المساعد الشخصي الرقمي

مشاهدة النسخة كاملة : بيت شعر دايم نردده ولكن من القائل؟؟

ابو خطاب
11-10-2007, 10:16 PM
الصبي وان طاب طيبه من خواله

الصبي وان طاب طيبه من خواله

... و ان تردى فـعلم انهم خايبيني



أشرب الفنجـال و أكـب البيالـة

... طيـبٍ وأحـب سلـم الطيبينـي




من لا يعرف هذين البيتين .. بيتين اشهر من نار على علم

قد يجهل البعض قائلهما .. و لكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..



قائل هذين البيتين ..

الشاعر : راشد بن حسن بن مانع بن رحيان الضاعني

الملقب بــ ( ابن الذيب ) ..

و قيل انه توفي عام 1986م و هو في نجران و كان شايل معه

شخص موصله الى قرية في نجران وحصل عليهم حادث و توفي رحمه الله .. !



راشد بن حسن ..

كان يشتغل في شركة ارامكوا السعوديه و كان يملك سيارة

الشركه ( جمس ارامكوا ) ..!


و كان كل ما شاف له رجلي والا طرقي على الخط يبي احد يوصله

يقوم ابن الذيب و يوصله بدون مقابل على سيارة الشركه .. !

حتى اشتهر عند البدوان .. لا جا احد يبي يروح مكان و لا عنده مطيه و الا موتر

يمشي في طريقه و يقول عسا يلقاني ( ابن الذيب )

على الطريق والا انا القاه ..!

و يشيلني و يوديني للمكان اللي انا ابيه .. حتى قاموا الناس يطرونه

و يحكون فيه وهم لا يعرفونه ولا قد شافوه ..!

جاء يوم من الايام الا عجوز وعندها غنم شوي تعد على الاصابع ..

و ( راشد بن حسن ) .. كان مشغول و متأخر

على الدوام شوي ..!



و شاف العجوز و شاف معها غنم تعداها و هملها

عقب حزت في خاطره و استحى و راعي الطيب ما يجوز عن طيبه

وقف الموتر و رجع للعجوز ..!

يوم جاها قالها يا مره انا ابشيلك و بوديك المحل اللي تبينه لكن بدون غنمك ..

انا متأخر على الدوام واخاف غنمك تأخرني زياده ..!

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..


هو اللي بيجيب العلم و بيوصلني المكان اللي انا ابيه انا و غنمي .. وهي ما تعرفه ..

و لا تدري انه ( ابن الذيب ) هو نفسه اللي هي تكلمه ..

يوم انصدم ( راشد بن حسن ) بقولها و تعجب !!

قال اركبي يا خاله انا ( ابن الذيب ) و ابشري بعزك ..

ابوصلك انتي و غنمك ..


و كانت انظمة ارامكو تمنع السائقين ان يشيلو الرجليه اللي يوقفون

السواقين و يطلبونهم توصيلهم على طريقهم ..

وشلون توصيل الغنم ؟!!

حتى وصل علم .. لشركه بفعل ( راشد بن حسن ) ..

و هدد بالفصل من الشركه اكثر من مره ..

و بعض رؤساءه يأسوا من المحاوله معه .. و اعجبتهم شهامته ..

و صل العجوز إلى منصاها والمكان اللي تبيه ..




و قال هذى القصيده ...!



قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال يـزيـنـي


قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي


حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي


لالقيـت اللـي علـى ][ السكـه ][ لحالـه
يلـتـفـت ويـقــول ويـــن المستحـيـنـي


أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي


الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي


والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي


الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي


أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي


مابـغـى غـيـري وانــا مابـغـى بـدالـه
.قـاعــدٍ لـــي بـالـرجـا مـــدة سنـيـنـي


الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي


الصبــي وإن طــاب طيبــه من خـواله
وإن تـــردى فإعلـم إنهـم خايبينـي


أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي


ولاقـعـدنــا بـالـعـمـل بــنــا الــرزالـــة
.نـاخــذ العـلـيـا طــريــق الفـايـزيـنـي


غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي


كيـف ينفعنـي و ابـا (..........) خـالـه
مايـقـوم البـيـت دام الـسـاس طـيـنـي


مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي


الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي


جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي


واهنـي مـن بـاع حظـه واشتـرى لــه
وسار في درب النبي وأخزى اللعيني


مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي


كـم ذبـح مـن حـايـلٍ مــن حــر مـالـه
و عـادتـه لـطـمـة خـشــوم العايلـيـنـي ؛


الله يرحمه و يغفر له

و يرحم جميع أموات المسلمين ..؟!


و البيتين اللي بأول الموضوع يقال انهم محرفين

و البيتين الصحيحين كما ذكروا فالقصيده ..



ملاحظه ,’


الشاعر راشد بن الذيب هو والد الشاعر المعروف حالياً ,’


,’ محمد ابن الذيب


منقوووول للفائده
ذيب النير
11-10-2007, 10:47 PM
بسم الله الرحمن الرحيم

السلام عليكم ورحمة الله وبركاته



وكل عام وانت بخير(ومن العايدين)





لاهنت على القصة والقصيدة



والله يعطيك العافيه........... وننتظر جديدك يبوخطاب





وتقبل مروري
فلاح آل راكان
11-10-2007, 11:44 PM
لاهنت يا الغالي


وكل عام وانت بخير
صالح السنحاني
12-10-2007, 12:03 AM
ارحب تراحيب الحيا

حيه وحي علمه


لاهنت على القصه والقصيدة


اما الشاعر ابن الذيب


فاشهر من نار على علم


تشكرااااتي
ابو خطاب
12-10-2007, 01:15 AM
(ذيب النير)
وعليكم السلام ورحمة الله وبركاته

وكل عام وانتم بخير ومن الفايزين,.

(فلاح آل راكان)

ولا أنت يا ذيبان

وانت بخير وصحه وسعادة


(صالح السنحاني)

لك البقا الله يبقيك ويحييك ,, والعفو طال عمرك ,,,






وكل عام وأنتم بخير وعسى ر ربي يتقبل منا ومنكم صالح الأعمال ,,
هادي الخنفري
13-10-2007, 02:44 PM
معلومات قيمة بارك الله فيك

وجزيت خيراً

ولاعدمنا جديدك يا ابو خطاب
ابو خطاب
13-10-2007, 03:47 PM
اخوي ابو طالع وعليكم السلام ورحمة الله وبركاته

يسعدني ويشرفني تواجدك وانا من المتابع لمشاركاتك المتزنة بارك الله فيك .. وكل عام والجميع بخير وصحة وسعادة وجعلك ممن عايد العيد ,,

هادي الخنفري عشت يا ذيبان ومشكور على تواصلك وتفاعلك ,,
ناصر مسفر ال حمد السنحاني
17-10-2007, 01:32 PM
ابو خطاب تسلم ومعلومه قيمه

لاهنت ياالذيب
مفرح محمد
17-10-2007, 01:49 PM
بسم الله الرحمن الرحيم
السلام عليكم ورحمة الله وبركاته

لاهنت
مرعي بن دواس الحبابي
17-10-2007, 02:30 PM
الاخ ابو خطاب

الله يبيض وجهك

هذى القصيد

مجمل ومشكور

اخوك
ابو خطاب
18-10-2007, 02:27 AM
وعليكم السلام ورحمة الله وبركاته
ناصر السنحاني , مفرح بن محمد , مرعي بن دواس الحبابي

لاهنتو طال عمركم على تواصلكم المتميز ,, إحترامي وتقديري لكم ,,

آسف لعدم مقدرتي على الرد في الرسائل الخاصلة نظرا لعدم وصول عدد المشاركات الى 50 مشاركة لذلك الى الان لم يتم تفعيل الرسائل الخاصة لدي ,,

للمعلومية الشاعر راشد بن حسن بن مانع بن رحيان الضاعني ,, من العجمان من آل ضاعن ,,

وأعتذر للأخوان عن عدم الرد ولا أود ذكر أسمائهم نظرا لإنحراجي من عدم الرد عليهم ,, تقبلو تقديري وإحترامي للجميع
ذيب المعادي
18-10-2007, 02:40 AM
اهنت على المعلومات

وانا سامع السالفه ذي من قبل
وان كان معه خوي دوسري

وكان مثله بالهذي العاده الطيبه

وحتى انهم تقاصدوا ابن خر الذيب والدوسري

ومطلع قصيدة الدوسري

يابن خر الذيب عندي لك رساله **** عندنا مثلك رجالا طيبيني

عندنا ابن حسين يفعل ماطراله **يذبح الحيل وهي مثل السميني


واعتذر اني ماني حافظ القصيده كامله



واكرر شكري لك ياطويل العمر
ابو خطاب
18-10-2007, 05:53 PM
لاهنت يا ذيب المعادي واضافتك للموضوع متميزة وتشكر عليها يا طويل العمر ,,


ملاحظة : الكثير لا يعرف ان اللقب الحقيقي للشاعر في الموضوع هو (ابن خر الذيب) اعزكم الله ,, لكنه تم تعديل الاسم الى (ابن الذيب) من قبل ابناءه بعد وفاته ,,
خالد آل سعد
19-10-2007, 09:53 AM
لا هنت
على نقل القصه
مقحص الكودري
19-10-2007, 03:03 PM
بسم الله الرحمن الرحيم

السلام عليكم ورحمة الله وبركاته









لاهنت على القصة والقصيدة



والله يعطيك العافيه........... وننتظر جديدك يبوخطاب
راعي مشعوفه
19-10-2007, 08:31 PM
الاخ ابو خطاب

الله يبيض وجهك

هذى القصيد

مجمل ومشكور

اخوك
فهد الرفيدي
20-10-2007, 04:16 PM
تسلم يالسحيمي على معلوماتك القيمة
والله يغفر لبن الذيب وموتانا وموتاكم وموتى المسلمين
يحي بن محمد ابوديه
25-12-2007, 08:00 PM
ارررررررررررررررحب يا سعد
لاهنت على النقل الرائع
تحياتي
برق قحطان
25-12-2007, 08:45 PM
السلام عليكم ورحمة الله وبركاته
مثل ما تفضلوا المشاركين في الموضوع ، إنه أشهر من نار على علم مثل ما يقولون ..
إلا أني سمعت أنه البيت اللي يقول :
الصبي وإن طاب طيبة من خواله
وإن تردى فاعلم أنهم خايبيني

يقولون أنه محرف وإن الصحيح :
كم من صبي مخلف ملة خواله
أخلفه الشيطان وربعه طيبيني

هذا والله أعلم ،،
الهاشل
25-12-2007, 11:12 PM
الله يبيض وجهك على القصةوالقصيده
عبدالرحمن المشجري
10-01-2008, 07:51 PM
لا هنت يا ابو خطاب
محمدالجنوبي
20-01-2008, 01:54 PM
بيض الله وجهك

ولاهنت على النقل الرائع








محمد الجنوبي