المسجلين في الدليل السعودي باسم القبيلة

[خالد آل سعد]

هذه احصائيه صحيحه لاعداد القبائل في المملكه كلها:
.
.

1- حرب :51292
2-قحطان:45329
3-غامد:45277
4-عتيبه:44569
5-زهران:41271
6-مطير:37725
7-عنزه:37326
8-شمر:33523
9-الشهري:30823
10-الدواسر:27684
11-شهران:17109
12-سبيع:14679
13-مالك:12430
14-يام:4408
15-العجمي:4059
16-الهاجري:3200
17-المري:2248
18-العازمي:1723


هذه احصائيه صحيحه ميه في الميه
غير عن الاحصائيه اللي زوروافيها
اخوانا العتبان وحطوا نفسهم اكثر
قبيله وزروا في عدد قحطان في
مدينة الرياض
من 13366 الى 12360

للتأكد دخول المصدر ((دليل الهاتف السعودي))

اضغط هنا (http://212.118.128.95/edas/arabic/ar_personal.html)

اخوكم: خالد القحطاني

[عبدالله المهداني]

غير صحيح

مع احتراااامي لك


ليس كل من ينتسب لقحطان كاتب في بطاقته القحطااااااااني >>> مثال لجميع القبااااائل



هذه الاحصااائيه غير صحيحه وأجزم على ذلك


أشكرك ولكن حبيت اوضح

[خالد آل سعد]

صحيح كلامك بس انا ذكرت المصدر
دليل الهاتف السعودي
يعني لازم تعذرني
البحث هنا راح يكون بالأسم
اكيد مو كل قحطاني يكتب
القحطاني
مثال الحبابي
...........

[عبدالله المهداني]

أشكرك والحمد لله وضحت الصووووره


تحياتي

[مفرح محمد]

بسم الله الرحمن الرحيم
السلام عليكم ورحمة الله وبركاته
لاهنت

[متعب الهاجري]

مع احترامي لك ولموضوعك يا خالد

هذي الاحصائيات غير دقيقه


لسبب ان لقحطان في الجنوب اعداد كبيره و مهووله لكن ماوصلتهم خطوط الهاتف يعني مو مسجلين هذي نقطه

وايضا بالاخير العجمان والهواجر وال مره اعتقد ان هذا اجحاف في اعداداهم في السعوديه لانهم اكثر بكثير


الاحصائيه هذي ماهي مقياس جيد ولا يوجد اعدادا رسميه في الوقت الحالي تعطي ارقام دقيقه :)


لكن بنظري تقريبا ان اكبر قبائل السعوديه هم 3 بلاا منازع الي في نجد والحجاز ((قـــحطان+عتيبه+حــرب))

اما الجنوب اذا استثنينا قحطان طبعا نقول ((شهران العريضه+يام +غامد وزهران)) .

[ابن خضير]

بسم الله الرحمن الرحيم
السلام عليكم ورحمة الله وبركاته


لاهنــــــــــت والله يعطيك العافيه

[عبدالله السحيمي]

بسم الله الرحمن الرحيم
السلام عليكم ورحمة الله وبركاته


عذراَ اخي

الموضوع طرح قبل فتره واخذ حقه في النقاش

وانا سأقول مالدي

متى قبيلة حرب صارت اكثر من قحطان؟


اشكرك على ارفاق الدليل

اخوك/عبدالله السحيمي

[مقبل السحيمي]

مثل تلك المواضيع الحساسة بلاشك أنها ستحدث بلبلة وجدال لاخير منه ولانفع فيه

المعذرة أخ خالد لاأقصدك ياطويل العمر ولاأعني موضوعك بالذات ولكن مررت كثيرا على مواضيع كهذه

تمس القبيلة والقبائل الأخرى ووجدت الجدال والخلاف وفي النهاية لاتجد جواب شافي

وأشكرك على بحثك عن الحقيقة وتواضعك في الطرح وأمانتك في النقل

تقبل تحياتي

[سيف السحيمي]

موضوع مكرر

والله يطرح البركه في الكثير والشوي

تحياتي العطرة ،،،،،

[فلاح الحبابي]

مع احترامي لك تعداد القحاطين في احصائيه السعوديه اكثر قبيله اربعه ملايين وشوي

[سلمان آل سعد]

شباب أحب أضيف رد شبه كافي لموضوع أخي العزيز خالد آل سعد


أولاً: دليل الهاتف مهوب مقياس للقبائل وإذا كان بياخذونه القبايل الثانيه مقياس فهم غلطانين.

ثانياً: في دليل الهاتف ما يطلعون عدد افراد الأسره (معناها لا يوجد دقه في عدد افراد الأسره وهذا يجعل التعداد أقل دقه لأنه في عائله عددهم 10 وفيه 2).

ثالثاً: وعلى ما قالو اخواني الاعضاء في ردودهم أنه فيه أشخاص مكتوبين في بطاقاتهم (الحبابي ، الهاجري ، ....... إلخ) يعني حتى لو جابولنا احصائيات من الأحوال المدنيه فهي ايضاً ما هي دقيقه لأنها بتبحث عن القبيله واللي مهوب كاتب آخر اسمه القحطاني ما هم ضايفينه للحسبه.

رابعاً: لو حسبوا جميع القحاطين اللي على وجه الأرض أن نطلع اكثر القبايل (لا تقولون وش هالمهايطي لكن هذا الصحيح)....ولا يهونون القبايل.

خامساً: والله أنه مثل هالأمور ما تجيب إلا العنصريه والعصبية القبليه....ولا فرق بين عربي ولا اعجمي إلا بالتقوى.



أتمنى أكون أعطيتكم الجواب الكافي.


دمتم بخير





-

[خالد آل سعد]

يالربع علامكم انتوا

لازم أقول قحطان أكثر شي
عشان أرضيكم
انا ما جبت شي من عندي ادخلوا
المصدر وتأكدوا منه
حرب أكثر منا

ولا لازم أزور يعني


أعووووووذ بالله
أنا قلت هالإحصائيه حسب دليل
الهاتف السعودي..

[سلمان آل سعد]

يا خالد حنا ما قلنا انك كذاب ولا قلنا ان القحاطين بالقوة يصيرون اكثر لكن قلنالك دليل الهاتف مو مقياس لأنه في قحاطين وعتبان ومطران و......إلخ ماركبوا خط تيليفون صح وإلا أنا غلطان.

[سلمان آل سعد]

انت تقول ان دليل الهاتف يقول عدد القحاطين 45788

وأنا أقولك صدقت لكن هذولا اللي آخر أسمهم كاتبين قحطاني وفيه بعضهم كاتبين (الحبابي ، الهاجري ، المسردي ، بن لبده ، المشعلي ، الخنفري....................إلخ) وهم يرجعون قحاطين صح وإلا أنا غلطان.....وعاد بحثت في رابطك اللي تقول عليه وشف وش طلع لي:

القحطاني 45788
الحبابي 303
الهاجري 3230
المسردي 140
بن لبده 24
المشعلي 227
الخنفري 188
.................................................. .................إلخ.








-

[خالد آل سعد]

لا هنت لا هنت بس وش جاعلك تبحث ابن لبده

فخذ يومك تبحث عنهم

بن لبده 24 ههههههههههه


هالحين بحثت عن حبابي وطلع 300 وهاجري وطلع 3000 ومسردي 150

وبن لبده 24 ((صدمتني يولد))



:)


تحياتي لك وانت صادق ولله يا سلمان

[سلمان آل سعد]

لا هنت لا هنت بس وش جاعلك تبحث ابن لبده

فخذ يومك تبحث عنهم

بن لبده 24 ههههههههههه


هالحين بحثت عن حبابي وطلع 300 وهاجري وطلع 3000 ومسردي 150

وبن لبده 24 ((صدمتني يولد))



:)


تحياتي لك وانت صادق ولله يا سلمان




أنا ما طريت بن لبده إلا عشان أبين لك أن فيه من كل بحر قطره....وحتى لو كان 24 أو2000 المعنى أن فيه بعضهم يرجع حبابي ولا يكتب الحبابي في نهاية اسمه والعكس صحيح.




-

[آل معمر]

إحصائية غير دقيقة ولا يعتمد عليها مثل ماقالوا الأخوان

[الحرررر السعدي]

إخواني تحيه طيبه وكل عام وانتم بخير
الأكيد ومن مصادر موثوقه ومطلعه أن ترتيب القبائل حسب عددهم كالآتي :
1. قبيلة حرب . 2. قبيلة قحطان . 3. قبيلة عتيبه .
وخذو مني العلم و لاتستهينون بعدد القبائل الأخرى وحنا ركزنا على التنافس مع عتيبه ونسينا القبائل الأخرى اللي فيهم حقهم .

[العبدي]

مسألة التّعداد خضنا فيها الكثير والكثير

وهي لا تخدمنا بشئ



تحيّاتي

[محمد الضويري العاطفي]

والله ونعم بالجميع والله يحفظ المملكة العربية السعودية من كل مكروه .