|||ô||| قحــــطان في200بيت|||ô|||

[رائد عايض القحطاني]

بسم الله الرحمن الرحيم



:71_asmilies-com: صلوا على النبي اللهم صلي عليه:71_asmilies-com:



غني يادانه دآن دان لغانيه =من هيضي وفيضي يدان لادانيه
غني على هدف الضلوع وكوسري =صدري فروع الدوح والاغصانيه
ولعي طرب ياهاجس يهتف شجن =من هاتف الثقلين انس وجانيه
غني بطوق من الذهب يام الذهب =ياهاجسي في الشعر والالحانيه
ايه اعزفي بالناي مزمار الهوى =من بوق عاجٍ لؤلؤي الالوانيه
ايه افخري يام الحسب وام النسب =ياريح بلقيس وضنا ريحانيه
انتي سلاله من تخفى واستتر =من لافظ ابن لاحظ واقرانيه
لك في نسب بلقيس شأنٍ متصل =عصبتك تذكر في الخفاوعلانيه
أدني على يادانه ادني واقربي =في قاب قوسين دنا من دانيه
ياذاعر الطيب بنسايم ثغرها =في أوج ايام الصبا شعانيه
فلا غمرةٍ اسهت قلوب واعيه =ذاب الوتين بغفوه الأعيانيه
فتعزلت عن ديمتين ربابةً=وتحدرت من نسجها الأمزانيه
فغشتني بجنح الضلام وأسدلت =من خندريس الليل مااغشانيه
ورئيت نصب العين قبه صخرتٍ=لون الذهب في اركانها الرمانيه
ورئيت في وجن الصحائف حبرها =من وردتين فى اسقف الرهبانيه
فجبينها شمس المعارف لا اشرقت =وكتبت في حجب النسيج بيانيه
ورمتني بروس الحراب فلم ارى =غير اكحلن برماح (.....)رمانيه
ورشفت من خمر الغرام برشفتٍ=وطلبت سقياء ليلها واسقانيه
رشي على من ربع تولة َ وصبري =حتى نخاشييشي تقول جنانيه
فعليهم ابعد من مرابيع السبع =عن قفقف بين اخشبين حانيه
ورجيت رب البيت ثم رجيتها =ورحيقها المختوم قد ازانيه
فبدت بحرب قمطريريعبسي =اي يعقل المجنون والسكرانيه
وقلبتها صلح الموده وابتسم =الليل وردي والجفاء حنانيه
فقفي على ذكر الدبور المدبري =والله مادله واهتني بسلوانيه
لو بدلت سبع الاراضي والسماء =ولو طابقت سابع سماء الخدانيه
ابكي على سقط اللوء والحملي =العين تيماء والقهر عطشانيه
ايه اسرجي قب المهار السُبقي =وانا عن الهيجاء معن عنانيه
ايه اجرحي وايه اقرحي من خاطري =بالود عماني على الحجانيه
وايه اعلني بعلام وارقام وصور =من راس فنده لسفل الشعبانيه
ياغانيه (...) هلمي واقربي =الحلم فسرته من القرآنيه
ان كنت فرعون الشعر جاك الدرك =الطود يامقرود والطوفانيه
انشبت نفسك في النشب فك النشب =لا تنشب الشبان في الشيبانيه
الالوله قلنا يهايط ويعقل =والثانيه تقدير لل،،،،انيه
والثالثه لا والله الا منهبل =(مصدوع مابك طب ياوجعانيه )
لا تطمر العرفج وتنسى العوشزه =اهجد هجد بلفك لا هجدك ثانيه
(يا....) ماشفت تطبيل العيال =يا(.....) علم بها عثمانيه (1)
المسلمين اخوان ياناقص عقل =لا تشعل الفتنه مبين اخوانيه
انا مانيب ابحر بحور الهلوسه =لا غصت اجيب الدر والمرجانيه
ولا اطرق ابواب السماء ولا استرق =كفرت بالطاغوت والشيطانيه
ون جبت الف يجيك الفين ودبل =الفين يعني الف والف الفانيه
والله لا ادركها وارد اكثر بعد =اغرف بحور ولا جذبت السانيه
من فضل ربي يوم ربي مدني =امداني بليلين نعم امدانيه
ابدى بعد ماتدبح نجوم السماء =وانوم واصحى بين همل وآنيه
العوشزه حلم يفسره الصحيح =أمن الكتاب وماروى الشيخانيه
اشراط ساعه علمها في علم غيب =مايعلم بغيب السماء انسانيه (2)
ياهاجسي قد البحر قد البحر =وترك طريق ملهي الرعيانيه
مغيب شمس امس انزعت لضعانيه =من ولب هيش واقب زريانيه
جفل زراديم تحن وترزمي =نتف ثعانين الجمال وكانيه
وقفى عليها اوفينخ يردي هوى =وعلى شعفها عرشي زنانيه
هيج هجاهيج هجيج هُجلي =خف خف لها بخفافها القيعانيه
يسمع حنين الزمل ملا يفقهي =السبع والسائم وابو جنحانيه
ولا الاوادم خرس صم تببت=طبعت قلوب الفسق والرديانيه
وتالاحق الركب المهيل بجرهد(ن)=ولا اخلص المديون والديانيه
ودنو لبنت الشيخ عظم في قدح=وحليب صفرا تشربه في آنيه
وانا ورفيق الجنب ننضر ماجرى =وثر الهوى في قلبه الهيمانيه
الله يعفو عن عيون (ن) ساهره =نديمها نجم السماء السهرانيه
وفي غفوه من بضع ساعه كن اني =سمعت مزمار رعش وجدانيه
الا وهاذا صاحبي متمثلاٍ =ببيات شعر ردها ولهانيه
سائلته برب جمعنا من شتت =عن سر عشق ولف الاثنانيه
فاأماط من بين الاثاثي صمصما =ارمابها من خلف او اغوانيه
فرئيتها في فمه جمرتلتهب = فأجابني عن سرها وافتانيه
اولم ترى ضعن الاحبه قد نزح =بقيت الاثار ولا بقى اوطانيه
فحّدقت جنحانه بلمح من البصر =فئذا به طير عظيم كيانيه
واذا بمجحوده على متنه كما=عصفور سدر ناط بالاغصانيه
فشهر بنا حتى تبين ماغباء =ورئيت من خرشاء رجوم دانيه
فعرجبي من اقطار سبع في سبع =ونفذبي من اقطارها السلطانيه
ايه استطعت بموهبه من خالقي =جزل العطايا بمدته اعطانيه
فا امرت طيري بالهبوط على الجزر =ورئيت رعبه يرعد الامتانيه
فنهرته اهبط لا تهاب ولا تخف =ثكلتك امك محزمي مليانيه
فرخى عضوده كاسر الجنحانيه =ودوى على راس ابرق ببيانيه
وادرت دربيلي على جزر البحور =ارض خلقها الله عضيم الشانيه
خلٌقت لقوم قبل آدم يخلقي =بلفين عام و تؤي الخزانيه
وقرئت عشر من بدايات الكهف =وثلاث من قل وآخر العمرانيه
واذا ببو كردوس هاذي كنيته =واعوذ بالله واسمه الشيطانيه
ملك على جزر البحور ومن بها =فترجل ال***** بالقيفانيه
وحقرته بنضرته عيوني سافهه =حتى عرف قدره من الحقرانيه
وتركت مرسولي يعلمه الشقر=وندمت حين اشرت له ببنانيه
فلقد رفعت مقامه انش(ن)ونص=وحقيقه ان قدره هو السفهانيه
ورفعت عن دار الوباء سوالمي =وتركت في وادي الهيام زبانيه
امشي ملك واثق خطاء كني ملك =مترفع متئبط شامانيه
العب على المنكوس حتى اروبعه =حفر ودفن لين انتكس عريانيه
ووضعت راس ابليس هابي في قلص=وعدلت وسق الثاني الكرعانيه
وعجبت في ضعوف العقول مصدقه =الاعور ويدجل على العميانيه
ياهل ترى الصم البكم تشهد بحق =شيطان اخرس مضمر الكتمانيه
ياهل ترى العور العمي شمس وقمر =العمي عمي ولا ترى النورانيه
ياهل ترى تنضف قلوب مجخيه =من فسقها غطاء عليها الرانيه
ياهل ترى اهل الكبر و الغطرسه =ان التواضع يرفع الانسانيه
ياهل ترى تصفى النفوس المشحنه =او تندفن بالحقد والاضغانيه
ياهل ترى تبرى الجروح وتنسي =لا والذي ماسن له نسيانيه
ياهل ترى تبرى الجروح و تلتئم =جرح الغلا يمكن مع السلوانيه
ياهل ترى تبرى جروحك ياالدهر= هاذا اختلفنا فيه في جرحانيه
ياهل ترى تبرى جروحك يالزمن =بعض الجروح يدوم في الازمانيه
ياهل ترى للحض شيطان وملك =لا اعلم الا للقرين اقرانيه
ياهل ترى للحض بيع ومشترى =والله لحرجبه على السيسانيه
ياهل ترى ويبدل بليل دغوش =ألآش ماش الا أش ياجحشانيه
ياهل ترى انك عنتر العبس وحيد =لا والله الا ضايع وغلطانيه
ياهل ترى تعقل وتركد يا(....)=ولا عطيتك من سعوط (...آنيه)
ياهل ترى يسب القبايل عاقلا=ماسبهم غير اجهل الصبيانيه
ياهل ترى مالم ترى غيرك يرى =الهيق راسه فى الثرى بردانيه


يتبع

[رائد عايض القحطاني]

من امرؤ القيس اسمعو علم وخبر =صب الذهب في قالب وقلبانيه
من ذاء القروح وماجرحه من الدهر =شواش راس وعاشق ولهانيه
هام بهوى عنيزه وهام بخدرها =عشق الغواني يهيم بالشبانيه
فحل من فحول الشعر لو انضلم =من دكه الواشي ومن حسدانيه
آكل المرار وسقي من كاس الغدر =في خندريس بجبه الرومانيه
عصبت ورثه من بعيد ومن قريب =وعصبت راسي شاعر ودجرانيه
انا ورثت الادرع الخمسه علن =وقيد الاوابد هيكل السرحانيه
من راس جدي امرؤ القيس انهلا =بنات فكر مبهمه وسمانيه
جدي ولاكن مات كافرو يهبا=مسلم وجدي عابد الاوثانيه
وانا ورثت العز جيل بعد جيل =من صلب يعرب عالي الجدانيه
ولا فرق من بين اعربي واعجمي =الا بتقوى الله والايمانيه
يعرب وما يعرب على السان العرب =فخر العرب عز العرب والعانيه
حنا العرب ساس العرب واصل العرب =قحطان ياجاهل بني قحطانيه
من عاد لا ثمود وادينا مغيث =بجبال رمل فى اليمن وعمانيه
قحطان بركان العرب لا ثار ثار =يقذف حممه من الغضب بركانيه
قحطان لابه من قديمات العصور =متمسكه بسلومها للآنيه
حنا قحطان اصل العرب فصل العرب =مليون نعم ونعم ياقحطانيه
غصب على كبار العرب وصغاره =وغصب على الحساد والعدوانيه
حنا قحطان وجدنا هود النبي =يشهد بها التاريخ والحسبانيه
حنا الفخر حنا الضفر سعد الضفر=ايه افتخر في عزوتي قحطانيه
امدح بني عمي مقابيس الدجى =لا عنكب البارود والدخانيه
يردون لحياض المنا يا كنهم = قيف ورد قيف بغنى وطربانيه
ولا خير فى الي مايثبت حجته =بالفعل والشاهد على البرهانيه
ولا خير في الي يهضم حقوق العرب =بالزود والتزيف والبهتانيه
اعلى منازلنا على بحرالعرب =ضخام العمد في خدمه الضيفانيه
في ضلها آسود وحرار ندري =ستر الكواعب داعجي الاعيانيه
واسفل منازلنا على شط الخليج =لديار ابن يآس وهوى الاضعانيه
يبرالها آلموت الحمر يبرالها =اهل الفعايل من قديم ازمانيه
ولنا على نجد العذيه موردا =عين اليمامه مورد الكهلانيه
ولنا على نجد العذيه موكرا=وكر الحرار وموكر الشيهانيه
فيها رموس شامخه فعل وذكر =آثار للشجعان والقيفانيه
دخيلنا في وجيهنا ماينضهد=قرعي وردي شان في العربانيه
والجار نستر غيبته ونحشمه =والسيئه نجزيه عنها احسانيه
نفدى القصير بدم فلذات الكبد =مثل المهادي وجيره السبعانيه
اوفاء مفرج مع محمد قصرته =يانعم بالجيره وبالجيرانيه
وخوينا ناخذ بثاره لو بعيد =من بدنا لا ندنا لو دانيه
ببدى وعدد في جدودي لين لين =لين الحق بهود النبي جدانيه
من لاد عاطف لا احتمى الحرب بوطيس =اطلع كما قريويش للفرسانيه
اوما بسرج المهره وبعنانها =الفين فارس في نضره اثنانيه
لمن تعزوى بسمحه ارخت اذنها =ووتنهضت مثل اشقر الجنحانيه
الآد عاطف مثل شر(ن)منزلا =ويرد شر الارض عنه الشانيه
عضم النحر وحتات قرن يدهر =لا عنكب البارود والدخانيه
لعمس اطباء الحاضره والباديه =عضم النحر يشطى على الشريانيه
لا يحدر ولا يسند انجاء معترض =يبلش به الدكتور والكهانيه
عواطف ياسعد منهم عزوته =ينزاح همه لو كبر بترانيه ()
وقباس ناره ماطفت لا ماطفت =(قباس )بن( محسن )على (حفيانيه )()
قباس جدي الاول وشباب ضو =راعي مغازي من عصور فانيه
سموه قباس الدجى لانه فحل =يامر على الصناع والرعيانيه
ربعه على ضوه تلافى وتحضر =واسمه محمد واللقب عنوانيه
ومفرح حفيان في اللقاب البدو =لا والله الا راحو البدوانيه
وجتنا حضارات الشعوب المارجه =تقليد شرق وغرب وامريكانيه
من قلد الكفار يمرج مثلهم =يالعنبو العريان والعريانه
لعيون آناس ونوف رمحي ملحما =ولا ودي آعرضه للفسقانيه
ويعقب ويخسى من يكذب مادرى =الصدق سيفي والقصيد حصانيه
الحد لو موس صغير مبردي =يحرق كبود ويقطع الوردانيه
والذل ماينجي الضليم من الهدد =الحر يهوي لو حيا مرشانيه
والحق مثل السيف يهطاء ساطيا=يضهر على الباطل وهو زهقانيه
والكذب ثوب منشلح وجه وقفاء =لا يستر ولا كذب الصدقانيه
من قال انا وانا وانا وانا وانا =يكسب مذمه لانه الآنانيه
ومن قال انا الكامل نقص والله نقص=الكامل الله يابني الانسانيه
ومن قال انا متكبر ومتغطرسا=يهطاء عليه من الزمن كبرانيه
اما هرم او جاه عايل يقهره =ويمسي اذل من اصغر الصيبانيه
والرابح الي لا يضْر ولا يضَر=في ستر ربي صاين ومنصانيه
ومن قال انا اثقل وارجح من فلان =وش وزن ابن مسعود في الميزانيه ()
من قال انا المعجز تعجزه الرجال =ويقعد على عجزه وهو عجزانيه
ومن قال انا ابن البلد في ذا البلد =يضهر عليه من البلد ولدانيه
اغرب مجاني في حياتي من القصص=ثلاث واروي زهره البستانيه
عينت لي طفل صغير في العمر =مابين خمس وست في الاعيانيه
دعاني ولبيت له واصغيت له =وطلب من الدنيا بعد مدعانيه
هرجه تقول هروج شايب حين قال =انا وانا وانا عضامي وآنيه
طلبني وشحيت بالمده عليه =والله أعلم وش جرى في ثانيه
وجنحت عنه وقال وقف وادن لي=قلت العجب ياصغير الاسنانيه
قلت اسرع وقلي تراني منشغل =وقلت الله اكبر وسمعي ياذانيه
والله دهشني حين قبل خدتي =اقسم برب البيت قدا ادهانيه
حتى الصغير يهرج بهروج الكبار= لا والله الا حآن ماقد حانيه
وعلمت بنا في آواخر ها الزمن =الله يستر يآخر الازمانيه
وعندي نصيحه للشباب المنحرف =في الدين والاخلاق لا تعصانيه
وانا مقصر ماكتمل عقلي بعد=وقلبي خضر لبيه (يال......)
الاوله لا ترتجي منه بشر =ارجى الكريم المعطي المنانيه
والثانيه صل الصلاه بوقتها =اقضب عمود الدين والايمانيه
والثالثه وصل الرحم في امك وبوك =ترضيهم ويرضابها الرحمانيه
والرابعه خلك شجاع مقدما =الموت واحد والشجاع معانيه
والخامسه لا تبخل بدرهم وقرش =هاذا وصخ دنيا دنيه فآنيه
والسادسه اصدق بقولك لا نطقت=وصادق صدوق وكذب الكذبانيه
والسابعه لا تضلم وتطغى بجور =ياهي نهايه هشله الطغيانيه
والثامنه لا تستمع شور المره =لو كانت امك ماكتمل نقصانيه
والتاسعه خلك مثل طير الهداد=لا شام شام ولليمن يامانيه
والعاشره قدم على اليسار يمين =في كل موقف ياطويل ايمانيه
ولاشفت ابو عيون (ن)تبارق جنبه=لا بوه لابو خوه الخوانيه
يضحك معك بالسن وقليبه حقود=يحمسك في سمه ابو نيبانيه
وعطف على المسكين وجبر خاطره=لو ببتسامه ناجدك احسانيه
ولامن سلمت المره الاولى اعتبر=احذر تعود وتندمر في الثانيه
وضرب الاسد يستئدب الجرو الصغير=اقسى على القاسي برمح وزانيه
ولامن رميت بندقك عنز لها =الرميه الاولى على النيشانيه
هل هامت الشعارصم صمصما =اوهامت الشعار في الوديانيه
الشعر مايسهج ولا يفسر بضن=الشعر غبه تطمي الحيتانيه
الشعر من غاصه هوس يشرق هوس =الشعر فن وذوق سر امعانيه
الشعر ساحه للكبير وللصغير =مايحتكره افلان والا فلانيه
ميتين بيت مثل طيب في جمر =وانوج من اليشموم والريحانيه
ميتين بيت مثل قطف من زهر =من نرجسيه زهره البستانيه
ميتين بيت مثل جني من ثمر =لا اينعت حبلا الغصون الدانيه
ميتين بيت مثل غرف من بحر =مابين بين وبينها نهرانيه
ميتين بيت مثل نحت في صفاء =تزكم بها الثقلين انس وجانيه

وسلامتكم