المساعد الشخصي الرقمي

مشاهدة النسخة كاملة : صوت وصدي للشعراء باسماء مستعاره


الحد الرهيف
23-09-2007, 10:22 PM
صوت وصدي للشعراء مبدعين يكتبون باسماء مستعاره

الاول معدي المرقاب


ياكثر وجيه الطرقيه= المطايه والرجليه
احد مسلح واحد مرنح=واحد يشرب له ببسيه
اطويق من الراعه يشكي= والزحمه وسط القديه
العالم هاذي وش فيها = كلا جاء يشعب تكسيه
جنب جنب جاك المسرع =ابريكه يسبق بوريه
مجنون وراكب سياره =لاضباط ولادوريه
حاس الحاره قبل الشارع=وازعجنا حتى الظهريه
ازعجنا وزعج خلق الله= بالفوضى والغوغائيه
كل المحطات اتجيبه = حتى القناه الفضيه
ياراسي ياكثر عماسي= من شوف اعيوني هاذيه
ياما انا في عقلي شيه = والا الاوادم مبليه
وان طالت بي هالسويا= ظني لومي بالطاقيه
جنيت وجننت احساسي=بالتحليل وبالماهيه
والنتيجه خيقي بيقي= طبله مع رقصة 000

والثاني المشهور سداح


يا معديّ وش سوّت فيـّه =اللي بعنوان الطرقيّه

نشدت المواهب عنها=قال اسمك هاذيّه ليّه !

الطرق قصيّر ومحكحك=والمعنى ميّه بالميّه

وفي هذا الطاروق الكايف=عندي قناعه شخصيّه

ما يبدع به غير المبدع=ماهوب حق إعليميّه

أيقظ سباتي و هجوسي=حرّكها عقب المرثيّه

مير اسمح لي وأصفح عنّي=لا جاريتك بالمعنيّه

اللي تقوله نشهد به=ونشوفه صبح وعشيّه

الناس الله لا يبلانا =فيها الخبل وفيها العيّه

كم واحد لا قام ينازي=من شاكلته نازوا زيّه

يمسي راكب له مجنونه=ويصبح راكبته جنيّه

إنسان ومليان هدومه=لكنّ مافيه إنسانيّه

ولو تنشد قالوا لك خلّه=في صدره علّه نفسيّه

يفضفض يا عمي عنها=بين الشمس وبين الفيّه !

لا والله يا معدّي تسلم=منهم مافي عقلك شيّه

لاشك القانون الصارم=لو طبّق راحوا قطعيّه

من يضربّه عرض الحايط=ماهو كفو المسؤليّه

من شاف أوّلها وأتلاها = يرسل للقايد برقيّه

الحبحب جوها الحبـّابه=بالسكيّنه والجنبيّه

@تركي السنحاني@
23-09-2007, 11:11 PM
لاهنت يا الحد الرهيف

عبدالله بن غفره
23-09-2007, 11:14 PM
الحد الرهيف

الف شكر لك على هذا النقل الرائع والمميز


وبدون أي مجاملة عندما أرى موضوع تحت مسمى الحد الرهيف أثق تمام الثقه بإنه موضوع مميز وجديد في نفس الوقت


فلك مني جزيل الشكر والتقدير على ماتقدمه من جهد ومواضيع مميزه لشبكة قحطان



وصح الله لسان الشعراء

أبيات رائعه ومن العيال الثقيل



تسلم لنا يمناك يالغالي

فلاح آل راكان
23-09-2007, 11:17 PM
ارررررررررررررررحب ترحيــــــــــــــــــــــــــــبة الحيا يا الحـــــــد الرهيف

اسعـــــــــــدني ان اكــــــــون اول من رد على مشاركـــــــــــــــــتك

والله انك واااااااااااااافي والوافي ما يجب الا وافي

وصح الله السان الشاعر معدي المرقاب والشاعر ســــــــــــــداح


والله لايهينك وعلى لخرى يعينك

تقبل مروري

اخــــــــــــــوك:

ابونــــاصـــــــر الهـــــــــــاجــــــــــــــري

محمد الحياني
23-09-2007, 11:55 PM
تسلم يالغالي

مبدع

الله يسعدك

سعدالحبابي
07-10-2007, 01:13 PM
ابداع منقطع النظير


والله ماقصرت يالحد الرهيف


علي نقل هالقصائد


اللي لها روح لاهنت لاهنت لاهنت

علي بن مسفرالحبابي
09-10-2007, 02:19 AM
الحدالرهيف بيض الله وجهك عزالله اسماء مستعاره

خلفا عمالقه شعر لاهنت ويعطيييك العافيه

الحد الرهيف
24-10-2007, 11:39 AM
لاهنت يا الحد الرهيف

حياك الله ياتركي ومرحبابك

رائد نملان الحبابي
24-10-2007, 11:59 AM
الاخ المبدع الحد الرهيف ::

بيض الله وجهك وعزالله انك متميز

في جميع المجالات فالتميز يكون اينما تكون انت

لك مني صادق الود ..

ابراهيم آل بي حبيب الرفيدي
24-10-2007, 12:13 PM
أرحب أرحب

ابدعت في النقل والاختيار

دائما مبدع يالحد الرهيف

خالص تحياتي

عادل الشبلي
06-01-2008, 04:21 PM
الحد الرهيف

الف شكر لك على هذا النقل الرائع والمميز


وبدون أي مجاملة عندما أرى موضوع تحت مسمى الحد الرهيف أثق تمام الثقه بإنه موضوع مميز وجديد في نفس الوقت


فلك مني جزيل الشكر والتقدير على ماتقدمه من جهد ومواضيع مميزه لشبكة قحطان



وصح الله لسان الشعراء

أبيات رائعه ومن العيال الثقيل



تسلم لنا يمناك يالغالي

لاازيد علي ماقال ابن غفره وتستاهل يالحد الرهيف

حمد بن مسفرالحبابي
27-12-2008, 11:27 AM
الله الله الله


صح السنتهم


ولاهنت يالحدالرهيف


عزالله سداح شاعر ماهوهين شاعر بحر يجسب له الف حساب