ***********

يالفهاد العتيبي انت جايب قصايد وراعين منشوره في الجوال ومحاورت حبيب العازمي مع بن شايق الي هبل بشعار عتيبه ..... انا بجيب قصايد الشيوخ


************************************************** ************************************************** **********

من الابيات التي تدل على ان ابن حميد دفع الجزيه او الهدو سمها بالي تسميها

اديت انا اربع قحص والخامس التوم ****** بقعود زبن اللي بغامـا حصـل لـه


************************************************** ************************************************** ****
و من الابيات

يالله مـن يـوم يثـور غمامـة ***** يسقي من العارض ليا نقرة الشام

( بن حميد يتمنى نزول الحيا في العارض الى الشام )

نبعد عن اللي ماتحلـل عظامـة ****** عيـت تبيـدة الليالـي والايـام

( لكي يبعد عن سطوت ابن هادي له )

ليا شب له ضون بعالي العدامـه ****** قمنا بربط غالي القـش بحـزام

( اذا شب بن هادي النار ربط بن حميد قشه الغالي لدفعه لبن هادي )


زريبة والضيـط راحـو طعامـة ****** من غير ربع تعشاهم من العـام

( يدل على ان بن هادي فرض سطوته على عتيبه بمقتل زريبيط و الضيط و الاخرن الذين تعشاهم ذاك الشايب)


************************************************** ************************************************** ****
و من ابيات التي تدل على ان بن هادي حما نجد الي محد حماها من قبل

نجد خذيته بالسلف والتفافيق ******* وخيل تعاقب مثل طابور رومي

( و ما اعتقد ان بن هادي بيقولها عبث )


************************************************** ************************************************** ****

ومن الابيات التي تدل على سطوت بن هادي ابيات راكان بن حثلين يوم رد ربعه
من الهواجر يوم درا ان بن هادي جاء يبي يفزع مع بني هاجر

أهديت لك نور السلف والجهامـه ***** باغيه ذخرٍ فـي مقابيـل الايـام


************************************************** ************************************************** ***

و هذا البيت رد بن هادي على بن حميد


وان كانك برمحك باول الخيل ملحوم ***** فانـا برمحـي حامـي نجـد كلـه


************************************************** ************************************************** **

وهذي الابيات تدل على ان بن هادي غلب عتيبه و هي قالها في اخر حياته و موجهه للامام فيصل

شد العتيبي من ورا كشـــب خايف ***** ولا يحدر كـود يبـرى لـه القـود
وشد المطيري من خشوم الردايـف ***** وان سندوا وردوا حنيظل وابا الـدود


************************************************** ************************************************** *****
هذي ابيات بن حميد و هو يتوجد و واضح انه حزين


ابرج لمن هو (( وحدو به جــنوده )) ******** احد (( صلح ))واحد (( حدر يمة السيف ))

_ _ _ وحدوبه خوف من ابن هادي _ _ _
_ _ _ الي صلح (( يعني دفع جزيه )) هو امير الدعاجين الهــيــضــل_ _ _
_ _ _ و و باقي عتيبه هجو للسيف في الحجاز _ _ _


بين القهب الاشعل وطية نفــــــوده ******** (( ((..واصيح..)) للغلبـــــا بروس المشاريف ))

_ _ _ الغلبا هم سبيع _ _ _
_ _ _ القهب الاشعل من حدود قبيلة سبيع ونزل فيه تركي بن حميد _ _ _
_ _ _ و طلب منهم الفزعه على بن هادي لأن ربعه الي دفع جزيه ولي انحاش _ _ _
_ _ _ ولكن لم يفزع معه امير سبيع لان ابن هادي من خواله _ _ _
_ _ _ فأضطر بن حميد النزول في نجد و دفع الجزيه لبن هادي _ _ _

((( انا اول مره اسمع شيخ قبيله يعتزي في قبيله و هذه احدا النقاط التي تحسب ضد بن حميد و عتيبه .... طبعنا ما اعتزا في سبيع الا من الغلب الي شافه من ابن هادي و قحطان )))


************************************************** ************************************************** **

بعدين فخوذ قحطان الخنافر و غيرهم كلهم طيبه سوى عند قحطان و كلهم افعالهم تنومسنا وكلم عيال شايب

لكن الكرزان البقوم الي هم حاليا عتبان و المقطه هم اطيب عتيبه ما ذبح شيوخهم الا قحطـــان.....
علوش اخو تركي بن حميد و عبيد ولتركي بن حميد و الجذعان عيال بن هندي بن حميد و العشرين مقاطي الي ذبحهم ذيب بن شالح و خذا منهم فرس ((العزبه)) اطيب فرس في نجد يو مغزاكم على الدوسر .. .. وش تقول عنهم ذولا

بعدين لا تقول ذبحنا شيوخ الخنافر لأن شيوخهم هم ال سفران قل فرسان الخنافر

************************************************** ************************************************** ****

بعدين انا اتحداك تجيب أبيات لشيوخكم ابن حميد و لا بن ربيعان يقول فيها طردنا قحطان ولا حكمنا نجد وحميناه
كل القصايد الي تجيبها لكديميس و لا الوقداني و لا وراعين تنشرها في الجوالات

ملاحضه : ابيات ابن هادي كلها فخر و اعتزاز بربعه و فعولهم ... اما ابيات بن حميد تجد فيها التوجد
و الحزن و الكره لبن هادي ..... هذا ما نجده في ابيات بن هادي و بن حميد


************************************************** ************************************************** **

و ان عودت لديار قحطان يكفينا اننا في هضبت نجد الي هي من شمال الحصاه والقويعيه الى الحرمليه و المجمعه

اما انتم يا عتيبه في صعوس الدوادمي و عفيف الي عطاكم اياها الملك عبدالعزيز الي هي غرب نجد
ومن المعروف ان الهضبه تعريفها

( هي مكان مرتفع و مسطح يتكون من طخور و حيود و يحوفها و ديان مثل و ادي الرين و نساح و لبن )

و هذا الكلام لا ينطبق على الدوادمي و عفيف الي كلها طعوس و رمال .. و ذا بتكذبني اقرا كتاب الجغرافيا حق اخوك الصغير

************************************************** ************************************************** *********
و بعدين قحطان اول ما نزلو نجد جو في صبحا الي هي كانت لمطير و الا يومك هذا و صبحا و ضواحيها لقحطان
في و قت العماج و في و قت ابن هادي توزعت ديار قحطان الى الحصاه جنوب و الحرمليه شمال و في الوسط
القويعيه و الفويلق و الجله وفي الشرق الهياثم ( ال عاصم ) و الدلم و شمال الخرج العماجيه ووادي لبن غرب الرياض
و وادي الرين و وادي نساح و غيرها الكثير ..... فكيف تقول طردناكم ......

وبعدين شالح بن هدلان يعتبر اخر فرسان الجحادر و يوم توفى ادفنوه في جبل غرب ضرما و الرياض حول الوشم
و هذي احدا مناطق هضبه نجد ...... فكيف تقول طردناكم

و بعدين جميع المحافضات (( ضرما و القويعيه و المزاحميه )) غرب الرياض و الرياض هو عاصمه
نجد تعتبر ديار قحطان ... فكيف تقول طردناكم ... الا انكانكم في خريطتكم تعتبرون الرياض برا نجد



************************************************** ************************************************** **************

ويكفي ان اخر وقعه بين قحطان و عتيبه ( الحرمليه) انتصر فيها قحطان <<< اكبر دليل


************************************************** ************************************************** ********

و يكفي ان قحطان ما تبعو الاتراك الي تبعها قبايل نجد كلهم و اكبر دليل ان عتيبه والو الاتراك ضد قحطان قصهالوثيقه الي بين بن ربيعان و الاتراك


و لا جو تحت لواء الشريف حاكم الحجاز بل كسرو سطوه في و وقعه تين


************************************************** ************************************************** ****

ويكفي ان قحطان من جد واحد مهم احلاف مثلكم ... ابن حميد بقمي و اباالعلا شهراني و الشيابين قحاطين و الله اعلم عن دق سلككم و جله <<<< على قولت عنتـــــــــــــ نجد ــــــــــــــــــــــر



لـي لابـة ماجمعـوا بالحـلايـف **** من نسل قحطان وتعزا علـى هـود <<< انا شهد


************************************************** ************************************************** ****

ويكفي قحطان انها مذكوره من ايام عاد و ثمود اما انتم ماعرفوكم العرب الا من قبل 400 سنه وعلى يد بقمي


************************************************** ************************************************** ***


قــحــطــان ان مسو سروج خيولهم **** اهتز مصر و العراق الاسفلي


سل عن بني قحطان كيف فعالهم **** يو الجدال اذا التقا الجمعانـــي
سل عنهم عند الجدال اذا التقـــــا **** منهم ومن اضدادهم خصمانـــي
نحن الملوك بنو الملوك وراثتـــــن **** اسد الوغا سمن على العدواني


************************************************** ************************************************** ******

و في النهايه يالعتيبي
و الله لو انكم في وادي ابراد في اليمن كان قلتو ان ذاك الوادي هو نـــجــــد <<< لا تستغربون لانهم يقولون ان الرياض و القويعيه مهي في نــجــد


************************************************** ************************************************** ******

الله يخلي لنا ديارنا في الشرقيه و نــجــد و الجنوب و اليمن و الامارات و قطر ويحفض حــكــمــنــا هل العوجا


.

[خالد ابن ناصر]

السلام عليكم

راعي المصاغير & الفهاد

سالفة طردة عتيبة لقحطان انت فاهمها غلط ولا الومك

لانك قاريها في كتاب صاحبه مالحق على ذي المعركة اصلا

ونقلها على لسان شيخ من عتيبه وتعرفه يمكن

اللي هو الراوي/ابن بليهد

واغلب رواياته من عتيبه....يحصل من الكرم....ويسجل من اللي يحصل من بعد المعركة

يجي الشيخ من المعركة مهزوم وينشده الراوي وش صار؟؟؟ فيقوله العكس........

ولا الومه في ذا الطبيعة لانها وراثة فيكم......

يكفي طاش ما طاش & وبيني بينك ........ماخلتكم

والقصة اصلا يوم جاء الاتراك ومعهم ابن حميد واصلين لنجد

علم ابن هادي وامر الجحادر بالرجوع الى جنوب نجد...لذكائه الله يرحمه وحنكته في الحرب

وكان يستعد من جمع بعض فخوذ قحطان لمجابهة الاتراك ومن معه من قبائل الحجاز

بينما عندما وصل ابن حميد ولم يجد احد في وسط نجد ارسل رسول الى تركيا ليبلغه بانه استولى

على بعض مناطق نجد من الشمال الى الوسط (بدون ضرب سلاح)؟؟؟؟؟؟

الله يرحم ابن حميد كان صدوق....مير اكذبو على راحتكم

ومن هنا اعتمد راويكم/ابن بليهد على انه طردة على لسان شيخ من شيوخ عتيبة

الا ان رجع ابن هادي وهزم الاتراك ومن معه

والرسالة ابشرك موجودة في مكتبة اسطنبول واللي بحث عنها منكم وفيكم

راوي عتيبة حاليا/ابن حمرا-شاهدله ابن حميد و ابن اربيعان

بأمر من الامير/سلمان بن عبدالعزيز

وعنده نسخة وبيصدر له كتاب راح اتشوفه بعد ما يسمح له بالنشر

وفيه تعديلات عما سبق وبعض المفاهيم المهمة

ما غير خوفي عليك لاشفت الكتاب تجيك صرعة انت وغيرك...حاول ان تتقبلها بصدر وسيع

واسف على التأخير في الرد...وذلك لانشغالي عن النت

[الهاجري القحطاني]

كـــــــفو والله ان علومكم تنووووومس يالجحادر ..

لاهنتو على المواضيع

[مقبل السحيمي]

والله ونعم فيك وفي خيالة البلها صبيان ابن دراج

لا هنت على العلم اللي ينومس كل قحطاني يا دروع قحطان

بيض الله وجهك وتقبل المرور

[راعي المصنه]

لاهنت ياراعي المصنة وتسلم يمينك على هاالسالفة

ارررررررحب يا حسن
ومن قال ما هان
وشكرا على المرور

[راعي المصنه]

الاخ مرعي ابن دواس

بيض الله وجهك ولا هنت

[سعيد آل ناجع]

لا هنت وبارك الله فيك

[سعد عبدالله العلياني]

والله ونعم فيك وفي خيالة البلها صبيان ابن دراج

لا هنت على العلم اللي ينومس كل قحطاني يا دروع قحطان

بيض الله وجهك وتقبل المرور

اخوك ولد عاصي الشعراء العليلني

[عبد الله أبابطين]

الله يرحمهم جميعن