ابو فارس الفهري
22-09-2007, 05:15 AM
بسم الله الرحمن الرحيم
طبعا زي ماهومعروف الناس من اول يحجون على البل وكانو يربطون البل ابعظها على شكل سلسله وكان الدليله على اول البل والبل تتبعه وفي سنه من السنين كان باشة سوريا عنده ولد وبنت ورايحين للحج حجو وخلصوا ورجعوا على دربهم بنفس الطريقه المذكوره وكان ابوهم مظبط لهم على ظهر بعير واحد صندوق زي السرير يجي على جنب البعير من الجهتين وهم راجعين صادفهم حنشل اخر اليل وكان الدليله صاحي والبل تتيعه والناس نايمين على ظهور البل شافو الحنشل الصناديق على ظهر جمل عيال الباشا والعيال نايمين وسطه وظنو ان الصناديق هذي فيه خير وفلوس قامو وفكو البعير وخذوها وسرو فيها من دون محد يدري ولا فكو الصناديق الا بعد ما قطعو مسافه طويله ويوم شافو عيال الباشا داخل الصناديق اتركوهم في الخلا وخذو البعير راحو العيال ومشو في الخلا الين لقو بيت شعر وجلسو عنده وكان راعي بيت الشعر مطنشهم (ماهوب طيب معهم) قعدو عنده مده وجا لراعي البيت ظيف وهو عمر ابا الخساير البجيدي العنزي قمه للعشا وماقوم الولد ايتعشا معهم واصر الظيف انه يقوم الولد ايتعشا معه ولا الظيف ماهو متعشي ومعا اصرار الظيف طاعه المعزب وقوم الولد وبدو يسولفون بعد العشا واتضح للولد ان عمر جاي يخطب وحزت في نفسه ان الظيف الطيب ياخذ اخت المعزب الردي ومن بكره كانو رايحين للمملك وهم رايحين على الدرب جلسو تحت شجره وتغدو وبعدما تغدو قال الولد:
شبعنا وشبع الذر من ســـــــورنا *** ولذر في درب الغانمين معاش
من لا يعرب مولده قبل منــــسبه *** يا مولده ينهج عليه بـــــــــلاش
يمد العطا من كان ظاري بالعطا *** ويمن العطا من كان خالــه لاش
فهم عمر معنا الولد في الابيات وفهم ان معزبه ردي وماهو كفو منسب قال لراعي البيت حنا متلقين القيظ والمملك بعيد وش رايك نخليها الين يبرد الجو وبطريقه قدر يصرف معزبه عن فكرة العرس الوقت الحالي ورجعو بيت المعزب واستاذن عمر من معزبه على انه يروح ويرجع لهله واصر الولد الا يخاويه هو واخته
واخذ الولد واخته معه وداهم لوالدهم باشت سوريا وعدل عن نسيبه الاول وناسب رجال كفو المنسب وعلى ما توارد من الرواه ان لعمر جاه من زوجته سبع بنات وكل بنت جو عيالها فرسان ومنهم محسن الفرم اخوحسنا وساجر الرفدي راعي البويضا ومشعان اخو جحله والباقين فرسان وهذا اللي يحظرني من اسمائهم.
طبعا زي ماهومعروف الناس من اول يحجون على البل وكانو يربطون البل ابعظها على شكل سلسله وكان الدليله على اول البل والبل تتبعه وفي سنه من السنين كان باشة سوريا عنده ولد وبنت ورايحين للحج حجو وخلصوا ورجعوا على دربهم بنفس الطريقه المذكوره وكان ابوهم مظبط لهم على ظهر بعير واحد صندوق زي السرير يجي على جنب البعير من الجهتين وهم راجعين صادفهم حنشل اخر اليل وكان الدليله صاحي والبل تتيعه والناس نايمين على ظهور البل شافو الحنشل الصناديق على ظهر جمل عيال الباشا والعيال نايمين وسطه وظنو ان الصناديق هذي فيه خير وفلوس قامو وفكو البعير وخذوها وسرو فيها من دون محد يدري ولا فكو الصناديق الا بعد ما قطعو مسافه طويله ويوم شافو عيال الباشا داخل الصناديق اتركوهم في الخلا وخذو البعير راحو العيال ومشو في الخلا الين لقو بيت شعر وجلسو عنده وكان راعي بيت الشعر مطنشهم (ماهوب طيب معهم) قعدو عنده مده وجا لراعي البيت ظيف وهو عمر ابا الخساير البجيدي العنزي قمه للعشا وماقوم الولد ايتعشا معهم واصر الظيف انه يقوم الولد ايتعشا معه ولا الظيف ماهو متعشي ومعا اصرار الظيف طاعه المعزب وقوم الولد وبدو يسولفون بعد العشا واتضح للولد ان عمر جاي يخطب وحزت في نفسه ان الظيف الطيب ياخذ اخت المعزب الردي ومن بكره كانو رايحين للمملك وهم رايحين على الدرب جلسو تحت شجره وتغدو وبعدما تغدو قال الولد:
شبعنا وشبع الذر من ســـــــورنا *** ولذر في درب الغانمين معاش
من لا يعرب مولده قبل منــــسبه *** يا مولده ينهج عليه بـــــــــلاش
يمد العطا من كان ظاري بالعطا *** ويمن العطا من كان خالــه لاش
فهم عمر معنا الولد في الابيات وفهم ان معزبه ردي وماهو كفو منسب قال لراعي البيت حنا متلقين القيظ والمملك بعيد وش رايك نخليها الين يبرد الجو وبطريقه قدر يصرف معزبه عن فكرة العرس الوقت الحالي ورجعو بيت المعزب واستاذن عمر من معزبه على انه يروح ويرجع لهله واصر الولد الا يخاويه هو واخته
واخذ الولد واخته معه وداهم لوالدهم باشت سوريا وعدل عن نسيبه الاول وناسب رجال كفو المنسب وعلى ما توارد من الرواه ان لعمر جاه من زوجته سبع بنات وكل بنت جو عيالها فرسان ومنهم محسن الفرم اخوحسنا وساجر الرفدي راعي البويضا ومشعان اخو جحله والباقين فرسان وهذا اللي يحظرني من اسمائهم.