من الكبير

[مطلق]

لا اله الا الله
الـكـبير الـواحـد الـفـرد الـصـمـد وهـو القدير
رافـع ٍســبــع ٍ طـبـاق ٍعـالـيـات بــلا عــمــد
=
له نتوب وله نصلي وان قـضاء أمره نستجير
يـوم لا حـول ولا قـوة سـوى الـرب الـصمـد
=
راضـي ٍبـأمـر ٍقـضاه ان كان شر أوكان خير
لـه رجـاي ومـنه خـوفي يـوم وجهي له سجد
=
مـاطـلـبت الا رضـاه وأسـألـه حـسن المصير
لـي دنـا مـنـي الـيـقــيـن وخلت الروح الجسـد
=
قـلـتـهـا مـن قـلب دايم يرتجي في الوقت خير
مــؤمـن ٍبـالـلـه ثـم مــن قـال مــن جــد وجــد
=
قـلتها يـوم إعـتبرنـي مـن نـشـد مـنـي صغير
مــادرا ان كـبري بـقـلب مـا يشـيل وما حـسد
=
وكم من كبير ٍ لي عـطاك الشور مادلك لخير
وكـم صغير ٍلي بخـسـته عـقـله يـسـاوي بـلـد
=
لأن الكبر كبر العقول اللي تحسب لما يصير
مــن قبل لا يحصل تحسـبه زين وتحل العـقد
=
قالها الي تـنـهـل عـلـومـه مـن اليـم الـغـزيـر
قــال قــول ٍمــاحــدٍ قـالـه ولا سـبـقــه أحــــد
=
شاعـر ٍيـسبح بحـور الشعـر لـو ماهـو خـبير
بـأرحـب الـصـدر يتـقــبل مـنـهـو لـقـولـه نقد
=
شـاعـر ٍبـأول طـريـقـه ماحسب طول المسير
ان ركـد وقـتـه تـعـجـل وان تـعـجـل له ركد
=
شاعـر ٍينـقي من سمان الهـروج ويسـتـخـيـر
مـانـشـد غـير الله المعـطي ولا غـيـره نـشد
=
وياصلاة الله على وجه الهدى الهادي البشير
عـد مـا تـمـطـر جـبـال الغـيـم وتهـل البـرد

وسلامـتـكم ...............

[خالد آل مطرف العاطفي]

شاعر ٍبأول طريقه ماحسب طـول المسيـر
ان ركد وقته تعجل وان تعجـل لـه ركـد

شاعر ٍينقي من سمان الهـروج ويستخيـر
مانشد غير الله المعطـي ولا غيـره نشـد
صح السانك صح السانك
يامطلق
وبيض الله وجهك على ذا القصيده الجزله التي تدل على انك شاعر متمكن وموهوب
يعطيك العافيه على كل حال ...وننتظر منك المزيد والمزيد من المشاركات المميزه ..
اخوك
خالد

[ابوملاك]

صح الله لســـــــااااااانك اخوي مطلق

شاعر كبير وقصيدة جزلة

الله لايهينك وبيض الله وجهك .

[ابو ذيب]

مطلق
صح لسانك الجزل وسجل اعجابي بقصيدتك

وكفوو والله