المساعد الشخصي الرقمي

مشاهدة النسخة كاملة : سلايل اشيوخ العرب


جابر بن شنان الحبابي
23-04-2005, 09:42 PM
قصيده مهداه للشيخ هادي بن ماجد بن قرمله وذلك رداً على معروفه اللذي قام به وايظا هي ترحيبيه به وله منا كل الشكر والتقدير...


قال الحبابي جابر الشناني = الشاعر اللي يصخر القيفاني
قصيدة من خاطره يكتبها = ترحيبةٍ بالشيخ والضيفاني
يا مرحبا ترحيبةٍ من خاطر = فاحت بريح المسك والريحاني
اعداد من صلوا وحجوا مكه = واعداد ما هلت من الامزاني
بالشيخ ابو ماجد رفيع الهامه = سلايل اشيوخ العرب قحطاني
شيخٍ وبن شيخٍ كريم وافي = ذرب الفعال معرب الجداني
حرٍ على الصيده جسورٍ ضاري = زيزومها المعروف بالميداني
البيض لك تهدى على معروفك = والشكر والتقدير والعرفاني
حييت يا برق السحاب الماطر = يا راعي الفزعات في الامحاني
نسري على يمتك وانت الظاهر = يا نجم عزٍ بالفخر قد باني
يا هيبة المجد العريق الشامخ = اللي بحد السيف والفرساني
الله خلق والله فرق بعباده = وانتوا هل الطولات والشيخاني
قد قلتها واعيدها واكرر = يا مرحبا بالشيخ والضيفاني
عند الحباب اخوانكم لا ضاقت = أهل الوفا ومزبنين الجاني
وحوش قومٍ لا بغينا حاجه = ناتي بها غصبٍ على العدواني
حن فزعة المكسور من عدوانه = وحن فزعة الجار الجوير العاني
نفرح ليا منه لفانا طارش = ونقلطه للحيل والقعداني
شيباننا بالطيب قد وصونا = وحنا على درب الرجال اعواني
صلوا على صفوة عباد الخالق = رسولنا المبعوث بالقرآنيجابر عايض بن شنان الحبابي
ابوظبي

ملحف الرفيدي
24-04-2005, 05:47 PM
صح لسانك يا جابر وبيض الله وجهك على القصيدة

ابوملاك
24-04-2005, 08:18 PM
صح الله لســااااااانك

والشيخ هادي بن قرملة يستاهل .

فارس الشواطي
24-04-2005, 08:28 PM
صح والله لسانك يالحبابي

قصيدة جزله ونعم فيك وفي ابن قرمله

ابو ذيب
24-04-2005, 09:23 PM
الحبابي

صح لسانك وقصيده جزله من جزل ويستاهل ان قرمله

جابر بن شنان الحبابي
28-04-2005, 02:15 AM
ملحف الرفيدي صح ابدنك

ولله لا يهينك

جابر بن شنان الحبابي
28-04-2005, 02:16 AM
مرحبا يا بوملاك

والله يعطيك العافيه

جابر بن شنان الحبابي
28-04-2005, 02:19 AM
فارس الشواطي

صح ابدنك ولا عليك زود

جابر بن شنان الحبابي
28-04-2005, 02:21 AM
مرحبا ومسهلا يا بوذيب

وصح ابدنك

والله لا يهينك

ذيب العبيدي
28-04-2005, 12:44 PM
يستاهل ابن قرمله



وانت وافي



لاهنت وتحياتي لك




العبيدي

عبدالله المهداني
28-04-2005, 05:34 PM
بيض الله وجهك ياجابر
وصح لسانك
قصيد جزلة
وفي من يستاهلها
اشهدانك بنيت قصرٍ وجودت ركونة
الله يرحم شايبك
ويقدي دربك
ويسدد رميك
ويكفاك النشب
وساعات الغضب
ويرزقك القدا
ويمنعك الردا

تقبل تحيات اخوك
عبدالله المهداني

جابر بن شنان الحبابي
28-04-2005, 09:43 PM
ما عليك زود يا ذيب

ولا هنت على المرور

جابر بن شنان الحبابي
28-04-2005, 09:47 PM
ووجهك ابيض يا عبدالله

وصح ابدنك والله لا يهينك ويجزاك خير على دعواتك الطيبه

وبصراحه يا المهداني اوقف عاجزا عن الرد على رسالتك اللتي اثلجت صدري

وجعلني ما خلا منك ولا من امثالك

ولك جزيل الشكر والتقدير

اخوك جابر

ابوظبي

محمدالمسردي
03-05-2005, 03:08 PM
صح لسانك يا جابر وبيض الله وجهك على القصيدة

يعطيك العافيه

تركي الفهري
04-05-2005, 03:29 PM
لاهنت ياجابر بن شنان
وصح لسانك على القصيده
وآل قرمله يستاهلون المدح والثنا

جابر بن شنان الحبابي
09-05-2005, 10:28 PM
والقايل ما يهون

وصح ابدنك

والله لا يهينك يا تركي

تقبل تحياتي