المساعد الشخصي الرقمي

مشاهدة النسخة كاملة : اجمل قصيده في الفقر والغناء والمرجله


جعفر بن شري
26-04-2005, 10:00 AM
الفقر والغناء والمرجلة


قال من عدى حجا نفنوف عالي=ضـأيــقٍ صــدره وكــاثــرةٍ شـطــونـه
ابـدع الـقـيـفـان مـن ضـيــقــات بالي=والـغــنـاء ما هي بتخفانــي لـــحــونــه
هـاضـني يــاهـل الـوفاء شيً طرالي=وقــلــت قــولً بـعــلــنــه لــلــي يـبونه
اشـهـدً الـعـز فـي كــثـــر الـحــلالـي=والــعــرب مـن قــال مـالـه يـكـرهـونه
مـن مـعـه مــالً تـراه يــصـير غالي=والـفـقــيــر الـنـاس لازم يـرخـصـونـه
يـرخـصـه حـتـى الرفيق اللي موالي=وأسـرتــه لـقــل مـالــه يــبــغــضـونـه
لا يــريـده لا عـــمــام ولا خـــوالـي=ويـمـكـن ان عـيـال ابــوه يـقـاطـعـونـه
والله لـو هــو مـثـل ابـو زيد الهلالي=مــا يــحــســبـــونـــه ولا يــستعبرونـه
والــغــنــي لـو كان ما يسوى ريالي=غــالــيً عــنــد الـعــرب ويـقــدرونــه
ويـمــدحونــه كــل مــا جـاله مجالي=وان بـدالــه لازمً يــقــضــون شــونــه
لـو ذلـيــلً يـخـلـعــه زول الـظلالي=مــا يــكــافــح لــو (يـدفـل) في عيونـه
أو بــخـيـلً عـن مـزايـا الجود خالي=يـأخــذون بـخـاطــره ويـجــامــلــونــه
عـنـدهــم هرجه كما السمن الزلالي=والـفــقــيــر الــيــا هـرج يـستنكرونــه
كـم يـعــز الـمـال مـن جـرفً هيالي=وكــم عـزيــزً مـعـسـرً كـثرت ديونــه
وكــم رديًٍ حـيـث بـيـده راس مالي=جـاوُ عــكــفــان الـشـوارب يخدمونــه
حـدة الـحـاجة كـريـمـيـن الـسـبــالي=يســمــعــون امــر الـردي وينفذونـــه
وغـيـرة مـجـرى الدهر سود الليالي=واخــتــلـف طبع الخلايق عن يكونــه
والـيـمــن الـيوم تـغــلـبـهـا الـشمالي=والـعــوارف مـقـصـدي ما يجهلونـــه
كـل مــن كـثــرة فــلــوسـه ما يبالي=وان خطب عند الرجــال يـجوزونـــه
والـبـنـي الـبـيـض حـلوات الـدلالـي=من عجز في المرجلة عافً فــنونـــه
والـمـراجــل مـا تـهـيــا لـلـرجـالـي=غير من عقـــب اجتهـــادً يبذلونـــــه
من يباء كسب العلاء سهر اللـيــالي=والكسل يــرث لـــراعــيـه المهونــه
صـدقــونــي يـامــداغـيـش الـعيالي=اتركوا نوم الضــحــى لا تـرقدونـــه
ودي ارشدكم ولو ما ارشدت حـالي=منصحً بالنصـــح للـــي يقبلـــونـــــه
والـرجــاء يـالـعـارفين من الرجالي=لا بدى مني قصـــورً تــكــمـلونـــــه
واسـمـحـولـي يـالـنـشـمـا فـي مقالي=والســلام اخــتـــام للي يسمعونــــــه
قــالــهــا الـلـي ذايـقً مـرً وحـــالـي=وله روابع واخلـفـت بقعاء ضنونـــه

الشاعر الكبير / حمد بن هادي المسردي القحطاني
<< رحمه الله >>

ابوملاك
26-04-2005, 12:05 PM
عسى الله يرحم شاعرنا الكبير حمد ويسكنه فسيح جناته .

ومشكوووور اخوي جعفر على القصيدة والله لايهينك .

جعفر بن شري
27-04-2005, 09:05 AM
شكرررررررررررررا على الرد اخوي ابو ملاك
وننتظرررررررررر مواضيع الحلوه
والله يعطيك العافيه ولايهينك على قراءتك للقصيده

الامبراطور
27-04-2005, 02:29 PM
ودي ارشدكم ولو ما ارشدت حـالي=منصحً بالنصـــح للـــي يقبلـــونـــــه
والـرجــاء يـالـعـارفين من الرجالي=لا بدى مني قصـــورً تــكــمـلونـــــه
واسـمـحـولـي يـالـنـشـمـا فـي مقالي=والســلام اخــتـــام للي يسمعونــــــه
قــالــهــا الـلـي ذايـقً مـرً وحـــالـي=وله روابع واخلـفـت بقعاء ضنونـــه


اخوي جعفر بيض الله وجهك على اسعافنا بالقصيد اللي له طراه وثمره وقولوا امين نسأل الله العلي القدير ان يرحم الشاعر واموات المسلمين

كلمة حق عز الله ان حمد الله يرحمه اعده الشاعر اللي يستاهل انك تقرا كل قصايده

محمدالمسردي
28-04-2005, 01:28 AM
اخوي وعزيزي جعفر بن شري الله لايهينك ويعطيك العافيه وشكرا على المجهود الطيب وبدايه موفقه والله يرحم الشاعر حمد هادي



اخوك /محمدالمسردي

الصامل
28-04-2005, 11:57 PM
بيض الله وجهك يا ابن شري ورحم الله شاعرنا واسكنه فسيح الجنان

الـــجـــحــلــي
14-01-2007, 03:04 PM
الله يرحم الشاعر ويعطيك العافيه

أبوثامر
14-01-2007, 04:34 PM
الله يرحمك ياحمــــــــــــــــــد
ويش خليت للشعار من بعدك

ولاهنـــــــــــــــــــــــــــــــــــــــــــــ ـت يااجعفر

راعي المصنه
15-01-2007, 07:33 PM
السلام عليكم
الاخ العزيز/ جعفر ابن شري
الله يعطيك العافيه
اتحفتنا بهذه القصيده الرائعه لشاعر
قحطان الكبير رحمه الله رحمة واسعه
وبيض الله وجهك يا كحيلان

عبدالله آل عباد
15-01-2007, 08:42 PM
الله يرحمك ياحمد

أشهد لله أنه شاعر يجيبها على الكيف



ولا هنت


يا جعفر بن شري

ابن جبهان المسردي
04-02-2007, 11:48 PM
بيض الله وجهــك يابن شري على هذي القصيده الي فيها من الحكم
والفايده ..ومانقووول الا الله يرحمك ياحمد بن هادي