واعنا قلب ٍ من الوقت عيّا لايطيب

[سعد بن مناحي بن شفلوت]

تحيه للجميع

قصيده متواضعه

اتمنى ان تحوز على رضاكم


‘‘ ‘‘ ‘‘ ‘‘




واعنا قلب ٍ من الوقـت عيّـا لايطيـب=الضـروف أحتدتـه والهمـوم أحتلّتـه

بين راس ٍ مايسلّـم وحـظ ٍ مايصيـب=ياكثـر ماعـزّرت بالضميـر وملّتـه

اشهد انها شيّبت بي قبل وقـت المشيـب=غلطة ٍ هـزّت ضلوعـي وقلبـي تلّتـه

وأتظاهر بالسلامه وأنا قلبـي صويـب=وأجتهد في مسح دمـع ٍ عيونـي هلّتـه

وكل جرح ٍ للدوى يمكن انّـه يستجيـب=البلا فـي الوقـت عيّـت تـداوا علّتـه

وأن نويت أجحد وأكابر ياذاك أني طبيب=أستجـد الجـرح والوقـت غيّـر ملّتـه

مابقى للصبر طاقه ولا للطيـب طيـب=والسكوت أصبح وجـوده يشابـه قلّتـه

وش يفيد الصمت والصد مايرضي قريب=شَلّتـه سـود المشـاريـه والاّ خَلّـتـه

جعل ظني في قلال البصايـر مايخيـب=عالـم ٍ لاشافـت الطيـن زادت بلّـتـه

ودمت لي ياهاجس ٍ لازهمتـه مايغيـب=من هجوس ٍ لانـوت بالقصيـد أندلّتـه

خابرك لاصرّم العلم والموقف صعيـب=تنثني في شـف قلبـي وتحمـى حِلّتـه

اعسف مهار المثايل وجيب اللي تجيـب=من خفوق ٍ جاد هيضـه وفاحـت دلّتـه

وأخذ من جزل السوالف موفية الطليـب=مضرَب ٍ يمكَن صوابـه وتفـرا سلّتـه

لين يقنع ضامي الكبد مقطوع النصيـب=قبـل لايـزداد جـوره وتكبـر زلّتـه

ماعلى من واجه الناس بالحق المصيـب=خاتمة من واجه الحـق !! بانـت ذَلّتـه

ومن جعل نفسه مابين الاشاره واللبيـب=ايهبا لاأدرى خمالـه ولا أرفـى خِلّتـه


‘‘ ‘‘ ‘‘ ‘‘



وسلامتكم

[معيض بن صميع]

مابقى للصبر طاقه ولا للطيـب طيـب
والسكوت أصبح وجـوده يشابـه قلّتـه

وش يفيد الصمت والصد مايرضي قريب
شَلّتـه سـود المشاريـه والاّ خَلّـتـه

جعل ظني في قلال البصايـر مايخيـب
عالـم ٍ لاشافـت الطيـن زادت بلّتـه





شـــــــــــــــــــــاعرنا القدير





صح لسانك وبيض الله وجهك




قصيدة .. تسكن الوجدان وترضي غرور الذائقة .. بكل ماتحتويه من معاني وقيم ومعاناة ..




دمت بهذه الروعة وبهذا الشموخ شاعرنا القدير سعد بن مناحي بن شفلوت ..




تقبل تحياتي وتقديري

[سعد القحطاني]

ارحب يابو مناحي

سلمت ودمت

وصح لسانك وبيض الله وجهك

انت تعرف رأيي فيك وفي قصائدك

ولا اقول الا لاعدمناك

ولاهنت ،،،


.

[ابوفهيدالعاطفي]

بسم الله الرحمن الرحيم
السلام عليكم ورحمة الله وبركاته

صح لسانك وعلاشانك والله لايهينك وبيض الله وجهك

[عبدالله المهداني]

ارررررررحب يابو مناااااحي تراااااحيب الحيا


صح والله لسااااانك على هذا الشاااامخة


مروري لسلااااااام والارتوااااااا


تحياتي

[عبدالله بن عايض الفهري]

ومن جعل نفسه مابين الاشاره واللبيـب = ايهبا لاأدرى خمالـه ولا أرفـى خِلّتـه

إي والله ايهبا وانت واكرام اللحى ما تهبون .


ارحب

يا ابو مناحي عدد سكان الصين

صح لسانك وبيض الله وجهك

( كل ما أجدبت أرض الإبداع بعثك الله لتبلل كبدها )

تقبل المرور المتواضع لـ أخوك

[معيض بن دشن]

ابو مناحي بيض الله وجهك وصح لسانك وشهادتي فيك مجروحه شاعر جزل ووافي لا عدمتك ،،،

[العبدي]

صح الله لسانك .. يا بو مناحي ..

ولاهنت على هذي القصيدة ..

شاعرنا القدير ..

تقبّل مروري ..


تحيّاتي ..

[عبدالله بن علي بن دماث]

السلام عليكم ورحمة الله وبركاته

صح لساااااانك وسلامت قلبك


سجل مروري

[رائد نملان الحبابي]

صح الله السانك

وعلا من شانك

ومن الشر صانك

لك من محبك زود المحبه والغلا ..

[حمود الحصّين]

[center]

ماعلى من واجه الناس بالحق المصيـب@@خاتمة من واجه الحـق !! بانـت ذَلّتـه

ومن جعل نفسه مابين الاشاره واللبيـب@@ايهبا لاأدرى خمالـه ولا أرفـى خِلّتـه

[/poem]



السلام عليكم



يامرحبا يابو مناحي



والله انك مبدع


ومن مبطي وانت مبدع



قصيده جزله من جزل بقوله وبفعله



تقبل مرور اخوك: حمود بن فيصل الحصيّن

[سعد بن عدال]

أبو مناحي


صح لسانك وبيض الله وجهك


قصيدك يطربني بدون شك



دائماً تضعها في الصميم



تقبل تحياتي

[عبدالله بن غفره]

يالبا والله قلبك يابو مناحي


قصيد جزل وحضور قوي


ولاهنت وصح الله لسانك ملالالالالاين



تحيتي يالغالي

[بن دشن العايذي]

أرررررررررحب يابو مناحي

قصيدة جزله من شاعر جزل

مدد ماهو بعدد

لاهنت وبيض الله وجهك

[محمد الحركان]

أرحب يابو مناحي والمعذرة ع التأخير كنت

على كف عفريت من بعد العيد وتوني اخش الموقع اليوم

وصح لسانك ولاهنت

[مشاري بن نملان الحبابي]

بسم الله الرحمن الرحيم


السلام عليكم ورحمة الله وبركاته

صح الله لسانك .. يا بو مناحي ..

ولاهنت على هذي القصيدة ..


تقبّل مروري ..


تحيّاتي ..

[سعد بن مناحي بن شفلوت]

ارحب يامعيض


ياهلاوغلا


مرورك بحد ذاته شرف


سلمت يالغالي

[سعد بن مناحي بن شفلوت]

ارحب ياسمي


شرفني مرورك الكريم


لا اخلا ولا اعدم

[سعد بن مناحي بن شفلوت]

ابوفهيد العاطفي

ارحب

تسلم ولاهنت على المرورك

لاعدمتك

[ابن خضير]

بسم الله الرحمن الرحيم
السلام عليكم ورحمة الله وبركاته


ارررررررررررررررررررررررررررررحب

وصح لسانك وبيض الله وجهك

[ابوحصة العجرشي]

السلام عليكم ورحمة الله وبركاته

ارررررررررررررررررررحب ترااااااااااااحيب ما تهله عقربية

صح للسانك على ماقدمت ,,,,, وتسلم يابومناحي لاعدمناك.....


اغلى تحية لك يابومناحي......................................... .................................................. .........................................

[عوض بن شفلوت المناديه]

سعد



صح الله لسانك



قلت وابدعت



وافيه يا الوافي


تحياتي

[سعيد مسعود العماني]

صح لسانك ياشاعرنا وبيض الله وجهك على هذه الرائعة

[مبارك بن حاضر]

ارحب يابو مناحي

صح لسانك و علا شانك

قصيدة كايفه

و القافية اعجبتني :)


لاهنت يابو مناحي

[الوهابى]

صح لسانك وعلا شانك

[بحر]

ماعلى من واجه الناس بالحق المصيـب=خاتمة من واجه الحق !! بانـت ذَلّتـه

ومن جعل نفسه مابين الاشاره واللبيـب=ايهبا لاأدرى خمالـه ولا أرفـى خِلّتـه


( صحيح الشعر )

صح الله لسانك يابومناحي

ولاهنت على هالشامخه المفيده

جزاله غير مستغربه يالقرم

لاهنت وتقبل تحيات مودك بحر

[فارس قحطان]

السلام عليكم ورحمة الله وبركاته


ارحب يابومناحي



وصح الله لسانك



قصيده جزله ولاهي غريبه عليك



.

[مهدي بن مسفر الحبابي]

أخوي سعد بن مناحي بن شفلوت

صح لسانك واعتلا شانك وبيض الله وجهك

رايعه ووافيه من راس وافي

لك فاائق احترامي وتقديري

[زيد الشثري]

صح لسانك وعلاشانك والله لايهينك وبيض الله وجهك

[الكاشخ]

صح لسانك يابو مناحي

[البهبهاني]

صح لســــــــــــــــــــــــانك وجمل الله حالـك والله لايهينــــــــــــــــــــــك اخوي سعد على هــــــذه الابيات الجزيـــــــــــــــــــــــــله

[البهبهاني]

نصيحـــــــــــــــــــــــــــــــــه؛؛؛؛؛

يشهد على رب الاراضين السبـــع×××××انك عندي عن كل البشر غــالــــي
ياخوى ابيك لنصيحتي تسمـــــع×××××ابنصحك لاتصاحب كل غــــــــــاوى
كم واحد تجملت عنده ولايقنـــــع×××××بعد ذلك جحدني في حلالـــــــــــي
الله اكبر يوم جيت اطلب منه النفع×××××قال ياولد رح مالك عندي حســابي
ثم قلتله ياخوى خاتمتك بترجــع×××××ماعاد لك عندي ياخوي مجالـــــــي
والله لو احسب واطرح واجـــــمع×××××حساب باتعب عليه من اول وتــــالي
مالي الا اتجـمل واعطي وانـــفع×××××الجميل للي يعرفون كل شـــــــاني
والصلاة على النبي عدمـــاركع×××××صلاة وسلام على المصطفى الهادى

هذه الابيات ليست للشاعر سعدبن شفلوت بل هي للشاعر : البهبهاني وليس في اخي سعد قصور ؛؛؛؛

[خـالـد أبن جـلـيد]

صح لسانك يابن شفلوت

وجزلة من راسً مايجيب الا الجزال

أبيض وجه ولاتبطي علينا بالجديد


تقبل خالص تحياتي

[محمد أبن دوحان]

صح لسانك مدد ما له عدد

وافي وقصيدك وافي ولاهنت يالوافي على القصيد الجزل

تقبل مرور أخوك (( محمد بن دوحان ))

[ابراهيم بن جارالله]

بيض الله وجهك

[ابراهيم بن جارالله]

رايع يا بن شفلوت بيض الله وجهك