من قصايد الملك عبد العزيز

[السيف النادر]

الملك عبد العزيز من الرجال القلائل على مر التاريخ ومن الذين يستحي التاريخ من عدم ذكر فضائلهم ، لذلك من باب حفظ تاريخه جبت لكم بعض قصايده التي لا أعرف مناسباتها ، ولكن اللي يعرف بعض مناسباتها فأرجو منه ذكرها :

من قصائده نذكر قصيدته التي هي على لحن (الهجيني)

وقد ذكرها المارك في كتابه نقلاً عن الشيخ احمد العقيل

في كتابه (عبدالعزيز في التاريخ ) تقول ابياتها :


روحن مثل القطا صوب الثميلة ...ضمر تضفي عليهن العباتي

واهني الترف منزوع الجديلة ...ما ضواه الليل عند مغرزاتي

وردوهن هيت واخطاه الدليلة ...والموارد غير هيت مقضباتي

آه من قلب على حامي المليلة... لا تذكرت العصور الماضياتي

عصر من ينطح مقاديم الدبيلة... لابتي لاجا نهار الموجباتي

دون دين الله نتعب كل اصيلة... نبذل المجهود دون مخاشياتي

من تعبث بالفرايض عزتي له ... تقعده حدب السيوف المرهفاتي



وله ايضاً قصيده (رحمة الله عليه ) ذُكرت في كتاب قطوف الازهار

لعبدالله بن عبار العنزي تقول ابياتها :


نحمد المعبود خلاق البرية ... مدني بالعز والنصر المبين

عز نجد والحرم فرض عليه ... ملك جدي والجدود الأولين

من سلايل فيصل ماحنا نزيه ... عقب تركي جاع دنيا ودين

تركي المشهور حماي الونية ... ساطي الحدين حده مايلين

الله يرحم الشاعر الملك عبدالعزيز

ويرحم امواتنا واموات المسلمين

واتمنى ان تجودو بما لديكم من قصائد

للشاعر الملك عبدالعزيز (الله يرحمه )

[خالد آل مطرف العاطفي]

قصيده ... جدآآآ ..... جدآآآ ..... دسمه ... يكفي ان قائلها ... موحد المملكه ....

مشاركة ... تستحق .... كل .. الأعجاب ...... وماقصرت ..والله ... ياالسيف ..النادر ..

مشكوووووووووووور ... الله .. يعطيك الف عافيه ....وصدقني ...ان الموقع محظوظ .. لوجود
اعضاء .. معنا .. على هذا المستوى من الأبداع .....


اخوك اللي معجب في مشاركاتك / خالد

[السيف النادر]

معليك زود يا خالد000 والموقع والله تو ما زان بأمثالك اللي يستاهلون كل خير ،

وأشكرك على تحفيزك لي ولأعضاء المنتدى ، وهذا يدفعنا بالتأكيد لمشاركات أفضل واروع اذا وجدنا اللي مثلك .

كذلك احب اباركلك على الاشراف مع انها جايه متأخره ، لكني والله كنت غايب الفترة الماضية عن النت .

كذلك لا أخفيك عن مدى اعجابي بمشاركاتك الموضوعية والعقلانية .


وشكرا

[ابن شويه]

السيف النادر
مشاركاتك لها من اسمك نصيب
لاهنت

[السيف النادر]

مشكككككور يابن شويه على هذا الاطراء ، واحب اقولك اني متابع مشاركاتك تقريبا من البداية وفعلا كانت مواضيعك ومشاركاتك تدل على معدنك ، وننتظر المزيد منك

[السيف النادر]

بما أن الأخوة ليس لديهم ما يضيفونه لقصايد الملك عبدالعزيز , والاخ فارس قحطان قام بتثبيت الموضوع ، فحبيت اني احرك الموضوع وجبت قصيدة ليست للملك عبد العزيز ولكن للملك فهد بن عبد العزيز وهي مشهورة ومنها البيت اللي يقول


حنا هل العوجا ولابه مراوات= شرب المصايب مثل شرب الفناجيل
وهذي القصيدة ومناسبتها :
هذه القصيده قالها خادم الحرمين الشريفين عندما كان مريض في لندن في شهر شوال عام 1385وبعث بها الى صاحب السمو الامير/ فهد بن سعد



يابو سعد صارت على أخوك غارات=شهرين اقاسي من شديد الغرابيل
سو المرض يحمل على اخوك حملات=ومافي يدي حيله ولا في يدي حيل
والله فزع من فوق سبع السماوات= وانا احمد الله يوم صارت تساهيل
ماينفع الخايف والايام عجلات= الخوف ماينفع ولا القول والقيل
حنا هل العوجا ولابه مراوات= شرب المصايب مثل شرب الفناجيل
لاشك انا مشغول في كل الاوقات= على الذي حنا بظله رجاجيل
ماني على نفسي كثير الحسافات=لاسلم راسه روسنا رفاع بالحيل
حامي احمانا بالليال المخيفات= لو صار بالعالم كثير الزلازيل
فخر العروبه بالعدل والمساوات=هذاك هو فيصل ولافيه تشكيل
يشهد له اللي شاهدوا منه ليات= ويشهد له التاريخ جيل بعد جيل


وقد رد عليه الأمير فهد بن سعد ويقول وعمركم يطول :


يامرحبا بكتاب زبن المخلات=اهلا هلابه عد وبل الهماليل
حمدت من زال الكدر بالمسرات=فكاك من صكت عليه المحابيل
فزع لك اللي عالمً بالخفيات= مبري اجروح ايوب غيث المراميل
لعل مايزعج على فقدك اصوات= ولعلها لك يابوفيصل تماهيل
الله يجيرك من صواديف الآفات= عساك تسلم ياعشير المشاكيل
ما انت برخيص ً ياربيع القرابات= لو هي بالايدي كان دونك حلاحيل
ترا لنا بك يافتى الجود هقوات= في وقتنا الحاضر وباللي مقابيل
يفداك ربعً قصروا بالمهمات=اللي على القالات ماتنطح الشيل

واعذروني على القصور





منقووووول