المساعد الشخصي الرقمي

مشاهدة النسخة كاملة : من راس عود في الملاقا ما يفر*****الشاجع اللي صيتة يروم الرجوم


عبدالله المهداني
02-05-2005, 04:30 PM
نبدا بذكر اللي عيونة ما تنام=اللي خلق خلقة بهم رحمانية
بأمرةيسير الفلك في غبة بحر=وأمرة على خلقة مقدر ومحتوم
خالق عبادة لصلاه ولصيام=والخلق في دبرة عظيم الشانيه
أدعيه يغفر زلتي سر وجهر=ويجيرني لا مت من لفح السموم
من بعد ذكر الله نظمت الكلام=انظم بيوت الشعر بالقيفانية
وأغوص بالأبحار واخرج درر=وانقا الذي ما دامت الدنيا يدوم
أختار جزل الهرج وأكب الخمام=وارقا ولا احب الهروج الدانية
وأحب توضيح المعاني واليسر=وابقا كما نور تنوض به النجوم
والقسم بين الخلق من راس السنام=من ساس قصر مجود الأركانية
من راس عود في الملاقا ما يفر=الشاجع اللي صيتة يروم الرجوم
قداني لدرب السلامة والنظام=ايقول تتبع سيرة الجدانية
درب يقدي للمعالي والظفر=تظفر بدربك في مخاوات القروم
ويقول صل فروضك الخمسة تمام=يدخلك ربي جنة السلوانية
واعن المحارم يا ولد غظ البصر=وارضا بقسم جاك من بين القسوم
واصبر على ضرب الخناجر والسهام=ولا تبيح السد لأي انسانية
واركن على الله والله يحل الامر=حلال كرب العبد رحمن رحوم
ويقول خاو اللي تشوفة لك حزام=ان ضقت صار اقرب من الإخوانية
يبقى عصب كفك على طول الدهر=وإن جاه سر منك يحفظة وكتوم
يبقى معك حدة كما السيف الحسام=وان شاف غلطة قال يا الغلطانية
يصلح الغلطات ما هو ينتظر=ويقول هذا الصح يازومان قوم
ويقول لا تمشي مع راعي الحرام=اخباث الانفس طوع لشيطانية
تظحك لك الاسنان والنية غدر= والغدر يا عباد من فعل الرخوم
هذي نصيحة عود جعلة ما يظام=الله يبلغة القطوف الدانية
يحفظة رب البيت ويزيدة عمر=ويجنبة بقعا ويكفاه الهموم
نصيحتة تبقى على صدري وسام=وأعمل بها ولا تجيني وانية
وأحفظ كلامة لين ما أدخل في القبر=واسلك مسيرة شايبي راعي السلوم

ذيب العبيدي
02-05-2005, 04:46 PM
ويقول خاو اللي تشوفة لـك حـزام=ان ضقت صار اقرب من الإخوانية
يبقى عصب كفك على طول الدهـر=وإن جاه سر منك يحفظـة وكتـوم



عبدالله المهداني



نص يفوح بالشموخ والاقتدار


صح لسانك ولاهنت


لله دره من شايب ربى مثلك


تحياتي لك



العبيدي

عبدالله المهداني
02-05-2005, 04:55 PM
الاخ ذيب العبيدي

الله لا يهينك

وصح الله بدنك

مرورك فخر ووسام على الصدر

جعل ايامك سنين

فارس قحطان
02-05-2005, 05:48 PM
اخوي عبدالله المهداني

صح لسانك على هذه القصيده

وجعل شايب(ن) جابك في الجنه

ابن عاصم
03-05-2005, 12:02 AM
من طول الغيبات جاب الغنايم

صح لسااااااانك ياعبداالله

حسين الحبابي
03-05-2005, 12:13 AM
صح الله لسانك



كفو كفو



لاهنت

عاشق الوطن
03-05-2005, 09:53 AM
صلو على محمد


ويقول لا تمشي مع راعي الحرام=اخباث الانفس طوع لشيطانية
تظحك لك الاسنان والنية غدر= والغدر يا عباد من فعل الرخوم
هذي نصيحة عود جعلة ما يظام=الله يبلغة القطوف الدانية
يحفظة رب البيت ويزيدة عمر=ويجنبة بقعا ويكفاه الهموم
نصيحتة تبقى على صدري وسام=وأعمل بها ولا تجيني وانية
وأحفظ كلامة لين ما أدخل في القبر=واسلك مسيرة شايبي راعي السلوم



صح لسانك

والنصيحه صادقه تستحق الشكر

عاشق وطن

عبدالله المهداني
03-05-2005, 11:45 PM
ارحب يا فارس قحطان
وصح بدنك
والله لا يهينك على المرور

عبدالله المهداني
03-05-2005, 11:48 PM
ارحب يابن عاصم
والله يطول عمرك على عز وعلى طاعة
مرورك شرف كبير
وانا اشوف ان موضوعي بدون مرورك ولا شي

عبدالله المهداني
03-05-2005, 11:51 PM
حسين الحبابي

صح بدنك

ولا عليك زود

وجعل عمرك يطول

مرورك فخر يا وجه قحطان

عبدالله المهداني
03-05-2005, 11:54 PM
عاشق الوطن

الله لايهينك على المرور

وصح بدنك على كل حال

والله يقدينا على العمل بهذه النصيحة

تركي الفهري
04-05-2005, 03:22 PM
صح لساااانك ياعبدالله
على القصيده


وسجل اعجابي الشديد بك

ولاتحرمنا من جديدك

عبدالله المهداني
07-05-2005, 07:22 PM
صح بدنك يا تركي
وجعل ايامك سنين
مرورك يسعدني
والله لا يهينك
وتبشر بالخير يا ذيبان

ابن كشم العبيدي
10-05-2005, 02:15 AM
صح لسانك...
وجعل ابوك الجنة...

عبدالله المهداني
12-05-2005, 11:40 AM
صح بدنك يالعبيدي
والله لا يهينك
وشكراً على المرور