المساعد الشخصي الرقمي

مشاهدة النسخة كاملة : شاعر الاردن


عمر السخني
10-10-2007, 12:44 AM
السلام عليكم ورحمة الله وبركاته

المعذره اخواني:
الظاهر إن غيابي طوّل شوي, لكن.. الشاهد الله إني إشتقت لكم حيل وما نسيتكم لو ثواني, وغيبتي سببها بعض الأمور العائلية والسفر.

بالنسبة للقصيدة... أكيد كلكم تعرفون مسابقة (شاعر الاردن), أللي كان من المفروض إحتساب ما نسبته 50% من الاصوات لتثبيت الشعراء في المرحلة المتقدمة, لكن أعضاء اللجنة الله يسامحهم إختاروا 70 شاعر من أصل 206 تقريباً, وغاب العدل في تقييم الشعراء.. وانا الحين اسأل:
وين العدل؟؟؟؟؟

شــاعر الاردن

الشاعر اللي مبتدي بالقصيده=خبير في وصف الحقايق والاوهام
فيه الوصايف والمزايا فريده=أليا نطق طيّح من اقواله اصنام
مبنيّة(ن) فوق الورق والجريده=ما خلّدت غير الفضايح بالإعلام
يللي تزعفر مدهل القاف زيده=واثري بيوته عنبر ومسك وخزام
خلّه ليامن فوّح الطيب بيده=يبني عقول(ن) كانت انقاض وحطام
نويت اكمّل ما بديته واعيده=وعزّمت اوفّي قولي بشهر الصيام
لا تفهموا قصد الشعر في ضديده=لن الخطا يطغى على نصف الاحكام
واكبر مصيبه لا ابتلش بالنقيده=شاعر يعرف ان النقد سبّة خصام
ما جيت ابطعن في قرار(ن) تفيده=اللجنه اللي ضمّت شيوخ واعلام
ولا جيت اجرّح واغتنم كل صيده=لنّي صدوق وهقوتي.. هقوة عظام
وما دمت شاعر عارف(ن) وش رصيده=لزوم ابيّن ما طرى باول العام
في شاعر الاردن لمحنا مكيده=تنسج خيوط الخاينه فوق الاقلام
يعني عنا التصويت مضمون قيده=واللي تهقوى.. شاعره طاح ما قام
مثل الذي يزرع هوا.. والحصيده=ريح وهوا.. هبّة اعآصير وانسام
الناس كانت تنطر إثبات عيده=ونصف العلامه إنمحى دون إلزام
كن الشعب جاهل على حطّة ايده=وانا فضحت السالفه وسرّها التّام
يا صاحبي صبرك على ما تريده=لا بد يبقى راعي الحق منظام
لن العدل اقفى ومزنه بعيده=ما همّلت قطره على ظيم الايام
احد(ن) يجي كاشخ وجوفه صديده=قفرا عسيله بالحشا طعمها سام
واحد(ن) يسامي قيمته من عضيده=ولاّ حقيقة واقعه.. حلم واوهام
واحد(ن) يحاول بالحروف البليده=يصنع قصيده ما لها قعود وقيام
واللي تغنّى بالشعر وبنشيده=يستاهل العليا على بدع الاقلام
وش يرتجي من لابة(ن) ما تفيده=هم الفقر دايس عليها بالاقدام
كلن يبي يحفظ غناه ورصيده=ويفني دنانيره على بنت الاحلام
واليا انتخى به شاعر(ن) بالشديده=اقفى وسلّ الخيبه بوجهه حسام
وانا وصلت الاختبار بقصيده=خافوا..وقالوا..كلمتك موج لطّام
قلت: الشعر يسقي وريدي وريده=ولا تغطّي كلمتي طيّة لثام
يعني بفصيح القول: ((نفسي عتيده=هيهات أن ترضى المذلّه وإن دام))
((أنين قلبٍ في ضلوعٍ شهيده=يأبى حياةً كلها محض الآم))
وانا من احفاد الرجال العنيده=ربعي"بني خالد"أجاويد وكرام
صغيرنا يوم القنص جاب صيده=وكبيرنا ينطح ثمانين مقدام
الطيب فينا ساسه.. ولا يبيده=حمل النوايب والدواير والايام
والمرجله لو منزلتها بعيده=نسعى لها لو هي ورا فلك الاجرام
قلت اللي عندي والقوافي سديده=تجعل مكاني باول الصف قدّام
وهذي رساله للعقول الرشيده=مضمونها كشف الحقايق والاوهام
وإن كان في شعري عيوب ونقيده=احكم بها يا سامعي حكم الاسلامكل عام والجميع بألف خير
اخوكم
((عمر السخني الخالدي))

فلاح آل راكان
10-10-2007, 01:00 AM
اررررحب يا الخالدي


وصح السانك وعلى لخرى عانك


جززززززززززززل ونعم بك وفي بني خااااااااااااااااااالد والله اني صادق


تقبل مروري يا الغالي

ابن خضير
10-10-2007, 09:20 PM
بسم الله الرحمن الرحيم
السلام عليكم ورحمة الله وبركاته


صح الله لسااااااااااااااااااانك

وكل عاااااااااااااااااام وانت بخير

سعد القحطاني
11-10-2007, 01:39 PM
ارحب ياعمر

حضورك بهذه الشامخه يشفع لك يالوافي

بيض الله وجهك وصح لسانك مدد

شاعر كفو وجعلك في الوجود يالقرم

لاهنت

.

العبدي
11-10-2007, 04:38 PM
صح لسانك يالخالدي ..

وبيّض الله وجهك على هذي المشاركة ..

وننتظر مشاركاتك المقبلة .. إن شاء الله ..

تحيّاتي ..

عمر السخني
15-11-2007, 09:13 PM
اررررحب يا الخالدي


وصح السانك وعلى لخرى عانك


جززززززززززززل ونعم بك وفي بني خااااااااااااااااااالد والله اني صادق


تقبل مروري يا الغالي

][`~*¤!||!¤*~`][فلاح آل راكان][`~*¤!||!¤*~`][

حياك الله اخوي مرورك يعني لي الكثير
صح بدنك ولا هنت ياالقرم
*
*

عبدالله بن غفره
15-11-2007, 09:46 PM
صح لسانك ياعمر


قصيدة رائعه وجميلة

وننتظر تواصلك وحضورك بعد أنتهاء ارتباطاتك الشخصية على خير ان شاء الله

عمر السخني
26-11-2007, 11:49 PM
بسم الله الرحمن الرحيم
السلام عليكم ورحمة الله وبركاته


صح الله لسااااااااااااااااااانك

وكل عاااااااااااااااااام وانت بخير
ابن خضير
صح بدنك ولا هنت يا الغالي
شرفني مرورك

عمر السخني
09-12-2007, 03:37 PM
ارحب ياعمر

حضورك بهذه الشامخه يشفع لك يالوافي

بيض الله وجهك وصح لسانك مدد

شاعر كفو وجعلك في الوجود يالقرم

لاهنت

.

اخي الغالي سعد القحطاني
لو علمت سعادتي بهذا المرور الشامخ لك لعرفت ما أخفي
مشكور ياالغلا.. ضويت زاويتي باسمك
صح بدنك ولا هنت اخوي

بحر
13-12-2007, 11:24 PM
صح لسانك ياعمر

وخيرها في غيرها

هالبرامج وهالمسابقات اللي يدخلها يتحمل عواقبها وانا اخوك

سلاح ذوحدين وانت ماقصرت وقصيدك وافي وانت وافي

وتقبل تحيات بحر