عبدالله بن علي بن دماث
26-10-2007, 06:55 PM
السلام عليكم
اتشرف بأن أقدم بين ايديكم مشاركه سموها ان شئتم خاطره او نبض مشاعر او نصيحه
المهم اني تبطنت حروفها واحاسيسها ومدلولاتها فآمنا ببعض , فان اصبت فالحمدلله وا لا فأستغفر الله
أمسى الجفن فقران من لذة النوم=فقير يشحذ من منامه (ا)نعاسه
وانا معه من جنب لا جنب واقوم=كني وجفني طارشين(ن) (ا)عساسه
حتى اصبح امر النوم لي شبه معدوم=حط السهر بيني وبينه (ا)حراسه
لاعادت الشكوىولو كان من قوم=زادت على الراس المشيب عماسه
شكوى(ن) تخليني من الديره اشوم=وابعد عن الدار وهمومه وناسه
من جاري اللي له مكانه ومحشوم=لصيق بيت وساسي (ا)بجنب ساسه
جاني يبي يشكي وعبراته (ا)تحوم=لين انقزت من محجره تقل ماسه
قلت احتزم بي نضرب الكوم بالكوم=وعند الولي غيث الفرج وانحباسه
مانيب مرتاح(ن) وجاري به (ا)هموم=ولانيب جالس لا قزا من (ا)جلاسه
انجيبها بسلوم كان ان بها اسلوم= ولا(ا)عكام ان ما انتهت بالسياسه
قال البلا ان العلم بشناقه اعلوم= باقي الحوار ولا ظهر غير راسه
اصبحت انا من بعضي اليوم مغموم=اصفق بكفين التعب والفلاسه
انا من جفيا الولد حيل مضيوم=جفوى العقوق الي تجرعت كاسه
جنيت صفعة خيبة اّمال وحلوم=يالله دخيلك من حصاد النحاسه
ما اجر ونة خافقي غير من لوم= نفسي على ابني من مصير التعاسه
لا جا نهار(ن) فيه معطى ومحروم=واستيق حافي عاري من لباسه
ماينفع الي مااحسن لوالده صوم=يا كبر هول الذنب ياعظم باسه
ماودي ابوح الشكاوي (ا)وملزوم=قلبي (ا)يفضفض لاتعدا قياسه
اقفا وخلا في يدي الشوك مدقوم=تحضن (ا)كمومه مدمعه بانتكاسه
مافيه بعد الانبياء شخص معصوم=بس العقوق اثم وجحود وخساسه
من عقب هالموقف جحد جفني النوم=خلاه يشخذ من منامه نعاسه
وسلامتكم
اتشرف بأن أقدم بين ايديكم مشاركه سموها ان شئتم خاطره او نبض مشاعر او نصيحه
المهم اني تبطنت حروفها واحاسيسها ومدلولاتها فآمنا ببعض , فان اصبت فالحمدلله وا لا فأستغفر الله
أمسى الجفن فقران من لذة النوم=فقير يشحذ من منامه (ا)نعاسه
وانا معه من جنب لا جنب واقوم=كني وجفني طارشين(ن) (ا)عساسه
حتى اصبح امر النوم لي شبه معدوم=حط السهر بيني وبينه (ا)حراسه
لاعادت الشكوىولو كان من قوم=زادت على الراس المشيب عماسه
شكوى(ن) تخليني من الديره اشوم=وابعد عن الدار وهمومه وناسه
من جاري اللي له مكانه ومحشوم=لصيق بيت وساسي (ا)بجنب ساسه
جاني يبي يشكي وعبراته (ا)تحوم=لين انقزت من محجره تقل ماسه
قلت احتزم بي نضرب الكوم بالكوم=وعند الولي غيث الفرج وانحباسه
مانيب مرتاح(ن) وجاري به (ا)هموم=ولانيب جالس لا قزا من (ا)جلاسه
انجيبها بسلوم كان ان بها اسلوم= ولا(ا)عكام ان ما انتهت بالسياسه
قال البلا ان العلم بشناقه اعلوم= باقي الحوار ولا ظهر غير راسه
اصبحت انا من بعضي اليوم مغموم=اصفق بكفين التعب والفلاسه
انا من جفيا الولد حيل مضيوم=جفوى العقوق الي تجرعت كاسه
جنيت صفعة خيبة اّمال وحلوم=يالله دخيلك من حصاد النحاسه
ما اجر ونة خافقي غير من لوم= نفسي على ابني من مصير التعاسه
لا جا نهار(ن) فيه معطى ومحروم=واستيق حافي عاري من لباسه
ماينفع الي مااحسن لوالده صوم=يا كبر هول الذنب ياعظم باسه
ماودي ابوح الشكاوي (ا)وملزوم=قلبي (ا)يفضفض لاتعدا قياسه
اقفا وخلا في يدي الشوك مدقوم=تحضن (ا)كمومه مدمعه بانتكاسه
مافيه بعد الانبياء شخص معصوم=بس العقوق اثم وجحود وخساسه
من عقب هالموقف جحد جفني النوم=خلاه يشخذ من منامه نعاسه
وسلامتكم