سعد بن عدال
24-10-2007, 01:33 AM
أسعد الله أوقاتكم بالخير
اللي خذت عقلي من أول نظره = الله يجازيها على ماسوّت
ماتدري إن قلبي غدر به صبره = والظاهر إن عقلي سببها فوّت
وأحس في صدري حرارة جمره = وضلوع صدري كمّشت وأتلوّت
صحيح أنا ماشفتها إلا مره = لكن خفوقي بالمحبه صوّت
القلب يامرني وأنا تحت أمره = وأفكار راسي في دماغي دوّت
مافي يدي حيله ولالي قدره = غابت لكنها في الغياب أحلوّت
ودتني بعالم ضياع وحسره = وأستضعفت قلب العنا وأتقوّت
أثر المحبه موت ماله سكره = وأصدق مشاعر للحبيبه هوّت
لكن مدام الله عطاني نظره = أعذب تعابير القصيد أتعزوّت
عظم المحبه مايجبّر كسره = وشمس الغلا عقب الجفا ما ضوّت
وسلامت الجميع
اللي خذت عقلي من أول نظره = الله يجازيها على ماسوّت
ماتدري إن قلبي غدر به صبره = والظاهر إن عقلي سببها فوّت
وأحس في صدري حرارة جمره = وضلوع صدري كمّشت وأتلوّت
صحيح أنا ماشفتها إلا مره = لكن خفوقي بالمحبه صوّت
القلب يامرني وأنا تحت أمره = وأفكار راسي في دماغي دوّت
مافي يدي حيله ولالي قدره = غابت لكنها في الغياب أحلوّت
ودتني بعالم ضياع وحسره = وأستضعفت قلب العنا وأتقوّت
أثر المحبه موت ماله سكره = وأصدق مشاعر للحبيبه هوّت
لكن مدام الله عطاني نظره = أعذب تعابير القصيد أتعزوّت
عظم المحبه مايجبّر كسره = وشمس الغلا عقب الجفا ما ضوّت
وسلامت الجميع