شــــــــيوخ القبــــائل لا عدمناهم

[هبشان]

بسم الله الرحمن الرحيم

السلام عليكم

انا من الناس اللي يؤمن بمبدأ القبيله وافتخر بذلك في احيان

وتكلمنا هنا كثير عن جزئيات من الشغله هذي وخلصنا


اليوم ... شباب البلد انضحك عليهم في الاسهم

اغلبهم اخذ قرض لمة خمس سنوات فأكثر

الاغلبيه منهم ثمان وعشر سنوات


وحطوا الفلوس هذي في سوق الاسهم وبلعوها تجار البلد وكبار الاقتصاديين !!

الحين لو دققتوا النظر والتمعن ... نادر تحصلون بدوي ماعليه قرض



اقتراحي... واللي بغيت اقوله

المفروض ان كل قبيلي وبدوي .... يجيب شهادة مديونيه

شي يثبت فيه القرض اللي عليه

ويوديه لشيخ القبيله .... كل شباب القبيله يودون اوراقهم هناك


وشيخ القبيله الله لايهينه .... يجدولهم ويرتب الاوراق

ويركب سيارته ويروح للرياض


طبعاً يوقف في الطريق عند محطة بنزين ويشتري خيزرانه

وسبحه وحاجات يبدو منها ان عنده شغلة مصيريه


المهم .. يروح لولي الامر... او اولياء الامر ان صح التعبير

ويكلمهم ويقنعهم بضرورة تسديد قروض المواطنين


هذه الممارسة الديموقراطيه ... مشروعه اعتقد

انتاج يوم واحد من النفط

بس يوم واحد ... يكفي لتسديد قروض كل المواطنين

[فلاح آل راكان]

بييييييييييييييييييييييييييييض الله وجهك


لاعدمنااااااااااك انت وفكرتك

[سعيد مسعود العماني]

بس ياترى هل تقبل من ولي الأمر أم لا ؟

[يعلي]

الأخ هبشان لو راح احد مشايخ القبائل على قولك واعطي ما يعوض به من خسر في سوق الأسهم لألتهما لوحده وقال لم اعطى شيء مثله مثل غيره من حاشية الأمراء والملوك

لكن الكلام الصحيح كل واحد منا يسأل نفسه لماذا غلا الأسعار؟؟؟؟؟!!!!!!!!!! هل هو لذر الرماد في العيون؟

في نهاية طز في العضو السعودي (لأننا لسنا مواطنون من اي درجة )

تقبل شكري وتقديري لك ولموضوعك

[مرتاح البال]

كلام سليم --ومنطقي --وممكن يحصل من وراء هذه العمليه خير

يعطيك العافيه

تحياتي

[هبشان]

الله لايهينكم عالرورد والمرور
ومشكورين

[ابن خضير]

بسم الله الرحمن الرحيم
السلام عليكم ورحمة الله وبركاته


الله يعطيك العافيه على الفكره

بس كل امير مشغول في نفسه فقط

ولك تحيتي

[ذيب المعادي]

يا أخوااان بالله عليكم تكونوا واقعيين


تبيون تقولن ان الحكووومه مسؤوله عن كل سعووودي

يعني اروح اضيع فلوسي هنا وهناك
واطالب الحكومه بالسداد

الحكومه عليها التزامات كثيره كثر شعر راس اي واحد بالمنتدى
بعدين القانون مايحمي المغفلون


ليش حنا كذا معا الريحه

قالوا اسهم ولا سوى ولا اراضي ومساهمات عقاريه على طووول يطيحون الناس بها

انا اقول التعويض مفروض يكووون لهل البل الله يعينهم على مصيبتهم هذولا اللي يستحقون

اما هل الاسهم فهذا درس لرعاع الشعب علشان ماينجرفون وراء اي شي ولازم يتأكدوووون من اي مشروع يدخلونه

والـــــــــــــــــــــــــســـــــــــــــــــــ ــلام

[محمد الضويري العاطفي]

اشكرك على الموضوع الطيب ولكن ؟


على الامراء القبائل ان تعين فقراء ابناء القبائل والمديونيين او الذين مرتبعين في السجون من الديون لانهم يملكون المال وقادرين ان يعينون الضعفاء .

[هبشان]

لاهنت يالدوان و ذيب المعادي عالمرو
ومشكوووورين
تحياتي

[مقبل السحيمي]

الله
يعدلها

هذا درس يجب أن نستوعبه.....وخل الأمراء وشيوخ القبايل لقضايا الدم


جزاك الله خير

[ساج الوقت المشعلي]

لاهنت ياهبشان

لكن ما أقول ألا الله يزينها

والمشايخ اللي تقول عنهم اكثرهم قد مات اللي يهمه مصلحة جماعته وبني عمه

اما الآن فما همه ألا الختم ومصلحة نفسه وليس الجميع منهم

تقبل مروري

[هبشان]

لاهنتو جميع

والله انك صادق يالمشعلي

[طيب الساس]

الله يبارك فيك يا هبشان................لاتنسانا من افكارك الحلوة واذا رجعت لك فلوسك عطنا خبر الله لا يهينك

[هبشان]

ويبارك فيك اخوي

الله يرزق الجميع انشالله ويرد فلوسنا من كيد الغاصبين

ولاهنت عالمرور

[فـتى مـــــــلاح]

فكرة حلوة بس صعب تنفيذها

ولاهنت عالموضوع الحلو
تقبل مروري
تحياتي

[هبشان]

مرحبا بعيال وادينا

الله يسلمك وودك يالرجال انها تتنفذ بس من اللي بينفذها

لاهنت عالمرور تحياتي