المساعد الشخصي الرقمي

مشاهدة النسخة كاملة : يابنت ( موضة الحب )


ذيب العبيدي
28-04-2005, 02:46 PM
يابنت لاتشكين جرحـك وتبكيـن=انتِ سبب جرحك وقلبك ضحيـه

انتِ وراء جرحك ومثلك مساكين=ضاعوا بكلمة حب في المهمهيه

انتِ طعنتي القلب من غيرسكين=اعماك تفكيـرك وحـب الهديـه

يابنـت لايغريـك كثرالملاييـن=كم من فقير فـي حيـاة هنيـه

يابنت لو صلوا جميع الشياطيـن=ماطلعوا عصفور من جلد حيـه

ويابنت ماتبكي عيون المذكيـن=لدقوا الشلفـاء بنحـر المطيـه

يابنت نور الحق مايعمي العيـن=العين تعميهـا العلـوم الدنيـه

يابنت خافي الله ملجاء المصلين=في عفة ديست على حسن نيـه

خافي كريم دلنا الشرع والديـن=ونهى عباده عن طريق الخطيـه

ويابنت انا خايف على باقي اثنين=اسمك ورسمك والعزاء في البقيه

عزاي في عذرا تقود المزاييـن=في طاعت الله عن دروب رديـه

ماهزها موضه ولبس الفساتيـن=تدراء شرفها من خيوط المنيـه

وعزاي في عذرا تصون الفناجين=لياغاب شايبها تحفـظ الوصيـه

هذيك اناشهد عـزوة للمواليـن=يفخر بها ذرب علومـه طريـه

ماهي بضاعه قلبوها الملاعيـن=اما شروها رخـص والا هميـه

واخر كلامي للرجـال الفطينيـن=من ضيع اعقاله شماغه بريـه



ذيب العبيدي

عبدالله المهداني
28-04-2005, 05:20 PM
بيض الله وجهك ياذيب
وصح الله لسانك
كتبت فأبدعت
واسست فشيدت
وهدفت فأصبت
عسى ايامك سنين
والله يحفظ بناتنا وبنات المسلمين من كل شر
الله ييسر دربك ويثبت خطاك
شاعر لا يشق له غبار

تقبل تحياتي
اخوك
عبدالله المهداني

فارس قحطان
28-04-2005, 05:23 PM
يابنـت لايغريـك كثرالملاييـن=كم من فقير فـي حيـاة هنيـه

يابنت لو صلوا جميع الشياطيـن=ماطلعوا عصفور من جلد حيـه

ويابنت ماتبكي عيون المذكيـن=لدقوا الشلفـاء بنحـر المطيـه

ذيب العبيدي


صح لسانك ياذيب

ذيب العبيدي
29-04-2005, 03:18 PM
الاخ الكريم / عبدالله المهداني


ان كان من جمال في متصفحتي المتواضعه


فهو جمال مرورك العذب


شكرا لك وشكرا لطيب حضورك

ولا خلا ولا عدم



العبيدي

سمير
29-04-2005, 05:16 PM
يا بنت لو صلوا جميع الشياطين ما طلعوا عصفور من جلد حيه
وبا بنت ما تبكي عيون المذكين لدقوا الشلفاء بنحر المطيه

ْالله لا يهينك علىهالشعر العذب يا ذيب العبيدي
وعساك على الدوم يا منبع الطيب

ابوملاك
29-04-2005, 06:47 PM
ذيب العبيدي

صح لســـاااااانك على هذه الرائعة .

والله لايهينك ويعطيك الف عافيه .

ابو ذيب
01-05-2005, 09:09 AM
ذيب العبيدي كفيت ووفيت
صح لسانك
يالجزل والله لا يهينك

ابن قحطان
01-05-2005, 09:46 AM
ذيب العبيدي صح لسانك صح لسانك

ذيب العبيدي
03-05-2005, 04:00 PM
مراقبنا الغالي



فارس قحطان



تشرفت بمرورك يابعدي



لاخلا ولا عدم




تحياتي لك




العبيدي

ابن شاهــــر
03-05-2005, 05:19 PM
ذيب كأحد ابناء هذه القبيله يتأثر من باب الغيره لما يراى من مناظر لبنات هذا البلد الطيب تستدعي النقد البناء
وها هو الابداع بكل المقاييس من الاخ ذيب... من شي بسيط من المشاعر النقيه تجاه الجنس الاخر
اشكر له اتحاف المنتدى بمثل هذه الابيات الجميله
وقبلوا تحيات اخوكم ابن شاهـــر

ابن شاهــــر
03-05-2005, 05:28 PM
آسف على الخطأالغير مقصود (خطأ مطبعي ) وجاء الخطأ في لاسطر الثاني (.... ومن شي بسيط من المشاعر)
والتصحيح ( ... ومع شيئاً من المشاعر النقيه )

تركي الفهري
04-05-2005, 03:32 PM
صح لساااااااااااااانك
ياذيب العبيدي

ذيب العبيدي
15-05-2005, 11:52 PM
اخي سمير



لاهنت على المرور



وبارك الله فيك



لا خلا ولا عدم





تحياتي



العبيدي

فهد المكودر
30-05-2005, 12:40 AM
السلام عليكم ورحمة الله وبركاته

ذيب العبيدي

صح والله لسانك

قصيده وافيه بكل المقاييس ومن شاعر وافي

اتمنى تسجيل مروري المتواضع على صفحتك الراقيه

اخوك / فهد المكودر

ذيب العبيدي
09-04-2011, 08:38 AM
بيض الله وجه من مر وعلق
وبارك الله فيكم جميعاَ

تحيااااتيلكم
العبيدي