أبغى رايكم في قصيدتي يا عيال جدي و شعراء المنتدى تكفون

[ابن عشان الحبابي]

هذي قصيدة وأريد رايكم فيها بما أنني متذوق للشعر ولست شاعر(وهي بسبب بعض الحاسدين لقبيلتي على سمعتها في الحاضر والماضي والحمد لله فرديت عليهم بهذه الأبيات المتواضعة ولا أريد أن أذكر ام قبيلت المتكلم ولا أسمه لكي نستر عليه ولا نرفع من شأنه)
يقول :

ياهيه يالي تدعي بالرجولة=رجولة الرجال ماهي بالأقوال
الرجل واما تثبتنه فعولة=في ذمتي ماهو بيحسب برجال
وإن ما حدن رباه عند الطفولة=ماعاد ينفع فيه تعليم وأمثال
ياالطفل عندي لك كلام وبقولة=لو إن كلامي مايوجه للأطفال
تخطي علي وأفعول ربعك خجولة=ماتدري إن ربعي يهزون الجبال
حنا استحلينا بحور الرجولة=وحنا حميناها من الجال للجال
وحنا لنا في الطيب صولة وجولة=وإن عدو الأبطال حن روس الأبطال
خوينا في الضيق بنكون حولة=وعدونا يشرب من المر فنجال
(حنا حباب وصيتنا من يطولة=امعشية عزام ذربين الأفعال)
رح راجع التاريخ عرضه وطولة=تلقى لنا في ساحة الطيب مدهال

وسلامتكم

أبغى رايكم في القصيدة بدون مجاملات
وخاصة شعار المجلس
واتقبل أي انتقاد بنى

[عين الحر]

ربعي حباب وصيتهم من يطوله.... امعشية عزام ذربين الافعال


ونعم في ذمتي وبيض الله وجهك وصح الله لسانك يالذيب

[فلاح آل راكان]

الله الله


يا الحبااااااااااااااااااااابي والله ومليون نعم بك وبربعك الحباب

صح السانك وعلا شانك

جزله وهي قصيدة موقف صار لك مايحتاج


لاهنت يا القرم

[ابن عشان الحبابي]

ما عليكم زود أنتم ربعنا ومنا وفينا واللي يزدكم يزيدنا وأنتم كذلك

[ابن خضير]

بسم الله الرحمن الرحيم
السلام عليكم ورحمة الله وبركاته


صح لسااااانك

والله يحفظك

[أبــــــــ فهيد ـــــــن]

صح لسانك يا الحبابي وبيض الله وجهك

[عبدالرحمن المقباس]

بسم الله الرحمن الرحيم
السلام عليكم ورحمة الله وبركاته
بيض الله وجهك يا بن عشان وعز الله انها قصيدة ن جزله ومتماسكه وقويه كالرصاص
ويا ما احلى بيتك:
يالطفل عندي لك كلام وبقوله 000لو ان هرجي ما يوجه للاطفال
لافض فوك والحباب مثل الجبال الرواسي وعز الله انهم ينومسون قحطان كلها
تحياتي

[سعد القحطاني]

ارحب يابن عشان

بيض الله وجهك

وسبعين نعم بك وبربعك

والقصيده جميله لكن بما انك طلبت الآراء

انا عندي ملاحظه بسيطه وهي لاتعيب النص

تخطي علي وأفعول ربعك خجولـة
ماتدري إن ربعي يهزون الجبـال

في وزن العجز ( الشطر الأخير )

لو قلت مثلاً

ماتدري إن ربعي عمى كل عيُال
ُ
يكون الوزن سليم 100%

وكذلك الشطر التالي

امعشية عـزام ذربيـن الأفعـال)

لو تقول ( معشية سرحان ذربين الأفعال )

يكون انسب واقوى .. والله اعلم

هذا رأي اخوك المتواضع وانا لست ناقد وإنما متذوق

عموماً لاهنت وجمل الله حالك

.

[علي بن مسفرالحبابي]

ابن عشان ارررحب مليون شاعر ومن بيت شعر مايحتاج


ونعم في ربعك ال ناصر خاصه وكفو

ومدحك للحباب فخر طال عمرك

وكما قال الشاعر


انا من الحباب اللي لهم موقف مشهور
000000000تضد الحريب وتكرك الجار والعاني

وشاعرنا الراقي سعد القحطاني ملاحظاتك في محلها جعلك تسلم

ومعشيه عزام لقب كان يطلق علي الحباب في الماضي وهو احد القابها المعروفه


لاهنت يابن عشان ولاتحرمنا جديدك العذب

[ناصر بن محمد]

وافيه يالاحبابي وبيض الله وجهك






صح الله لسانك وعلآ شانك

[العبدي]

صح لسانك يالنّاصري ..

وبيّض الله وجهك ..

وأشكر المراقب سعد على تواجده وملاحظاته ..

وأتمنى لو البعض يحذو حذوه ..



تحيّاتي ..