حزني على / خالد بن ذيب !

[خالد الحصيّن]

تعبير كيبوردي بسيط .. في حق فقيد الجميع

الشيخ / خالد بن ذيب بن شفلوت .. رحمة الله عليه !


/




محدٍ كشف حزني سوى نبرة الصوت = وصمتي ودنّاقي .. ومحجر عيوني
اظلم علي الليل .. والصدر مكبوت = لين اختلف فكري وشكلي ولوني
الله حسيب الموت .. يا سكرة الموت = اللي خذا راسي .. وخلاّ متوني
يوم اغتشانا العلم .. والعالم سكوت = حسيت بالفرقا .. وزادت جنوني
وانا وكل آل العجي .. وآل شفلوت = كلٍ يقول من البكا .. دثّروني
يابو عشق واسمك على المجد منحوت = وزولك لو انك مت .. خلفي ودوني
لك هيبةٍ تبقى .. عمى كل سربوت = ولك وقفةٍ تهدم كبار الحصوني
والمعضله لا استفحلت .. شاتّها شوت = تصغر .. وتكبر فيك كل الظنوني
وطيت باقدامك على راس حتحوت = اللي علينا يحسب انه يموني
ما كنّك الا سيف .. في عين جالوت = وكن الوفا في ذات شخصك .. زبوني
الله يبيحك .. يا ذرا كل مبهوت = في ساعةٍ فيها تطير الجفوني
ينجيك من ينجي نبيّه .. من الحوت = لا قال انا امري .. بين كافي ونوني
عساك عتقٍ من جهنّم ومفلوت = ويرخي على قبرك حقوق المزوني
قلته وانا ما املك سوى .. ارثيه بـ.. بيوت = وعبّرت باحساسي .. لكن سامحوني!

[فلاح آل راكان]

صح الله السانك يا خالد


والله يرحم الشيخ خالد ويغفر له ويدخله الجنه

[عبدالله المهداني]

صح الله لساااااانك يا خااااااااالد


والله يرحم ابو عشق



ويبيحه



تحياتي

[خولان بن عامر]

الحمدلله على كل حال لله ما اخذ ولله ما اعطى

وانا لله وانا اليه راجعون



ابوفيصل


حزن الشيخ /خالد الله يرحمه على قحطان كافه وفقيدة علينا كلنا ولكن هذا اجل محتوم



ولكن حزن هذه القصيده حزن اخر لانها كانت تعبر الشي الحقيقي اللي انا اعرفه عن خالد الحصّين.




الله حسيب الموت .. يـا سكـرة المـوت
------------------------------------اللـي خـذا راسـي .. وخـلاّ متـونـي

رحمة الله عليه اسأل الله العلي القدير ان يتغمده بواسع رحمته في هاذي الليالي المباركه وجميع اموات المسلمين



واخيراً ما اقول الا صح لسانك وانت عارف رايي في كل ماتكتب وتقول.




تقبل تحيتي

[عبدالله بن غفره]

صح الله لسانك ياخالد


رثائية رائعه تكتب بماء الذهب



رحم الله الشيخ خالد بن ذيب والله يسكنه فسيح جناته
والعزاء على قحطان كافة

[أبــــــــ فهيد ـــــــن]

صح لسانك والله يرحمه

[سعيد بن مسعود آل مهدي]

خالد الحصين

صح لسانك ولا عدمناك ياسنافي والشيخ خالد فقيدة

ونسأل الله أن يغفر له وأن يسكنه فسيح جناته

أبيض وجه وهذا نابع من محبه صادقه

وهذا حال الدنيا

تمسي وتصبح

ونسأل الله ان يرحمنا جميعاً

تقبل تحياتي

[محمد الحركان]

صح لسانك يابو نجد

والله يرحم ابو عشق رحمة واسعة

لاعدمناك يالسنافي،،،،،،،،،،،،

[سعد القحطاني]

الله يغفر لبو عشق ويسكنه فسيح الجنان

فقيدنا جميعاً

الله يعوض ذويه وكل من آلمه فقده خير فيه ويلهمهم الصبر والسلوان

ومن ناحية القصيده

نقول صح لسانك يابو نجد وبيض الله وجهك

شاعر كبير وغني عن كل مانقول

لاهنت لاهنت .. وعظم الله اجرك

.

[ما يحتاج]

صح الله لسانك ياخالد


رثائية رائعه تكتب بماء الذهب



رحم الله الشيخ خالد بن ذيب والله يسكنه فسيح جناته
والفقد على قحطان كافة

[مهدي بن مسفر الحبابي]

الله يرحمه ويغفرله ويسكنه فسيح جناته


أخوي خالد الحصين صح الله لسانك


وبيض الله وجهك


تقبل أحترامي وتقديري

[سعيد ابن دماث]

صح والله لسانك........ خالد


ولاهنت ولا هان كيبوردك

ابوعشق والله انه فقيده على الجميع الله يغفرله ويرحمه

الله يبيحـك .. يـا ذرا كــل مبـهـوت
فـي ساعـةٍ فيهـا تطـيـر الجفـونـي

بيض الله وجهك


وتقبل تحياتي......

[ابن خضير]

بسم الله الرحمن الرحيم
السلام عليكم ورحمة الله وبركاته

صح الله السانك يا خالد


والله يرحم الشيخ خالد ويغفر له ويدخله الجنه

[حسين العبدي]

صح لسانك ياخالد


رثائيه غير


والله يرحم الفقيد

[العبدي]

صح الله لسانك .. يالحصيّن ..

ورثائية تليق بشخصية محبوبة مثل النقيب خالد بن ذيب ..

لاهنت

[سعد بن مناحي بن شفلوت]

الله يغفر له ويرحمه

ويحسن عزا الجميع



صح الله لساانك يابونجد

وافي ولا انت بهافي

عساك في الوجود

تحياتي

[فيصل العبدالله]

ارحب يابو نجد
صح لسانك ترليون
ورحم الله الشيخ خالد بن شفوت
فقيدنا كلنا
لاهنت

[بشر ـــ إبن شويل ــبن حرب]

صح لسانك
وعسى الله يجعل أبو عشق من ضيفان الجنة

[شاهر الفهري]

السلام عليكم ورحمة الله وبركاته


لاهنت يابونجد


وندعوللفقيد بالرحمه الواسعه

[شامانـ العاطفي]

صح الله السانك يا خالد


والله يرحم الشيخ خالد ويغفر له ويدخله الجنه

[سعيد بن سعد]

الله يرحمه ويغفر له

وصح لسانك

[فارس قحطان]

السلام عليكم ورحمة الله وبركاته



صح الله لسانك يابونجد


انت شاعر موقف بما تعني الكلمه


والدليل هذه القصيده المعبره والتي ظهرت في موقف مهول !!!


رحم الله ابوعشق

وجعل مثواه الجنه



.

[مسفر الحصين]

السلام عليكم ورحمة الله وبركاته

الله لايهينك يابونجد والله يرحم ابوذيب

[طارق القويفل]

وانـا وكـل آل العجـي .. وآل شفلـوت
كـلٍ يقـول مـن البـكـا .. دثّـرونـي
يابو عشق واسمك علـى المجـد منحـوت
وزولك لو انـك مـت .. خلفـي ودونـي
لك هيبةٍ تبقـى .. عمـى كـل سربـوت
ولـك وقفـةٍ تهـدم كـبـار الحصـونـي

صح لســـانك يابو نجد ..قصيدة جزلة من شاعر جزل ..

والله يرحم ابو ذيب رحمة واسعه ..

ويرحمنا ويرحم اموات المسلمــــين


تقبل مروري

[الحب الدائم]

صح لسانك يابو نجد


ارجع لها كثيرا كل مادخلت هذه المنتديات



لانها قصيده جزله ولها اثر في نفسي

[عايض الفهري ابوبندر]

صح لسانك


لاهنت

بيض الله وجهك


يعطيك العافيه



تحياتي