المساعد الشخصي الرقمي

مشاهدة النسخة كاملة : الزهــيري @hotmail


محمد أبوعزيزة الزهيري
29-10-2007, 10:58 PM
]أنا ربتني الدنيا على جزل العطا والجـــــود
ونفسي للوفا وفعل الخير جزامه
وأعارض منهج الهابط وأوافق للصعود صعود
وأسير نفسي بعقلي مدام النفس هدامه
ولاتثر بي البسمه ولاكـــحل العيــون الســـود
ولايقوى على قلبي صغير الحسد وأجسامه
أرد الجود بــأمثاله وأقــــابل بالجحود جحود
وترى لاخير في رجل يؤطي للردي هامه
وعندي مع أهــل العليا مــواثيق وثلاث عهود
أوفي له مطاليبه وأوده وأرفع أعلامه
أعايش مركب الدنيا على متن القـــدر مــولـود
أبعرف هو صحيح إن القدر بالناس دوامه
ومن وين الــزمن مقبل وإلـى وين الليال تقـود
ومن في هالزمان يقدر يوجه خطوة أقدامه
ومن له بالزمن غــاية ومن عنده هــدف مـنشود
ومن منا قدر يعرف خفايا مقبل أيامه
عرفت إن الشقا باقي عرفت إن الحسد موجود
عرفت إن القدر يفرض علينا بأسوا أحكامه
لقينا من العرب حاسد وشفنا بالــعرب محـسود
وبه من الناس لنا ضامت وبه بالناس منظامه
وينقص بعضنا صداقه وينقصنا وفــاء ووعــود
مدام الحسد باقي وبعض الناس نمامه
لا ترتجي بها الدنيا من ربــوعك يجـيك أسـنود
ولا تشره على رجل عيونه خانت أقدامه
وأنا أقابل الخطوه بخطوه وجازي بالصدود صدود
تكفى تناسى غلطه الصاحب عليك بلحظه أخصامه
ولاتخطي ترى للصبر الحليم اليا سلاك حدود وحدود
تروى وإعرف بضرب الحديد تفكك لحامه
وتجنب كسرة الخاطر ولــو حـبل الــزعل مــشــدود
تراك بكسرة الخاطر حكمت على القلب بعدامه
ولاتـــزعل على رجـــل بـــذل لك ولـــرضاك جــهود
و لا تأمن من الحاسد رضاه ورفعه إبهامه
نبي نصبر على الدنيـــا قــلوب بـــالحياة زهـــــود
مدام إن البخت يصد يوفق رمعه إسهامه
أنـــا ما قلتها راجـــي ولا أطـلب بـــعدها مـــردود
ولكن الفتى وده يحقق جملة أحلامه
ويمشــي لآخـــر الدنيــا ولـــو كل الأنــام أقــعود
وعن وجه الزمن بكشف حقيقة وأرفع الثامه
صحيح إني صغير الــسن ولـــكن قــدها وقــــدود
وأنا عندي مع الدنيا مواقف ترفع الهامه
طموحي يملى الـــعالم ولابـــه للطــمـــوح قــيـــود
مدام إن الأمل طبعي عرين وصرت ضرغامه
خــلقنـا الله من تــراب ولأحضــان التــــراب نـــعــود
تحت رمل الثرى نبقى تغطي جسمنا خامه
سلـــفنا مــالحــقـناهم تــحت قـــاع التــراب رقــود
ولايبقى من الميت سوى ذكراه برحمه
ولو طــال العــمر فــاني وتـرى عمر الفتى محدود
وكل يطلب المولى يبيحه ويحسن ختامه
وكــل يمشي بدربه حتى ولو درى إن دربه مسدود
لين كل البشر تعرفه وتلعنه بإبهامه
وأنـا بـلغـــت بــلســاني وربــي والأنــام شهـــود
وصحف البينه جفت ورفعت أقلامه
alzhery2008@hotmail.com

أبو عساف
30-10-2007, 02:18 AM
صح لسانك وعلا شانك وإلى الأمام

بدايه موفقه نتمنى لك التوفيق والسداد

أبو عساف

مقبل السحيمي
30-10-2007, 12:46 PM
جزاك الله خير

وموفق إن شاءالله

صالح السنحاني
30-10-2007, 01:14 PM
بسم الله الرحمن الرحيم
السلام عليكم ورحمة الله وبركاته



واااافي يبو عزيزة



والى الاماااام


تشكرااااتي