قصيدة رائعة للشاعر حامد بن مايقه الحبابي

[فهد حمد الحبابي]

اخواني اعضاء ومشرفين شبكة قحطان الاعزاء

مما قال حامد بن علي الحبابي: يقصد بها الوجيه المرحوم سعد بن محمد الحبابي من

اهل الرياض المرحوم من الرجال البارزين في المجتمع لحيث انه يفك الرقاب

بحلاله وجاهه وقد اهدى للشاعر اثني عشر من الابل المجاهيم وهي ليست من اكبر

المكارم للمرحوم ..



لاهنـــت ياللي مدني بالمجـــــاهيــــم ... مـــدة كريـــم مايــدور خلفهــــا

هداج تيما طيـــب الذكــــر والخيــــم ... كم مدة من حر مالــه صرفهـــــا

اقطع من الصمصام واكرم من الديـم ... والعرف مابه حجـــة ماعرفهــــا

عوق الخصيم ان جاه من حده الظيـم ... شال الحمول اللي عليه ونسفــهـا

يابو محمد صاحب الجيــم والميـــــم ... واليـا ولام مايفوتـــــــك هـدفهـــا

يالشهم يالضرغام يابن الصواريــــم ... من هضبة يصعب مراقي طرفها

حلال صعبات العقود المبـــــاهيــــم ... الى جات من ناس كثيـر عجفـــها

ذخر اللزيم وشوق من كنها الريــــم ... بنت العديم اللي بصدره عسفهــــا

يارجل انا ماقلتهــــــــا بالتواهيــــــم ... بالعين من شاف المراجل وصفها

كـــم جــــــوك ربع ساقهم قلت الغيم ... من ديرة عجفا كثير صلفهـــــــــا

ياما خصوك اهل اليدين المعاديـــــم ... وفكيت منها يالحبابي كلفهـــــــــا

هالله قسم لارزاق والجـــود تقسيـــم ... والله عطاك امن المفاخر شرفهــا

يالضفر يانســـل القروم الشغاميــــم ... من لابة يلجا الضعيف بكنفهــــــا

يالشهم بابن العم يالسبـــــــع يالييـــم ... يفداك ناس تتقي في طوفهـــــــــا

يفدونك اصحاب القلوب المواريــــم ... ثقال النفوس اللي تزايد ترفهــــــا

ناس عن افعال المواجيب كالنيــــــم ... وبالحيل تيار الحضارة جرفهـــــا

هذا وانا جربت من غيــــــــر تعليم ... في ذا السنين اللي قليل نصفهــــــا

ياما بها عضيت اطراف الاباهــــيم ... قومي يابو تركي مصايب صدفهـا

واليوم بذوني كبــــــــار البلاعيــــم ... اللي مشاربهم كثــــــــــير ذعفهــا

نطالة الكلمـــــة على غير تقديــــــم ... والنذل لى سمع الرديـــه لقفهــــــا

واسلم ودم وختام ماقـــــول تسليـــم ... من خاطر غيب الضماير كشفهــا

وصلو على محيي ديانـــــة ابراهيم ... المرسل اللي سنتة ما حرفهــــــــا



وهذه صورة المرحوم سعد اخذتها من ديوان الشاعر..

http://www.9m.com/upload/27-10-2007/0.7779901193487743.gif


رحم الله سعد وابقى القراء الكرام..


ولكم كل التحيه

اخوكم

فهد حمد الحبابي

[العبدي]

بيّض الله وجهك .. يا بو حمد ..

ورحم الله الشيخ \ سعد الحبابي .. شخصيّة معروفة بالكرم والصلح بين القبائل ..

وصح لسان ابن مايقة ..



تحيّاتي ..

[ابراهيم آل بي حبيب الرفيدي]

ابيض وجه يا ابو حمد

صح الله لسان القايل والناقل

ورحمة الله على سعد بن محمد الحبابي

دائما تتحفنا بالروائع

[فلاح آل راكان]

لاهنت يابو حمد

وصح الله السان ابن مايقه

والله يرحم الميت

[سعد بن مناحي بن شفلوت]

سلمت يمناك يافهد

وابيض وجه

تقبل تحياتي