مرثية الشاعر/نواف منور العازمي

[سعيد ابو ديه]

مرثية الصديق الغالي
الشاعر نواف منور العازمي رحم الله
والتمس العذر من الجميع على التقصير
فهولة الموقف افقد الشعر توازنه



في سابع ايام شهر الصوم وادعنا =رجل (ن) عزيز (ن) علينا يالله الخيره
انا اشهد انه خبر محزن وروعنا=والحمد لله على حكمه وتدبيره
نواف شيخ الحكم والشعر والمعنى=شهم النبا طير شلوى طيب السيره
قبل امس راعي الوفاء والطايله معنا= واليوم يبكي عليه الشعر والديره
ياما وياما على العليا تجمعنا=على الوفا والمعزه من تباشيره
ون مات نواف ذكره باقي(ن)معنا=مامات ذكره ولا حبه وتقديره
يالله تحسن عزانا فيه وقنعنا=بالصبر وغفر له ذنوبه وتقصيره
مرحوم ياللي بشهر الصوم وادعنا=انا اشهد انه فقيده يالله الخيره

[معيض بن دشن]

قبل امس راعي الوفاء والطايله معنا= واليوم يبكي عليه الشعر والديره
ياما وياما على العليا تجمعنا=على الوفا والمعزه من تباشيره
ون مات نواف ذكره باقي(ن)معنا=مامات ذكره ولا حبه وتقديره
صح لسانك يابو عبد الهادي واحسن الله عزاك في صديقك الغالي الشاعر نواف . اللهم وسع مدخله واجعل قبره روضة من رياض الجنان واغفر ذنوبه ونقه من الذنوب والخطايا كما ينقا الثوب الأبيض من الدنس وارحم أموات المسلمين يارب العالمين في هذا الشهر الفضيل .
وهذا تعبير من قلب(ن) صادق وقلب الصديق لصديقه . ( ولا مات ذكره ولا حبه وتقديره )

[مشبب المهداني]

بيض الله وجهك على القصيده يا الوافي

[فلاح آل راكان]

صح الله السان يا سعيد

والله يرحم ابو عبدالعزيز

[عبدالله المهداني]

إنا لله وانا اليه راجعون


رحم الله نواف العازمي وألهم أهله وذويه الصبر والسلوان

ابو عبدالهادي أحسن الله عزاك وصح الله لسااااانك ونواف مات ولا بقى الا ذكره الله يصبرك وجعل مثواه جنات النعيم


تحياتي

[حسين العبدي]

اسأل الله له المغفره والرحمه في هذا الشهر الفضيل.




صح لسانك ياسعيد وهذا يدل على وفاك.

[@تركي السنحاني@]

اسأل الله له المغفره والرحمه في هذا الشهر الفضيل.




و صح لسااااااانك يا ابو عبدالهادي

دمت بوووود

[القحطاني نواف]

صح لسانك يابو عبد الهادي واحسن الله عزاك في صديقك الغالي الشاعر نواف . اللهم وسع مدخله واجعل قبره روضة من رياض الجنان واغفر ذنوبه ونقه من الذنوب والخطايا كما ينقا الثوب الأبيض من الدنس وارحم أموات المسلمين يارب العالمين في هذا الشهر الفضيل .
وهذا تعبير من قلب(ن) صادق وقلب الصديق لصديقه . ( ولا مات ذكره ولا حبه وتقديره

[خالد آل مطرف العاطفي]

اسأل الله له المغفره والرحمه في هذا الشهر الفضيل.

واحسن الله عزاك ياابوعبدالهادي في صديقك
وصح السانك على المرثية التي تدل على وفائك وحزنك على صديقك

[محمد الضويري العاطفي]

ان لله وانه اليه راجعون ولاحولة ولاقوة الا بلله العلي العظيم .


انا بصراحه الى الان مومصدق الخبر ولاتلومني ياخوكم الخبر مؤلم ومحزن ونحن نؤمن بلله العلي العظيم ولكن هاذا الخبر فضيع ومحزن للغايه تكفون تأكدو ياالربع .

[فارس قحطان]

السلام عليكم ورحمة الله وبركاته


صح لسانك يابوعبدالهادي

وانا اشهد انك شاعر موقف


وقصيدك وافي


والله يرحم نواف العازمي


.

[علي مشبب الجابري]

صح لسانك ياابو عبدالهادي والله يرحمه ويسكنه فسيح جناتة ومرثية مميزة واحسن الله عزاك

[ابن خضير]

بسم الله الرحمن الرحيم
السلام عليكم ورحمة الله وبركاته


صح لساااااانك

والله يرحمه

[الحد الرهيف]

اررررحب يابوعبدالهادي وصح الله لسانك والله يرحم نواف العازمي


وهذا دليل علي وفاءك وطيب معدنك


لاهنت يابوعبدالهادي

والله يبقيك ولايريك مكروه

[أبوفراس]

أبو عبدالهادي الله يعيظك وذويه الصبر والسلوان ويعيض الميت في حياته الجنه

اللهم إغفر للميت ولجميع موتى المسلمين وأغسلهم بالماء والثلج والبرد ونقهم من الذنوب والخطايا كما ينقى الثوب

الأبيض من الدنس ،

صح لسانك وهكذا يكون الوفاء للصديق

لك مني كل الود والإحترام،،،

أخوك : أبو فراس

[سعد القحطاني]

الاخ سعيد ابوديه

صح لسانك ولاهنت

على هذه المرثيه المحزنه

ورحم الله الفقيد نواف العازمي

.

[عبدالله بن غفره]

صح الله لسانك يابو مبارك


وأحسن الله عزاك والله يرحمه ويغفر له



تحياتي