من قائل هذا البيت مسابقه شعريه في المجالس الادبيه [الأرشيف] - شبكة قحطان - مجالس قحطان

فلاح آل راكان

09-10-2007, 10:43 PM

السلام عليكم ورحمة الله وبركاته

هذه مسابقه شعريه اهداء للمجالس الادبيه

وهي عباره ان يذكر الشخص بيت واحد فقط وعلى المشارك فقط ذكر صاحب هذا البيت

وعلى اللي يعرف اسم صاحب البيت ذكر بيت شعر آخر ويشترط ان يكون يعرف قائله

مثلا

طراة الرجل لالحقه من الزمان اهموم = مايدري بسده كود خيرة بني عمه

من القائل

الجواب الشاعر سلطان بن وسام

واستلم يلي بعدي

رفقة الطيب اليا غير اطباعه=اشهد انها كيتن توجع اوجاعي

؟؟؟؟؟؟؟؟؟؟؟؟؟؟

ارجوا التفاعل يا القروووم

سعيد ابن دماث

09-10-2007, 10:56 PM

السلام عليكم ورحمة الله وبركاته

لاهنت ياذيب

وهذا الجواب/الشاعر سعد ابن جدلان

استلم البيت

من لايقدم شذرت السيف والكيس = يصبح عليه من الليالي ثلومي

مشخص الفهري

09-10-2007, 11:24 PM

فلاح ال راكان هذه

مواكبه لابداعاتك

لاهنت فكره جيده

اسلم اسم

يابن دماث

هذا البيت للشيخ والفارس

تركي بن حميد

واستلم طال عمرك

رفيقك الي مايجي منه لذات = بع رفقته وامهل على من شراها

العبدي

10-10-2007, 01:30 AM

الشّاعر .. مناحي الشهراني ..

وهذي الأبيات .. لشاعر كبير .. فمن هو ..؟

فـي دربنـا يوجـد مطبـات وحيـود = والمخطي اجمل من كلامه سكوته

والكبر في سلم الرجاجيـل منقـود = راعـي التكبـر قامتـه طـول فوتـه

ويكون أحسن لو نركّز على شعّار قحطان .. من غير قصور في باقي الشعراء ..

والأمر متروك لكم ..

سعيد ابن دماث

10-10-2007, 02:40 AM

عبدالوهاب آل راضي

11-10-2007, 12:26 AM

بسم الله الرحمن الرحيم
السلام عليكم ورحمة الله وبركاته

ما شالله عليك يابو ناصر

الاول دايم بالعلوم الجزله

ابن دماث مساك الله بالخير طال عمرك

احد(ن) على جاره بختـري ونـوار++++واحد(ن)على جاره صفات(ن) محيفه

هذا طال عمرك : مقحم النجدي

اللي بعدي بغينا راعي ذا البيت لاهنت

من الضيم يا عقاب السرب عارضي شاب... وادويت مـن كثـر العنـا واستخفيـت

تحياتي

ابو مبارك القحطاني

11-10-2007, 01:02 AM

عبد الوهاب ال راضي

البيت السابق للشيخ سعدون العواجي العنزي

استلم نفداك

لو لاي اخلي كل سيلٍ ومجراه = ماصار لي عند النشاما سبوحي

لا شفت من هو يدبل الكبد بحكاه= صديت منه وقلت انا ابخص ابروحي

عبدالله المهداني

11-10-2007, 02:08 AM

فلاح يا فلاح

بيض الله وجهك على هذا الموضوع الاكثر من الراااااااااااائع

المووووووضوع

مثبت

ولك وللجميع تحياتي

عبدالرحمن المقباس

19-10-2007, 03:24 AM

بسم الله الرحمن الرحيم
السلام عليكم ورحمة الله وبركاته
اتوقع والله اعلم ان البيت لذعار بن مشاري ابن ربيعان وقصيدته المشهوره
يامعذربين التتن لولاه لولاه 000لولا شرابه ياعرب وين اروحي
والله لولا العظم يو اني املاه 000 اكويه بالجمره ويكوي جروحي
مع دلة ن صفراء على النار مركاه 00 اقصر بصبتها على كيف روحي
فنجالها يشدي خضاب الخونداه 0000 الجادل اللي عند اهلها طوحي
00000000000000000الخ
والله اعلم

عبدالرحمن المقباس

20-10-2007, 03:41 AM

بسم الله الرحمن الرحيم
السلام عليكم ورحمة الله وبركاته
اما البيت اللي ابحطه للمسابقه فهو :
ترى بعض العرب عمله بروحه مثل عمل سراج 000يضووي للعرب والنار في جوف المسيكيني
وشكرا

ناصر مسفر ال حمد السنحاني

22-10-2007, 04:40 AM

عبدالرحمن المقباس

الله الله

هذا الملك فيصل وفيها يقول

انا متحيرٍ ماادري عن المدخال iوالمخراج=الا واعمس رايي مالقيت اللي يقديني

الايا مجيب دعوة من تصافق قوقه الامواج=أنابحماك ياوال الخلايق لا تخليني

ألاياوجْدروحي وجدمن خلّوه بالمسهاج=كسيرالساق بنحورالمعادين المغلّيني

الى من دك هاجوسي ولو اني على ديباج=ولو جَنّي جميع البيض غيره ماتسليني

اللي بعدي استلم لاهنت

بابي من وددته فافترقنا***وقضي الله بعد ذاك اجتماعا
فافترقنا حولا فلما التقينا***كان تسليمه علي وداعا

العبدي

28-10-2007, 03:31 PM

هذي للشّاعر \\ أبو الطيّب المتنبّي ..

ياللي عقبي ..

تفضّل ..؟

من كثر ماله ساروا الناس برضاه = ولو كان ناقص قالوا الناس وافي

فالمال كم ساس ٍ طمان ٍ وعلاه = والفقر كم حطم روابع سنافي
.

وأتمنّى من الأعضاء المشاركين .. المشاركة بأبيات لــ شعراء قحطان ..

تحيّاتي ..

النوحي

31-10-2007, 11:17 PM

السلام عليكم ورحمته الله يالقحاطين

القايل هو حمد بن هادي المسردي القحطاني

إلى بعدي

يالشهم يالضرغام يابن الصواريــــم ... من هضبة يصعب مراقي طرفها

حلال صعبات العقود المبـــــاهيــــم ... الى جات من ناس كثيـر عجفـــها

العبدي

01-11-2007, 12:16 AM

هذي للشّاعر .. حامد بن مايقة

وقايلها في حياة المرحوم .. الشيخ \\ سعد الحبابي ..

__________________________

من قائل هذا البيت .. وهو شاعر من أعلام الجزيرة ..

أنا خويك في الليالي المعاسير *** ولا الرخا كلن يسد بمكاني!

؟

تحيّاتي ..

الطوفان

09-11-2007, 07:47 PM

القائل هو الفارس والشاعر شالح بن هدلان رحمه الله

انا ليا كثرت لشاوير ما شير = وحلفت ماتي بارز ما دعاني

وانا خويه في الليالي المعاسير = وألا الرخا كل يسد بمكاني

وشوري ليا هجت تواني المظاهير = شلفا عليها رايب الدم قاني

شلفا معودها لجدع المشاهير = يوم السبايا كنها الديد حاني

ماني بخيل ما يعرف المعابير = قدني علي قطع الفرج مرجعاني

ان سندوا صدرت يم الجوافير = وان حدروا سندت لمريغاني

ناخذ بغيران المريبخ مسايير = وما دبر المولى علي البعد كاني

من القائل

ياهل الركاب اللي خفاف المعاليق = ريضوا شويه واسمعوا لي علومي

سرحت من جنب على فكة الريق = وعز الله ان حقي عليهم لزومي

تكفون ياسموا العيال المطاليق = شوق العذارا زاهيات الرقومي

تحياتي للجميع

دعلان

30-11-2007, 12:55 PM

المسابقه ممتازه لكن تحتاج ترتيب افضل وان يسند الى صاحب القصيده

العبدي

12-12-2007, 06:28 AM

مانب متأكّد يالطّوفان ولكن أتوقّع إنها للـ أمير محمد بن هادي وهو مار عل قوم شديد

أنتظر تصحيحك ؟؟

الطوفان

30-01-2008, 08:47 PM

هلا اخوي العبدي واعتذر عن التأخير وبالفعل القائل هو

الشيخ محمد بن هادي بن قرملة

ياهل الركاب اللي خفاف المعاليق = ريضوا شويه واسمعوا لي علومي

سرحت من جنب على فكة الريق = وعز الله ان حقي عليهم لزومي

تكفون ياسموا العيال المطاليق = شوق العذارا زاهيات الرقومي

مامنكم اللي تلهن بالخنانيق = وانا ذراكم عن لهيب السمومي

الا شذي القرم زبن المشافيق = اللي معارضنا بكوم ردومي

وانا جملكم في نهار المساويق = ان جا من العدوان بعض العلومي

اشيل من ربعي من الغيض ماطيق = ولو انهم زعلين عندي حشومي

انا لربعي مثل حامي الاساويق = ومن دون ربعي مثل ضلع زحزمي

وانا ذرا المظهور لانشف الريق = اليا رما المجمول بغطاه يومي

والرزق عند الله بخط التوافيق = والعمر يفنى والفعايل تدومي

انا جوير الفرد حامي المواثيق = اللي جوبه مثل صقع النجومي

الطوفان

نايف بن علي

11-03-2008, 09:53 AM

اقتراح رائح ويحفز الأخوة الأعضاء على المشاركة .

إخواني الكرام استلموا مني هذا البيت :

أقدر الطيب ولو هو عدوي ****** ولا الردي لو هو رفيقي خسارة

تحياتي للجميع ..

سعيد بن مانع

14-06-2008, 02:04 AM

اشكر صاحب الموضوع الجميل ..

نايف

اتوقع ان البيت لعبدالكريم الجباري كني سمعت هالبيت في المسابقه والله اعلم ..

وودي زي ماقال العبدي نفداه .. تركزون على شعراء قحطان لتزيد ثقافتنا بشعرائنا
طيب من القائل :

قالوا فلان مهم يعني من الهم = لا .. قل من الهمّه ومن طنخة الراس
واما زبون الهم والضيق والغم = ماينبلع لو ينمزج داخل الكاس

صقر

22-02-2009, 03:00 AM

طرح مميز ولى عوده ..

سعيد الجهيمي

09-03-2009, 01:14 PM

بيضان وجيه يا راعي الموضوع ومن شارك وتفاعل

ويا سمي والله ما عرفت قايل البيت ولكن نتظر ردكـ

واستلموا يا القروووووم

أنا ما شريت الجيب لأجل اتمنظر فيه = ولا قمت اسوي له مظله ولا عشه
انا شريته لأجل ابحث اقصاه واعنيه = انا أشره على إللي يشري الجيب ويخشه

ابوسعيد النهاري

09-03-2009, 09:05 PM

size=2]السلام عليكم ورحمة الله وبركاتة[/size
]لاهنتو جميع قايل الابيات هاذي طول الله عمرك وعمر القاري الشاعر(((عبد الله بن شايق )))
لاكن الابيات هاذي من قايلها..

ياصاحبي خل قلبي يدله احلاله=القلب لاسج عن موضوعك اريحلي
كنت احسب الوقت معكم يسمح وصاله=ولاسمحلي ولاطاريه يسمحلي
انا ليا جيت عندك صابني حاله=جوارحك كلبوها عنك تشرحلي
الوضع مزري ويؤسف له ويرثاله=حاول على وضع يصلح لك ويصلح لي
اما اعتبرني ذكي ما انت بعلى باله =والااعتبرني غبي مررررررة ووضحلي
ءاليا متا وانا على ذا الحاله=تقودني للخطاواخطي وتسمحلي
مشهورر مررة

سعيد الجهيمي

11-03-2009, 12:53 AM

على فمك الشحم يا النهاري

لبن شايق الله يردهـ

وبالنسبه لقايل ابياتك ماني متأكد لكن ضني انها لبن حمري ؟؟؟

جارف

11-03-2009, 07:26 AM

الأخ ابو سعيد النهاري الأبيات هذي قائلها الشاعر سعد بن جدلان
واستلم مني هذا البيت
الرفيق اللي توده بره بالمجي
مثل ما بريت نفسك بجناب معثور