ما عاد نبغى فالرواتب زياده

[سعود الحبابي]

أتمناء ان تعجبكم


ما عاد نبغى فالرواتب زياده
من عقـب ماجانـا قـرار الزيـاده
من مجلس اهل الجود وافين الاشبار

كـلٍ مـن الفرحـة قـدح من زنـاده
جبنا القروض نضارب السوق وانهار

وجينا نبي بـس الرجـا والهـواده
والله وكيلك شبّت اسعارنا .. نـاااار

والراتـب الماخـوذ جتـه القـراده
ماينزل الا..صافقه مثـل الاعصـار

فاتـورة الهاتـف وعاجـل سـداده
والقرض والكهرب وتسديد الايجـار

والتاجـر المليـان جـاب الوسـاده
يبـي يوصّـل راس مالـه لمليـار

والا المواطن صار..سهل اصطيـاده
جته الهوامير بوسَط غـب الابحـار

واصبح نهار وليـل وسـط العيـاده
مابين طب الراس والقلـب وشهـار

يامـن يوصّـل كلمتـي للقـيـاده
للحاكـم المحبـوب والوالـد البـار

ماعاد نبغـى فـي الرواتـب زيـاده
اللي نبيه اليوم تخفيـض الاسعـار

منقول

[عبدالله بن غفره]

لاهنت ياسعود

وبيض الله وجهك


قصيدة رائعه واختيار رائع

[عبدالعزيز بن طالع الرفيدي]

بسم الله الرحمن الرحيم
السلام عليكم ورحمة الله وبركاته

صح لسانك يالشاعر وبيض الله وجهك على هالقصيده الاكثر من رائعه..

تقبل مروري وتقبل تحياتي..

[ابن خضير]

بسم الله الرحمن الرحيم
السلام عليكم ورحمة الله وبركاته


الله يعدلــــــــــــــــــــــــــــــــــــــــــــــ ــــــــــها

وصح لساااااااااااانك وابيض وجه

[سعد القحطاني]

لاهنت ياسعود


بيض الله وجهك على النقل


وصح لسان الشاعر


ودمت

.

[ابراهيم آل بي حبيب الرفيدي]

أرحب ياسعود

لاهنت على الاختيار

صح لسان الشاعر : منصور الحبيل

تحياتي لك

[العبدي]

صح الله لسان الشّاعر ..

وهذي لو دخلت في شاعر المليون ..

كان صوتو النّاس كلهم لها .. وفاز راعيها ..

لاهنت يا بو سيّاف ..



تحيّاتي ..