المساعد الشخصي الرقمي

مشاهدة النسخة كاملة : قصيدة الوطن بمناسبة العيد || للقرقاح (مقروئه - وصوتيه)


فارس قحطان
14-10-2007, 06:43 PM
بسم الله الرحمن الرحيم



الأخوة اعضاء وزوار شبكة قحطان - الموقع الرسمي لقبيلة قحطان

يسرنا تقديم لكم هذه القصيدة للشاعر / فلاح القرقاح

والتي قالها في الوطن ونشرت في اول ايام العيد في جريدة الرياض


ولقد خصنا بها الشاعر صوتيه وهي تنشر حصرياًَ على شبكة قحطان


هذه القصيدة نصاً



التهاني في اول العيد من كل الجهات = انتحت لدروع الاسلام حكام الوطن
درهمت وضح المشاعر لماردها وجات = ماعثرها عن وعدها قياد ولارسن
حضرت في واجب من كبار الواجبات = يلزم الشعب السعودي على طول الزمن
ياعيال العود مخلي سروج العاديات = الامام اللي علا الروس راسه ماطمن
مدنا به منزل الفاتحه والذاريات = واجتباه لنصرة الدين واخماد الفتن
عيدالله عيدكم بأمن وايمان وثبات = يافخر ناس تفاخر بكم سر وعلن
رفرفي ياراية العز فوق النايفات = انتي اثقل من جبال السراة ومن حضن
في حماية من تفرد بالأسماء والصفات = كم عدو لانظر فيك بالعين انغبن
اللهم احفظ ولاة الأمر من الشتات = واكفنا شر الفتن والزلازل والمحن
في بلاد ضمت اشرف بشر ومقدسات = والصحابة جالهم فوقها رمي وطعن
مهبط الوحي السماوي ومهد المكرمات = لايبنى فيها كنيسة ولايعبد وثن
ياملكنا وجهك ابيض وعهدك منجزات = وكل قلب فيه لك درب وفراش وسكن
للرعيه ماتهنا عيونك بالمبات = تفرح اليا فرح شعبك وتحزن لاحزن
الله يديمك تحقق جميع الامنيات = الرخا والعدل والرفق باسمك مقترن
معك سلطان النواميس راعي الطايلات = من تحزم بابوخالد له العز انضمن
فيصلي لاتعزوا لحل المعظلات = طحن حب اللي بعد حب راسه ما انطحن
انتو اهل المجد واهل العلوم الغانمات = تفرقون اسوام الأمداح الى غلي الثمن
تفرضون الواقع وتصنعون المعجزات =وآمرين بالفرايض وبإتمام السنن
العرب من شاطي النيل الى شاطي الفرات = ومن ضواحي نقرة الشام الى بطن اليمن
شلتوا عنهم مايكود الجبال الراسيات = ومن بغى منهم يسوي سواياكم حرن
الكريم اللي بفضله تتم الصالحات = عانكم وانجاكم من التخاذل والوهن
النصيب اللي يجيب الركاب محملات = ماهو بمثل المسدس اليا شحن انشحن
اقرب من دموع الأيتام ودموع البنات = وأبعد من اللي يتجور في آل سعود وزبن
واحتموه اللي حموها بحد المرهفات = عزوة لا لاذ بحماهم الخايف ومن
حن لهم مادام يوجد حجر والا نبات = فزعة تقدر من القوم تفتك الظعن
في عجبهم نشري الموت ونبيع الحياه = عندنا شرب المصايب مثل شرب اللبن
يرضعون عيالنا مع حليب الأمهات = الولا مادامت الروح تسري في البدن
لادعا داعي ولي الأمر جينا بالمئات = صف واحد لاذا ابو من ولا ذاك ابن من
والله مانبكي على من قضى نحبه ومات = حينا منصور وميتنا في جنة عدن
كلنا لولا فتاوي مشايخنا الثقات = يكفي الرجال توجيه وسلاح وكفن
لو يجينا الأمر ماراحت الفرصه فوات = يتكلم من تكلم ويرطن من رطن
وان دخل معنا غشيم عليه مخالفات = مارضينا طمثة الثوب الأبيض بالدرن
ندرس افكاره واساس التعامل خذ وهات = ولابد اللي داخل القدر يظهر في الصحن
نرشدة والنطق بالحق اخير من السكات = الحضيض اليا نصحته تثبت واتزن
المخالف لو يجي له وجود وذكريات = ثعلب مكار واما نبث والا دفن
كنه اللي راح رحله سياحه وانفلات = ولو ان الله مالطف به ونجاه استجن
بين تفجير القنابل وقصف الطائرات = لا وجد خضره ولاماء ولا وجه حسنوهذه القصيدة صوتية


اضغط هنا للتحميل بصيغة - amr (http://www.qahtaan.com/works/up/download.php?filename=qahtaan-10-14-1192376069.zip)


اضغط هنا للتحميل بصيغة - rm (http://www.qahtaan.com/works/up/download.php?filename=qahtaan-10-14-1192376538.zip)


جميع المقاطع تشتغل على الجوال

ابن هتلان الكيرعاني
14-10-2007, 07:04 PM
صح لسان ابو محمد ولا هي غريبة على علم مثله وبيض الله وجهه
والشكر لك ايضا خااص يا(فارس قحطان) على الجهود اللي تبذلونها لترتقون بالمنتدى

وتقبلو تحياتي
رائد بن هتلان

مرعي بن دواس الحبابي
14-10-2007, 08:28 PM
الله يبيض وجهك يالقرقاح

والققرقاح يستحق لقب شاعر الوطن ونتمنى نشوفه في الجنادريه لانه يستحق المكان هذى

الله يرحم والديك يابو مسفر لاهنت

اخوك

عبدالله المهداني
14-10-2007, 08:32 PM
بيض الله وجهه بيااااااض تشيله الركااااااااب


والله يطول عمره على عز وعلى طااااااااعه


ابو محمد شااااااعر الوطن والقبيله


صح الله لسااااااااانه من نقرة الشام الى بطن عدن


تحياتي ولاهنت يابو مسفر على الموضوع


اخوووووووك

عبدالله الوهابي
14-10-2007, 09:02 PM
بسم الله الرحمن الرحيم





أرحب يا أبو مسفر





ويعطيك العافية على النقل والجهد الكريم

علي بن مسفرالحبابي
14-10-2007, 09:04 PM
قصيده كفو من شاعر كفو وابومحمد مايحتاج علم من اعلام الشعر


لاهنت يافارس قحطان

سبق ان قريتها في جريده الرياض قبل امس


وبيض الله وجهك علي نقلها صوتيه


وبيض الله وجه القرقاح يرفع الراس في كل مناسبه وطنيه

رائد عايض القحطاني
14-10-2007, 09:51 PM
بيض الله وجهك ووجهه ابومحمد

عبدالعزيز بن طالع الرفيدي
14-10-2007, 10:16 PM
بسم الله الرحمن الرحيم
السلام عليكم ورحمة الله وبركاته


تسلم ايدينك يا فارس وصح لسان ابو محمد

ابن دغيّم
14-10-2007, 11:26 PM
بسم الله الرحمن الرحيم
السلام عليكم ورحمة الله وبركاته
بيض الله وجهك ووجه شاعر الوطن / فلاح القرقاح

عبدالوهاب آل راضي
15-10-2007, 12:14 AM
بسم الله الرحمن الرحيم
السلام عليكم ورحمة الله وبركاته


الله لا يهينك يابو مسفر

والله يبيض وجهك وجه ابو محمد


الجزاله ماهيب غريبة على عيال الشايب

وخاصة فلاح القرقاح


تحياتي

عبدالله السحيمي
15-10-2007, 12:45 AM
بسم الله الرحمن الرحيم
السلام عليكم ورحمة الله وبركاته

ارحب يا وليد..

بيض الله وجهك على ارفاق القصيده لنا :)

وصح لسان شاعرنا ابو محمد قرم الافعال:)


اخوك/عبدالله السحيمي

سيف السحيمي
15-10-2007, 03:00 AM
تسلم يافارس قحطان ونبارك لك بالعيد السعيد

وصح الله لسان أبو محمد دايم مواقفه تشرف والله ان حنا نفتخر به

تحياتي العطرة ،،،

مفرح محمد
15-10-2007, 05:59 AM
بسم الله الرحمن الرحيم
السلام عليكم ورحمة الله وبركاته
لاهنت وبيض الله وجهك ووجه ابو محمد

وكل عام وانتم بخير

عين الحر
15-10-2007, 05:59 AM
يعطيك العافية وابو محمد شاعر كبير


وتسلم يمينك

آل معمر
15-10-2007, 07:32 AM
رائعة يا وليد

صح لسان الشاعر وبيض الله وجهك على النقل المبارك والجهود الطيبة

ولكن عندي ملاحظة بسيطة لا تؤثر على جمال الموضع وأهميته

البيتين أدناه حصل فيها خطأ بسيط في الكتابة

اللهم احفظ ولاة الأمـر مـن الشتـات واكفنا شر الفتـن والـزلازل والمحـن

فيصلـي لاتعـزوا لحـل المعـظـلات طحن حب اللي بعد راسـه مـا انطحـن

وقد تم تعديل البيتين وهي كالتالي :


اللهم احفظ ولاة الأمور مـن الشتـات ...واكفنا شر الفتـن والـزلازل والمحـن

فيصلـي لاتعـزوا لحـل المعـظـلات...طحن حب اللي بعد حب راسـه مـا انطحـن



سبب التعديل أمر واحد وهو أن الشباب قد يتناقلون الرسالة بالنسخ واللصق

وأتمنى ألا تنقل بشكل خاطئ وفيها أبيات مكسورة

أشكر لكم هذا الجهد المبارك الرائع وقد تم تحميل القصيدة على الجوال :)

تحياتي لك :)

ابوفهيدالعاطفي
15-10-2007, 10:13 AM
بسم الله الرحمن الرحيم
السلام عليكم ورحمة الله وبركاته

صح لساانك ابو محمد ولسانك يافارس والله لايهينك على النقل الجميل

ذيب النير
15-10-2007, 11:15 AM
الله يعطيك العافيه على النقل اخوي فارس




وصح لسان ابومحمد علمه غانم كل سنه

سعد القحطاني
15-10-2007, 01:07 PM
من العايدين يابو مسفر

بيض الله وجهك

والله لايهينك على هذا النقل الفتان

وبيض الله وجه ابو محمد وصح لسانه

شاعر يجمل في كل المواقف

وهذا لايستغرب عليه لاعدمناه

.

فلاح آل راكان
15-10-2007, 03:01 PM
لاهنت يابو مسفر وعيدالله عليك مبارك


وصح السان ابو محمد

عبدالله آل عباد
15-10-2007, 04:26 PM
لاهنت وبيض وجهك يابو مسفر

@ابوريان@
15-10-2007, 04:30 PM
وعليكم السلام ورحمة الله وبركاته

أرحب يا أبو مسفر

ويعطيك العافية على النقل والجهد الكريم

أبو صقر
15-10-2007, 08:15 PM
تسلم يابو مسفر

وابيض وجه

وصح لسان الشاعر فلاح

وقصيدة تبيض بالوجه

ولا يستغرب منه هذا الشي

محمد الحركان
16-10-2007, 01:31 PM
أرحب يابو مسفر وكل عام وانت بخير

وصح لسان ابو محمد ولاهي جديدة على ابو محمد المواقف المشرفة

وهو جملها وراعيها دئما لاعدمناه،،،،،،،،،،،،،،،،،،،،،،،،،،،،،

ناصر مسفر ال حمد السنحاني
16-10-2007, 02:33 PM
مراقبنا الغالي فارس قحطان

تسلم يالاجودي

وصح الله لسان بن ريفه

سعيد الزهيري
17-10-2007, 12:15 AM
الله لا يهينك يابو مسفر

والله يبيض وجهك وجه ابو محمد


الجزاله ماهيب غريبة على عيال الشايب

وخاصة فلاح القرقاح

فواز أبوخالد
18-10-2007, 01:06 AM
صح لسان الشاعر

ذيب المعادي
18-10-2007, 02:43 AM
صح لسان الشاعر القرقاح

ولاهنت يافارس قحطان


وماشاء الله على الشبكه والتطورات اللي بها


الله يوفقكم

مقحص الكودري
19-10-2007, 02:14 PM
السلام عليكم ورحمة الله وبركاته


كل عــــــــــــــــــــــــم وأنتم بألف خير



تقبل الله منا ومنكم صالح الأعمال

قصيده كفو من شاعر كفو وابومحمد مايحتاج علم من اعلام الشعر


لاهنت يافارس قحطان




وبيض الله وجهك علي نقلها


وبيض الله وجه القرقاح يرفع الراس في كل مناسبه وطنيه..

راعي مشعوفه
19-10-2007, 08:33 PM
بسم الله الرحمن الرحيم
السلام عليكم ورحمة الله وبركاته


الله لا يهينك يابو مسفر

والله يبيض وجهك وجه ابو محمد


الجزاله ماهيب غريبة على عيال الشايب

وخاصة فلاح القرقاح

سالم ابوسعد
22-10-2007, 05:45 PM
شكراً أخوي على الموضوع ولاهنت