علي بن مسفرالحبابي
30-10-2007, 10:43 PM
خــــالـــــد الــحــصــيـــن
بدايتها هلا يا مرحبا باسمـي واسـم قحطـان = وانا شاعر وشعري ما ذخرته عن بنـي عمـي
لو ان الله عطاني ما عطـى الشعـار فالميـدان = لقيت اكثر شواعير الجزيره من تحـت كمـي!
ســــعـــــد الـقــحــطــانــي
يدوم بك البقا ياشاعـر شمْـر عـن الذرعـان = وانـا لاوحيتـه يرحـب آحمـد الله وآسـمـي
عساها خيرةٍ والخيـره بمـا اختـاره الرحمـن = مادامك ياولد عمـي رفيـق ولا انتـه بهمْـي
خــــالـــــد الــحــصــيـــن
تحب التين والزيتون .. والا الخـوخ والرمـان = انا بعطيك لو ان لقمتـي .. قدهـي ورا فمّـي
معاك بعيـر لكـن المزايـن يـا سعـد لا زان = تبا تنسى حليب امك .. قبل لا انسى حليب امي!
ســــعـــــد الـقــحــطــانــي
آحب إن شفت لي مصدوع آساويها على الحجان= علـى شـان يتريـح لايفـوْر دمْـه ودمْــي
تشوف بعيري وربي خذا عقلـك مـن النيبـان = لك الله في المداحم ماتداحمنـي علـى الجمْـي
خــــالـــــد الــحــصــيـــن
الا ياطول خشمك لا تدلا ً .. عند خشـم العـان = تماريبه ليا من جيـت عنـد البكـم والصمّـي
بعيرك فالثمامـه صايـرٍ .. ملعابـة الورعـان = لكن اخذه ودرهم به بعيـد .. ولا تجـي يمّـي!
ســــعـــــد الـقــحــطــانــي
تقوله وانت ابو خشم كلاه الوقت فـي دسمـان = وذلحينه مايمـدي لـو تجـي فـازع ومتحمْـي
لزومٍ تشكرالله .. لو طغيت تموت يـا فسقـان = لوإني قلت لك كلمه .. ترى الاهون لك السمْـي
خــــالـــــد الــحــصــيـــن
انا لي مخلبٍ دامي .. ولي ريشٍ ولـي جنحـان = تكفيني جناحينـي عـن اهـل المـدح والذمّـي
لكن مش الدموع الذارفه يا نمـر بـن عـدوان = عسى حظك يقـوم ويرتفـع والشمـل يلتمّـي!
ســــعـــــد الـقــحــطــانــي
جناحينك زمـان العـام حلْقهـا شبـا شامـان = ولعنت ابليس واللي حاصلٍ لـك ماهـو بغمْـي
ترانا صف واحد وإن وقفنـا نكحـل الاعيـان = خذينا الاوله واللـي يحصْـل سورنـا .. لمْـي
خــــالـــــد الــحــصــيـــن
زمان العام وانته ملتوي في غار ابـو وضبـان = لو اني خابرٍ ما انت بتعـرف العلـم وتضمّـي
ليا ثارت عجاجتها .. ورد الشان .. ماشن زان = اجي وآطا على النـار ومولعهـا .. ولا سمّـي!
ســــعـــــد الـقــحــطــانــي
وش اللي صاب خالد ما خبرته طير بن برمان ؟= لعل الوبل مـا همْـل لعـل السيـل مـا دمْـي
لاتقـرب للبـلا خلـك هنـاك إمبـدْع وفنـان = ترى لك خِبـةٍ فيهـا النفَـل والرِِبـل مِتنَمْـي
خــــالـــــد الــحــصــيـــن
ترا ما فالمعارك يا سعد هيئـة حقـوق انسـان = جرحتك جرح لكن .. لف جرحك قبـل يشتمّـي
شويش شويش لا تفتر ثم تصفق على اللحيـان = آقول احفظ رصاصك لا تجي فالحفـل وترمّـي!
ســـــــعد القحطاني
يوم إني خِفت ربي لا تحسب إنك كذا صنيان=لكنْي خايفٍ مِن مَن يِحَفْظ الحق للجِمْي
وانا قد قلت لك لاتستو الحبه على النيشان=وآظنك عارفٍ من يمنا ماجا الرمي زمْي
بدايتها هلا يا مرحبا باسمـي واسـم قحطـان = وانا شاعر وشعري ما ذخرته عن بنـي عمـي
لو ان الله عطاني ما عطـى الشعـار فالميـدان = لقيت اكثر شواعير الجزيره من تحـت كمـي!
ســــعـــــد الـقــحــطــانــي
يدوم بك البقا ياشاعـر شمْـر عـن الذرعـان = وانـا لاوحيتـه يرحـب آحمـد الله وآسـمـي
عساها خيرةٍ والخيـره بمـا اختـاره الرحمـن = مادامك ياولد عمـي رفيـق ولا انتـه بهمْـي
خــــالـــــد الــحــصــيـــن
تحب التين والزيتون .. والا الخـوخ والرمـان = انا بعطيك لو ان لقمتـي .. قدهـي ورا فمّـي
معاك بعيـر لكـن المزايـن يـا سعـد لا زان = تبا تنسى حليب امك .. قبل لا انسى حليب امي!
ســــعـــــد الـقــحــطــانــي
آحب إن شفت لي مصدوع آساويها على الحجان= علـى شـان يتريـح لايفـوْر دمْـه ودمْــي
تشوف بعيري وربي خذا عقلـك مـن النيبـان = لك الله في المداحم ماتداحمنـي علـى الجمْـي
خــــالـــــد الــحــصــيـــن
الا ياطول خشمك لا تدلا ً .. عند خشـم العـان = تماريبه ليا من جيـت عنـد البكـم والصمّـي
بعيرك فالثمامـه صايـرٍ .. ملعابـة الورعـان = لكن اخذه ودرهم به بعيـد .. ولا تجـي يمّـي!
ســــعـــــد الـقــحــطــانــي
تقوله وانت ابو خشم كلاه الوقت فـي دسمـان = وذلحينه مايمـدي لـو تجـي فـازع ومتحمْـي
لزومٍ تشكرالله .. لو طغيت تموت يـا فسقـان = لوإني قلت لك كلمه .. ترى الاهون لك السمْـي
خــــالـــــد الــحــصــيـــن
انا لي مخلبٍ دامي .. ولي ريشٍ ولـي جنحـان = تكفيني جناحينـي عـن اهـل المـدح والذمّـي
لكن مش الدموع الذارفه يا نمـر بـن عـدوان = عسى حظك يقـوم ويرتفـع والشمـل يلتمّـي!
ســــعـــــد الـقــحــطــانــي
جناحينك زمـان العـام حلْقهـا شبـا شامـان = ولعنت ابليس واللي حاصلٍ لـك ماهـو بغمْـي
ترانا صف واحد وإن وقفنـا نكحـل الاعيـان = خذينا الاوله واللـي يحصْـل سورنـا .. لمْـي
خــــالـــــد الــحــصــيـــن
زمان العام وانته ملتوي في غار ابـو وضبـان = لو اني خابرٍ ما انت بتعـرف العلـم وتضمّـي
ليا ثارت عجاجتها .. ورد الشان .. ماشن زان = اجي وآطا على النـار ومولعهـا .. ولا سمّـي!
ســــعـــــد الـقــحــطــانــي
وش اللي صاب خالد ما خبرته طير بن برمان ؟= لعل الوبل مـا همْـل لعـل السيـل مـا دمْـي
لاتقـرب للبـلا خلـك هنـاك إمبـدْع وفنـان = ترى لك خِبـةٍ فيهـا النفَـل والرِِبـل مِتنَمْـي
خــــالـــــد الــحــصــيـــن
ترا ما فالمعارك يا سعد هيئـة حقـوق انسـان = جرحتك جرح لكن .. لف جرحك قبـل يشتمّـي
شويش شويش لا تفتر ثم تصفق على اللحيـان = آقول احفظ رصاصك لا تجي فالحفـل وترمّـي!
ســـــــعد القحطاني
يوم إني خِفت ربي لا تحسب إنك كذا صنيان=لكنْي خايفٍ مِن مَن يِحَفْظ الحق للجِمْي
وانا قد قلت لك لاتستو الحبه على النيشان=وآظنك عارفٍ من يمنا ماجا الرمي زمْي