فلاح القرقاح وحبيب العازمي // محاوره ( جميله &

[نايف راكان]

محاوره قويه جدا في معانيها بين الشاعر فلاح القرقاح والشاعر حبيب العازمي






حبيب
الا يا مرحبا وان كان الي شرهه على القرقاح
يابا يشتا لها ولا على قحــــــــــطان اعديها
علامــه صك بــابه واغلق الكيـــلون بالمفتاح
وسوى له ســـواةٍٍ ما توقــــــعته يسويها


القرقاح

يدوم بك اليقا والحق تبشربه وانــــــــــا مرتاح
لا تحرص يا حبيب والقـــــــــــضيه عند قاضيها
ما حبيت اخلي اكبار الكراسي والحياه اكفاح
اخبر اهل الكراســــــــــي ما تحب الا كراسيها


حبيب

صبرنا لين راح العــيد واسبوع المعايد راح
وشفنا اصحابنا تلبس وتضحك والبلاء فيها
يقود الطايره كبتن معه خمسة عشر مـلاح
ورجل ما يوال النار من حقه يطفـــــــــيها



القرقاح

تمرون العرب مثل الحيا وعيونكم طفاح
وملبوس الجميل ابرك من الدنيا وما فيها
تقولون الذيابه ما تحب الراعي المصلاح
وانا اقول الرعيه ما حفضها غير راعيها


حبيب

كرامٍ فالمــــرور وفالحضور بلا وجوب اشحاح
لكــــنك لا تكّحـــلها يابن ريـــفه وتعمـــــــيها
ولا يابدو يا اللي تتــــــــبعون البارق الي لاح
مساكم في الحصاه وفي الشعيب اللي تواليها



القرقاح

لا والله غير بعض الناس لا كوع على الطــــراح
نسى الناس ونسى حتى الصلاه اللي يصليها
انا عند الحصاه اللي زوايها تقـــــــول ارماح
ولا ادري كيف اقرب حولـــــها الي ما يدانيها

وسلامتكم

[محمد القويفل]

نايف راكان

لاهنت وجمل الله حالك على المحاورة اللي تجمع عملاقين من عمالقة المحاورة والمحاورة اطول من كذا انا حضرت المحاورة وكانت في دسمان .

[مرعي بن دواس الحبابي]

الاخ ابو راكان


الله يبيض وجهك وياليتك تجيب البقيه

اخوك

[ناصر مسفر ال حمد السنحاني]

محاورة جميله

ومعانيها غزيره

تسلم يابن راكان

[فارس عبيده]

الله لا يهينك على النقل

بس المحاوره ناقصه

بيتين لحبيب وبيت لفلاح

[ناصر السنحاني]

بسم الله الرحمن الرحيم
السلام عليكم ورحمة الله وبركاته



اخوي أبو راااكان




ولا هنت يالغاااااااااااااااااااااااالي



وننتظر مـــــــــــــــــزيــــــــــدك

اخوووووووووووك



ناااااااصر السنحاااااااااااااااااااااااااااااااااااااااا اني