المساعد الشخصي الرقمي

مشاهدة النسخة كاملة : وقعة عبيلة العتش بين الخنافر والروقه

بن ظافر
15-10-2007, 09:11 PM
نزلوا الخنافر على عبيلة العتش جهة المجمعة فاغار الروقه وعلى راسهم تركي بن سلطان بن ربيعان امير الروقه

في ذلك الحين وكان اللي عند البل ابن حصوان عند بداية الغاره وكان الشيخ شالح بن هدلان والشيخ جمعان بن معيلم

يمشي كل واحدن منهم على فرسه فاتى سرحان بن معيلم يعدي ويقول لعمه جمعان عطني يبه الفرس حيث ان جمعان

تقدم به العمر فقال شالح لا بالله ياجمعان اليوم يوم الشيبان وعندما التقى الفريقين تواجه جمعان وتركي بن ربيعان

فقام جمعان وحول به من فرسه وصوبه وعندما اراد قتله قال تركي امنع ياخير فقام جمعان وحذف عليه عمامته وقال له

من جاك فقل انا في وجه ابن معيلم وصارت الكسره على الروقه ولم يغنموا سوا ناقه وحده من ابل ال هدلان وفي اليوم

التالي اتى عبدارحمن بن تركي بن ربيعان واخوانه تحت رايه العفو يبون ابوهم وعندما اخذوه وتعدوا البيوت وافته ا

لمنيه فعادوا ودفنوه وعشاهم الشاعر راشد بن معديه وعندما سألوا عن الغزو حلف عبدالرحمن بن تركي انهم يحسبون

انهم يبون قبيله ثانيه ولكن حضهم السيء طرحهم في الخنافر فقال شالح هذي القصيده




الفاطر اللي عندكم وسمها لاح =مانيب ناسيها ولا اسج منها
جتني على وضح النقا يوم الامداح=وجتكم وثوب النيل كاسن بدنها
يوم العبيله عندها تركي طاح=مامنكم اللي عج عنده رسنها
خليتها بسن القصاير والاصلاح=ويوم الحرايب نبعد الحوم عنها
خذيتهايوم تزيراق الارماح بشلفا=وريعن بان فيكم طعنها


وللمعلوميه تركي بن ربيعان هوالذي رعى الصلح بين ال سعود وال رشيد عام 1308ه وهذه الوقعه كانت 1318ه
مرعي بن دواس الحبابي
15-10-2007, 10:33 PM
الله اكبر

يامال الجنه يالشيبان الابطال

شجاعه وكرم في كل حل

الله يرحمهم برحمته التي وسعت كل شئ

الاخ ابن ظافر

بيض الله وجهك

اخوك
فلاح آل راكان
15-10-2007, 10:52 PM
والله ونعم با الخنافر والله اني صادق

علووومهم وافيه


ولا قصور في القبايل
شامانـ العاطفي
15-10-2007, 11:01 PM
عيال منصوررررررر والله الي ما فيهم رخمة

كلهم رجال وشجعان وهذا الكلام كلن يقولة

ماهوب انا الحالي ولا على باقي القحاطين زود

ولا هنت يابن ظافر ,,,
خيال الزرقاء
16-10-2007, 12:39 AM
ونعم ياربعنا الخنافر وافين

ودام ي طرفها الشيخ شالح رجح ميزانها
ابوتركي العبيدي
16-10-2007, 03:25 AM
السلام عليكم ورحمة الله وبركاته

والله ان الخنافر يحرون بالطيب والعلوم الغانمه من غير قصور في باقي قحطان
بن ظافر
16-10-2007, 07:54 PM
الاخوه مرعي بن دواس الحبابي فلاح ال راكان شامان العاطفي خيال الزرقا ابو تركي العبيدي ماعليكم زود والله لا يهينكم على الردود
حسن الخنفري
18-10-2007, 12:47 AM
تسلم يابن ظافر ويسلمون قحطان كلهم
مشاري بن نملان الحبابي
18-10-2007, 01:49 AM
الاخ(((بن ظافر )))

لاهنت على الموضوع ورحم الله الشيخ شالح بن هدلان

تقبل مروري
أبا الذموم
19-10-2007, 08:21 PM
الأخ ابن ظافر أررررحب تراحيب المطر
ونعم ٍ بكم يالخنافر وافين أول وتالي قروم وشجعان وأهل حرب ولا فيكم كلام
الله لا يهينك على هذا الموضوع الرائع وتقبل مني جزيل الشكر .


تراني أضفت " تركي " على القصيده : " يوم العبيله عندها تركي ٍ طاح "
لأنك نسيته ما كتبته يا ذيبان وكتبته نيابة عنك .
وأشكرك على هذا الموضوع الجميل .
بن ظافر
19-10-2007, 10:27 PM
ارررررررررررحب يا ابا الذموم ولا هنت على الاضافه وترى مرورك على الموضوع زادني شرف
ذيب النير
19-10-2007, 11:13 PM
ونعم بصبيان الخنافر



الله يرحم شالح بن هدلان (شجاعه وكرم وحكيم)




الله يعطيك العافيه يابن ظافر على الموضوع
حمود الحمالي
21-10-2007, 11:37 PM
ونعم بالخنافر يرفعون الراس اول وتالي
بن ظافر
22-10-2007, 10:02 PM
الاخوان ذيب النير حمود الحمالي
هبشان
01-11-2007, 01:48 PM
بسم الله الرحمن الرحيم

السلام عليكم ورحمة الله وبركاته

الله لا يهينك ويعطيك العافية

تحياتي
راعي المصنه
03-11-2007, 05:57 PM
السلام عليكم
اررررحب يابن ظافر
قصه تنومس وكفووو
والى الامام
سرحان
20-11-2007, 08:54 PM
الله يعطيك العافيه يا بن ظافر