ياطير انا ليلي

[الطوفان]

السلام عليكم ورحمة الله وبركاته

قصيدة وجهتها الى صاحب لي في المنتديات وهو طير حوران





لعنبو حظ مابعد تعدل ولا يوم = كل ماجيت اعدله ياطير مالي

وردت لي عد عليه الطيور تحوم = كل يبي شرب القراح الزلالي

ودليت دلوي غصب على الرخوم = وشربت انا من العد ماتهيالي

غصب خذيته على شلة البوم = خذيته واناطوفان كريم السبالي

ودشيت بحر الهوى وانا اجهل العوم = وغدابي انا ياطير موجه العالي

وانا سبب بلواي ياطير امس واليوم = غرو صغير السن توه برى حالي

حالي حلا شكله بالبشر معدوم = كامل الحسن والزين ولله الكمالي

دلوع على اسمه كدر علي النوم = كل مابغيت النوم قال ياهم لالي

وذلني بحبه وانا من كبار القوم = وطوعني غصب وانا صعب المنالي

ياطير انا ليلي غدا هواجيس وحلوم = ياعزتي انا لحالي من هوى بالي

ياطير احبه ولا اقبل عليه السوم = ولأجل عيونه اسوق حالي ومالي

وادمح انا ياطير زلته لو علي لوم = لا ولا اسمع فيه ابد هرج عذالي

اتخيله انا قدام عيني على الدوم = ويفز انا قلبي كل ماجاله مجالي

[عبدالله بن مدعث الفهري]

صح لسانك ، ولا هنت على هذه الرائعة .

[الطوفان]

هلا اخوي اخو فهد والرائع هو مرورك

يالغالي

والله لايهينك طال عمرك

تحياتي لك